صدفة بلا موعد وبك خافقي هام .

P5

بعد العشاء
دخل ابو نايف على العيال المجلس وشافهم نايمين
فتح النور وقفل المكيف: يلا قوموووو
مهند وهو فاتح عين ومقفل عين : ياعم بدري
ابو نايف ضربه بالعصاء : من الضهر نايمين ماشاءالله اذن العشاء وتقول بدري ؟ قم صلي انت وياه
رجع مهند تلحف باللحاف ونام
وابو نايف ضربه هو والعيال بالعصاء حتى مصعب ما سلم منه ، وبعدها كلهم صحيوا وراحو يصلو .

عند البنات خلصوا من تجهيزاتهم و خرجوا يمشو لبيت ام جواهر لان بيتها قريب،
.
عند العيال في البر
نزلو اغراضهم و شبوا النار وجلسو حولها
مهند : الله تووو زانت الجلسه
نايف : ايوالله ، بس لو تطربنا يووووووه
مهند عدل جلسته ومسك العود: ابشررر ، مصعب اول واحد يختار ،وش تبي تسمع ؟
مصعب : والله على كيفك 
مهند : يلا اجل كلنا بصوت واحد
بدء يعزف مهند واعتلت اصواتهم اول ما عرفو النغمة ، وبدؤ كلهم بصوت واحد :
" عشقت الليل على شانه ... ونسمة نجد ودلاله
ومن ذاق الهنا في قربه ... جميع الكون يحلاله  "
وكان جوهممم رهيييب ويغنو بحماس لين خلصت الاغنية .
مصعب وهو يصفق : الله عليييييك
غياث : يلا بهاج سمعنا قصيدة
بهاج : "لا تغرك طيبتي ترى فيني عزة نفس
        ابيع كل الناس .... واعز نفسي
            وماني ملاحق الطير لا طار
          من راح عني مايلحقه غير ظله "
نايف : صححح لساااانك
مصعب وهو يصفق: الله علييييك
غياث : يلا انا بقول قصيدة
نايف : سبحاااااان الله
غياث : " ماعاد لي خاطر ولا عاد لي نفس
ولا قمت ادور وصل من لا يبيني
من قرب بخطوة اقرب له بخمس
ومن هو تغير عمد لا يحتريني "
مصعب صفق : الله عليييييك يششيخ
يزن وهو يضحك: مصعب اخاف اعطس وتقول الله عليك ههههههههههههههه
مصعب و بهاج مع بعض: الله عليييييك
الكل :  ههههههههههههههه
نايف : بهييج حرك النار
قرب بهاج من النار و غياث مد له الملقط : خذ
بعد بهاج الملقط و بدأ يحرك الحطب بيده : مايحتاج يارجال ، تعلم تعلم
مصعب : شاعرنا ضد النار .
بهاج ناظره : النار لا تحرق مؤمن !
يزن : انت راضع مع ايرون مان ؟
بهاج اتحرق : وجععععع يا عيونكم
الكل :  ههههههههههههههه
مهند : الفلسفة الزايدة مب زينه وانا اخوك
وقف غياث ومسك يد بهاج وسحبها عند التراب وهو يحط عليها موية : الله يهديه يحب يخثردز
بهاج : لأنك الوحيد الي ساعدتني ما بقول شي
غياث دفه : غصبن عنك يابزر
كملوا جلستهم بين اغاني مهند و هواش بهاج و غياث و مصعب معلق على الله عليك عشان يرفع ضغط  يزن و غياث يصورهم ويذب ونايف يضحك عليهم
وبعدها ركبو سياراتهم وتوجهو لبيت الجد
في سيارة بهاج ، غياث و مصعب
مصعب لبهاج : انا راجع الدمام بكرا
بهاج لف له : ليه ؟ اجلس
مصعب : لا بروح خلاص
بهاج :  ماعندك دوام اجلس اجلس
مصعب : وش اجلس ! زودتها من امس وانا عندكم
غياث : اقول اسكت بتجلس غصبن عنك ، وبعدين وش الي زودتها ؟ انت اخونا و نحنا اهلك واكبر دليل انك انضربت من ابوي اليوم معنا
مصعب ضحك : الله يهديه عمي والله الضربه تعور
بهاج : ذي خفيفه ما جربت الضربات الي يضربني هي
غياث : عاد بهاج يستاهل الضرب
بهاج : اقول احترم نفسك
بعد نص ساعة وصلو لبيت الجد ودخلو كلهم المجلس الا بهاج راح لباب الصالة وبدء يطبل عليه و يلحن: اريااااف.. اريااااف
غياث من عند المجلس : انت ما تتوب ؟ تبي ابوي يذبحك !
ارياف جات له : هلا
بهاج : تكفييين والله اننا جوعانيييييين
ارياف : يلا الحين اسوي لكم اكل
بهاج وهو يبوس خدها : ووووه اشتقت لك والله
ارياف : ما اشتقت لي اشتقت
بهاج بضحك : يلا تكفييين
.
.
اليوم الثاني في الدمام
جمانة كانت في الحوش وترسم و تغني وتشرب شاهي
سهم : اووووه رايقه اليوم !
جمانه رفعت راسها ورجعت شعرها على ورا : انا كل يوم رايقه ياحبيبي
سهم جلس جنبها واخذ كاسة الشاهي حقتها : ايه ماشاءالله عليك ، يووووه شاهيييك محكوررر
جمانه : بالعافيه
طلعت لهم غدير : متجمعين بدوني ؟!
جمانه : توه جلس سهم
جلست غدير جنب سهم : بسألك سهم؟
سهم :هلا ؟
غدير : تذكر صاحب ابوي الي كان معنا في شقراء ؟
سهم سكت شوي وصغر عيونه يفكر : اوووههه ابو نايف ؟!
غدير : مدري عنه الي عنده بهاج كان يلعب مع جمانه
جمانة ابتسمت : ايه ابو نايف اسمه
سهم : وين روّحو هم؟؟ وليه ما نزورهم ويزورونا
جمانة : والله ما اعرف ، تصدقون ودي اشوف بهاج لما كبر
سهم ضرب كتفها : وش تبين فيه ؟
جمانه : يعني كان مزيون وهو صغير ، بشوف اذا للحين مزيون او لا
سهم ضحك : ههههه اذكر كان يحب يلعب معك
غدير : هههههههه احس لو للحين علاقتنا معهم زي زمان كان تزوجك
جمانه بإحراج : استح على وجهك انتي وهو
سهم : وش فيه وجهك قلب احمر ؟؟
جمانة : مالك دخل
.
.
في شقراء الظهر ، بين بيت ابو يزن وبيت ابو عبدالعزييز
خرجت رغد تمشي متجهه لبيت جدها
و غياث كان راجع من البقالة
وكان فيه اطفال يلعبو بالكورة و بلغلط الكورة ضربت رغد ورغد صرخت ، ركض لها غياث
غياث : بسم الله عليك صار لك شي ؟
رغد وهي ماسكة كتفها : لا مافيني شي
غياث ضحك :كويس ههههههههههههههه
رغد بغضب : خير ! الناس تقول سلامات وانت تضحك ؟
غياث ابتسم : قلت لك صارلك شي قلتي لا وش اسوي لك ؟
رغد : هاوش الاطفال سو اي شي !
غياث سلك لها و لف على الاطفال يهاوشهم بس ماهو قادر يخفي ابتسامته : انت وياااه ، تعالو اعتذرو منها بسرعه !!
ابتسمت رغد مع انها عارفه انه يسلك لها
الاطفال بخوف : معليش
رغد لغياث قبل تمشي : شكراً
غياث : عفواً
راحت رغد لبيت الجد ، وغياث جلس يلعب مع الاطفال كورة.
خرج مهند و بهاج وعزوز ومصعب من البيت وشافو غياث يلعب
مهند : بزر انت ؟
غياث وهو ياخذ نفس : تعالو تعالو نلعب
مهند : العبو انتم انا بجلس
مصعب : انا بروح اكلم واجيكم
جلس مهند عند الباب و بهاج و عزوز راحو يلعبوا مع غياث والاطفال
.
.
.
في القصيم ،
مازن كان يسولف مع اهله و قاطعه اتصال مصعب
مازن : هلا بلي روّح لشقراء و نسانا هلا
مصعب : اخخخ اسكت وربي ما اكذب لو اقولك انه افضل عيد مر علي
مازن: وش سويتو
مصعب قاله عن الي صار من اول ما وصل
مازن : مصعب الحين وده يسكن عندهم ههههه
مصعب : والله ودي ههههههههههههههه
مازن : حمستني يارجال ان شاء الله لازم ازورهم يوم
مصعب : ، لاااازم ، يلا يلا مع السلامة
قفل مصعب وراح يلعب كورة مع العيال
.
.

جاء الليل و بعد كم ساعة ابو نايف و ابو عبدالعزيز و ابو يزن راحو يناموا ، والعيال زانت جلستهم
بهاج : مهند جيب العود
نايف اتكى على رجل غياث : تبي ابوي يذبحك ؟
بهاج : نايم ما درا عننا
يزن : ما ابغا انجلد معكم
غياث ضحك : انت انجلدت مرا وحده وطفشتنا اجل بهاج وش يقول ؟!
بهاج : تعودت تعودت
مصعب : جبه يا رجال انا افزع لك
مهند وقف : اغنيه وحده بسسسسسسس
الكل : تم
راح مهند وجاب العود ورجع : يلا وش تبون ؟
نايف وهو يلحن : كل ما اقفيت ... ناداني تعاااال
يزن وهو يصفق : تفهههمممم
مهند : يلا بس مانبي صوت عالي
بدء مهند يدق العود وبدؤا كلهم بصوت واحد
" كل ما اقفيت ناداني تعاااال ... وكل ما اقبلت عزّم بالرحيل ... الحقيقة غدت مثل الخيال ... هو عدوي وهو اوفى خليل "
الكل كان يغني ومستمتع وبهاج و مصعب يصفقو بشويش
بعد الغناء و الحماس ذا كله خلصت الاغنية وفاجئهم دخول ابو يزن
ابو يزن وهو يصفق : ماشاءالله يا مهند طلعت فنان
كلهم لفو على مصعب عشان يطلعهم من الورطة
مصعب بتوتر: ي ياعم طفشنا و قلت له يغني ، معليش ازعجناكم
ابو يزن وهو يضحك : ليل والناس نايمين وخفت ابو نايف يقوم يجلدكم ، وجيتكم انا ، والحين يلا كل واحد على فراشه
خرج ابو يزن ورجع ينام
والعيال كل واحد انسدح على فراشه و يضحكوا على قمطت مصعب