.
عند الرجال في المجلس
بهاج كان جالس وهو للحين مبتسم
غياث : ياااارب يارب انه يثقل يااااارب
مصعب : خلاص رجعت حبيبة القلب ورجعت روحه و ابتسامته ،
مهند ابتسم : يووه يازين الابتسامة ذيييي والله اشتقتلها
نايف : مين يتبرع ويعطيه دورة في الثقل؟
بهاج ماكان معهم وكان للحين مبتسم
الجد : وش بلاك يا بهاج ؟
ابو نايف ناظر بهاج : وش فيه ذا !
هايف : شكله شاف حبيبة القلب
ابو نايف غمض : لا اله الا الله ، تعبت معه ذا المراهق
ابو هايف ضحك : الحين اخليه يرد عليكم
ابوهايف ناظر بهاج : بهاج يا ولدي متى تبي العرس ؟
بهاج ناظر الو هايف: هلا يا عم ؟
ابو يزن : اييييييه ، الموضوع الي فيه حبيبة القلب على قولهم تسمعه
بهاج ضحك بإحراج : لا والله ماسمعتكم ، وش تقول يا عمي محمد ؟
ابو هايف ابتسم : اقوووول متى تبي العرس ، بس شكلك مو معي
بهاج : ما فرقت معي بس في اقرررب وقت
ابو نايف: اثقل شوي وانا ابوك اثقل
بهاج : ابشر
الجد :اجل عرسك وعرس مصعب بيوم واحد
مصعب و بهاج : تمام
الجد : بعد اسبوع كويس؟
بهاج : اييييه مرا كويس صح ؟
مصعب عناداً في بهاج : لا يجد ، بعد اسبوعين
بهاج ضرب مصعب بهمس : وجعع يا مصعب
الجد : اجل خلاص ان شاء الله العرس بعد اسبوعين ، والله يتمم لكم على خير
الكل : امين
.
.
في الليل ، عند العيال ، بعد ما ناموا الكبار ، اخذو فرشة و فرشوها في الحوش وجلسوا
بهاج : مهند وين العود ؟
غياث وقف : اصبر لاتاخذه عندي لك شي
راح غياث و بعد كم دقيقة رجع وبيده عود جدييد ، واعطاه بهاج
بهاج اخذه : ذا لمن ؟
غياث وهو مبتسم : لك
بهاج وقف بفرحة : والله !
غياث ضحك : اييييه ، دام بنرجع لأغاني الحب لازم عووود خاااص لك
بهاج حضن غياث : شكرااً الله يسعدددك ياغياث
غياث : عفواً عفواً
بهاج : اجل تستاهل انك تختار اغنية
غياث جلس : انت اختار وغني ، واضح مشاعرك اليوم زااااايدة
ضحك بهاج وعدل جلسته وبدأ يدق ،واعتلت اصوات العيال اول ما عرفو الاغنية ،
وكلهم بصوت واحد :
"وشلون ما اغليك ... وانت الذي علمتني حبك ... يا هاجسي .. عشقي عيونك .. إسأل .. وتلقى الجواب .. في نظرة عيونك " إلخ.......
خلصت الاغنية وصفق مصعب : الله عليييييك
بهاج : انت لا تكلمني ، والله انك قاهرنييييي
مصعب ضحك : وش سويت ؟
بهاج : ليه مطير العرس بعد اسبوعين !!!
هايف ضرب بهاج : دلخ انت ! وراك بيت و أثاث و اشياء كثير ، في اسبوع واحد تبي تكمله ؟
بهاج : تنحل تنحل
بعد سوالف ، وقفو كلهم وراحو يناموا
.
في جناح غياث
دخل غياث وهو يدندن
ورغد كانت جالسه في الصالة وهي تنوم غيث
غياث وهو متجهه لها : هلا هلا بأم غيث هلا
رغد ابتسمت : تعال شوف ولدك طلع عيوني
باس راسها غياث و جلس واخذ غيث :
معليش حبيبتي استحملي شوي
رغد مسكت يده : كيفه بهاج ؟ واضح انه بيطير من الفرح
غياث ضحك : اييهه هههه ابوي شوي ويجلده الخفيف.
رغد : واضح يحبها مراااا
غياث ابتسم و قرب لها : وانا احبك !
رغد ابتسمت ومسكت لحيته : وانا اكثر
قاطع حبهم ، بكاء غيث
رغد وقفت : مالي دخل جاء دورك تسكته
غياث وهو يطبطب على غيث : رغد ! ماعرف ساعديني !
رغد رفعت يدها : ماااليييي دخلللل
غياث وهو يحاول يسكت غيث : طيب اعطيني رضاعته
رغد اعطته الرضاعة وجلست وهي تصحك على غياث الي يحاول يسكت غيث.
غياث و هو يهز غيث : بس يا بابا بس.
غياث ناظرها : رغد حبيبتي حرام عليك !
رغد وقفت وهي تتثاوب: ابي انااام اذا ما سكت نزله لأمي او امك.
راحت رغد للغرفة تنام ، وابتلش غياث ب غيث.
اخذ غياث اغراض غيث ونزل للمجلس عند العيال.
مهند صحى على بكاء غيث و رفع راسه : غيااث اطلع انت وولدك لا اطيركم !
غياث : تكفووون ساعدوني اسكته
هايف وهو فاتح عين و مقفل عين : وين امه ؟؟
غياث ضحك: نايمه
جلس بهاج : غياااااث ، وده لأمي او للبنات
غياث ضرب بهاج برجله : حمار انت ؟ فيه بنات في البيت كيف ادخل ؟
وقف مصعب واخذ غيث من غياث و حاول يسكته بس ما سكت
مازن : شكله وصّخ
مصعب شم : افوووووه ، وين حفاظته ؟
غياث رفعها : هذي هي
اخذ هايف غيث و حطه على الأرض و بدأ يغير له حفاظته
يزن : غياث ودي اجلدك انت ورغد.
اخذ بهاج غيث وجلس وهو ويهزه عشان ينام ،
بهاج بعد ما فقد الامل ان غيث يسكت : امسك ولدك و اذلف ، نبي نناااام
مصعب اخذ غيث : اسكتوووو بجرب طريقة ، واخر محاولة اذا مانام خلااااص.
جلس مصعب و حط غيث على بطنه وبدء يهز غيث و يطبطب على ظهره الين نام ، والعيال اول ما نام غيث ناموا كلهممم بتعب.
.
اليوم الثاني في جناح غياث
صحت رغد وهي تدور غياث وغيث بس مالقتهم.
غيرت ملابسها و نزلت لبيت ابو نايف
رغد : وين غيث ؟
ام نايف : نحنا نسألك وينه !
رغد : امس غياث ما جاء لك ؟
ام نايف: لا ماجاني
رغد حطت يدها على قلبها : بسم الله ، وين راح مع الولد!
ام يزن : اتصلي عليه
اخذت رغد جوالها واتصلت على غياث
رغد بخوف : مايرد !!! يالله وييينه
العمة هنادي: يمكن راح مشوار وراجع !
رغد وعيونها مليانة دموع : لااا ، انا امس تركت غيث معه وما اعرف وينه الحين !
قاطع كلامهم صوت غياث وهو يقول: ياولد طريق
وقفت رغد وراحت تركض للباب.
رغد والدموع تطيح من عيونها : وييين كنت؟؟؟
غياث وهو يمسح دموعها بأصابعه : ويش فيك ؟
رغد اخذت غيث منه وهي تشاهق : وينك ؟ ليه ما ترد على جوالك ! وين كنت
غياث ابتسم : قلتي إنك بتنامي امس ، و البيت فيه بنات مالقيت الا العيال ، رحت لهم لين نام غيث ونمت معهم بالغلط
رغد : قولي انك بتاخذ غيث مره ثانيه لا تخليني اخاف كذا !
غياث باسها : ابشري يا عيوني ، ااااسسسسففف
.
بعد الغداء ، رجع كل واحد لمدينته
الجد و العمة هنادي و عيالها لشقراء
و ابو هايف و اهله ، وبهاج والعيال للدمام
و ابو يزن واهله مع رغد للقصيم.
.
.
.
.
مرت الاسبوعين جمييله على الكل ،
في القصيم عند ابو يزن ، روان بشرتهم بإنها حامل و الكل فرحااان لها و ابو يزن وام يزن ينتظرو ثاني حفيد لهم .
وفي الرياض ، رنيم كانت تجهز للعرس وهي فرحااانه و متحمسه لحياتها الجديدة ، و غياث كل يومين يروح للقصيم يسلم على رغد و غيث.
وفي الدمام ، جمانة كانت تجهز للعرس وهي مبسوووطه و فرحانه. و سهم للحين يفكر في الهنوف و ينتظر يوم عرسه بفارغ الصبر.
وعند بهاج والعيال ، مصعب و بهاج اخذو شقتين جنب بعض وكانو يجهزو لعرسهم بحماااس.
مصعب عزم اهله للعرس لاكن كلهم اعتذرو ، صح انه زعل شوي بس ما استغرب وكان متوقع انهم ماراح يجون.
" (من الاحداث الي صارت في ذي الاسبوعين:
راح مازن لأبو مصعب ، في مجلس ابو مصعب ،
مازن : ياعمِ انا صديق مصعب ولدك.
ابو مصعب : طيب ؟
مهند : ياعمي عرس مصعب الاسبوع الجاي في شقراء وانا اشوف تعال انت واهلك عشان تكمل فرحته
ابو مصعب كان راح يرفض بس قاطعه كلام مازن
مازن : وطااالبك يا عمي ما تردني ، لو انت لوحدك جيت ، والله بيفرح مصعب.
استحى ابو مصعب وماقدر يرفض : خلاص ان شاء الله خير
مازن : بتجي؟
ابو مصعب بحدة : قلت ان شاء الله )"
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
