بعد " 15 سنة "
قبل العيد بيومين
في الدمام في شقة العيال :
في المطبخ مازن كان يجهز الفطور
مازن بصراخ : مصعبببب بهااااج تعاااالوو
مصعب و بهاج توجهو لمازن وهم يركضوا
بهاج بخوف : وش فيك ؟
مازن : وش الي وش فيني ؟ انا اطبخ وانتم تسدّحون ؟
مصعب : خرشتنا الله يهديك ؟ خلنا نفطر و اتفاهم معك بطريقة ثانية.
مازن مسك خصره : الحين 27 يوم وانا اكرف في المطبخ ، تعالو ساعدوني ؟
بهاج جلس على الطاولة : ها يا طباخنا وش نسوي ؟
مازن اعطاه الخضار : خذ قطع ذا ، وانت مصعب تعال سوي العصير
مصعب : ياااارب عفوك
مازن : اخلص علينا بس
اذن المغرب وفطرو و صلو وبعدها جلسو في الصالة
مصعب : بهاج
بهاج : هاه
مصعب ضربه : وش هاه ! قول هلا !
بهاج ناظر له : هلا
مصعب: متى بتروح لأهلك ؟
بهاج : اليوم بعد التراويح
مصعب : وانت يا طباخنا ؟
مازن : بكرا بروح للقصيم بعد المغرب
بهاج ناظر مصعب : وانت وين بتعيد؟ تعال معي
مصعب : لا لا بروح اعيد عند اهلي
بهاج : على راحتك
بهاج وقف على اذان العشاء : يلا يشباب قوموا نروح المسجد نصلي و بعدها انا بحرك
وقفو كلهم وتوجهوا للمسجد وصلو العشاء والتراويح وبعدها مشى بهاج للرياض
.
في جهه ثاااانيه في الدمام
في بيت ابو هايف
جمانة و غدير و امهم كانو في الصالة ويشربو القهوة ويسولفوا
ودخلو عليهم ابو هايف و سهم : السلام عليكم
الكل : وعليكم السلام
سهم رقد على رجل جمانة : جوجوووووو
جمانه دفته : حبيبي مضيع امك ؟ قم قم
سهم رفع راسه وحطه على رجل امه : والله ماتستحين ، اخخ يمه راسي يوجعنيييي
ام هايف وهي تبوس راسه : بسم الله عليك
جمانة : والله يمه انك مدلعته زيادة عن اللزوم
ام هايف : حبيب امه وش حارق رزك انتي ؟
جمانة حضنت ابوها : الله يخليلي ابوووي حبيبي
غدير : لي الله انا
ابو هايف مد يده الثانيه : تعالي تعالي
غدير حضنته : ابووووي حبيبي
وقف هواشهم على الاحضان صوت المطر الي ينزل
جمانة وقفت بسرعة وراحت للشباك : مطرررررر
ركض سهم للحوش و بعده جمانة و غدير ووقفو تحت المطر و ابو هايف وام هايف يناظروهم وهم مبتسمين من عند الباب
سهم وهو فاتح يدينه للمطر : الله الله
و جمانه وغدير ماسكين يد بعض و يدورون تحت المطر
ابو هايف وهو يصفق : يلا يلا ادخلو لا تمرضو مابقى شي على العيد
جمانه : تكفى يبه بس شويييي
ام هايف : وش الي شوي ! يلا يلااا
سهم : يمه من زمان عن المطر بس شوي
ام هايف: بكيفكم لما تمرضون لا تجوني
كملو سهم و غدير و جمانة لعب وبعد شوي دخلو البيت وغيرو ملابسهم
.
بعد اربع ساعات ونص ، واخيراً وصل بهاج لبيت اهله فتح الباب ودخل : السلاااام علييكمم
رنيم ركضت وحضنته : بهاااااج اهلاااااً اهلاً
بهاج حضنها : اهليييين رنومة والله شتقت لك
تقدم بهاج وسلم على امه و ابوه و روان وارياف
بهاج : وينه غياث ؟
ام نايف : الحين يجي
دخل عليهم غياث : بهيييج وووصل يالله حيه
بهاج وقف وحضنه : الله يحيييك يا بعد حيي
غياث جلس جنب بهاج : والله اشتقت لك
بهاج : حبيبي والله وانا اكثر
غياث لف لأبوه : يبه متى بنروح للديرة ؟
ابو نايف : بكرا ان شاء الله بعد الغداء
بهاج بصدمة : انا ما تجهزت !!
ابو نايف : وش تنتظر ؟
بهاج حك راسه : والله كنت مضغوط مع الدوام ولا لحقت اشتري لي ملابس
ابو نايف قبل يرمى عليه علبة المنديل : قم روح خلص اشغالك بسرعه قم !
بهاج مسك علبة المنديل قبل تضرب فيه وضحك وهو يوقف : ابشر ابشر
بهاج ناظر غياث : تخاوي ؟
غياث وقف : اكيييييد
خرجوا بهاج وغياث وركبو السيارة و اتجهوا للسوق.
.
.
في السيارة عند بهاج و غياث :
بهاج : غياث
غياث : هلا
بهاج : ترا وضعك مو عاجبني
غياث ناظره : وش الي مو عاجبك فيه ؟!
بهاج : يعني خلاص ربي ماكتب لك نصيب معها وهي تزوجت وربي يوفقها ، وانت شوف حياتك ماوقفت الدنيا عندها !
غياث غمض بضيق : ما اقدر يا بهاج ما اقدر ، انت متخيل ثلاث سنين وانا احبها و بنيت حياتي واحلامي معها ، واخر شي اتقدم لها وتقول ابي ولد عمي !!!!
( قصة غياث : كان يحب وحدة اسمها جميلة ، وتقدم لها اكثر من 10 مرات ، و كل مرا ابوها يرفضه بحجة "البنت ما تاخذ غير من نفس قبيلتها " و اخر مره تقدم لها قالت له " خلاص ما ابيك ابي اتزوج ولد عمي " و غياث انقهر انقهرررر ليييه ! بعد حب ثلاث سنين تتركه !!! )
بهاج : والله يا غياث الحل بيدك ، تقدر تنساها وتشوف حياتك ، وابوي ترا مابيسكت على وضعك على فكرة !
غياث : خلاص قفل الموضوع واعطينا كم بيت
بهاج : خلني افكر شوي
غياث عدل جلسته : اجل انا بقول
بهاج : اخسسس غيااااثووه ! من متى ؟
غياث ابتسم : اسكت واسمع ،
" راح الحبيب اللي كسرني بصده
واقفى وارخص بالهوى دمع عيني
روّح وأحاسيسي ماهي مستعدة
وماكنت اظن انه بيترك إيديني
وشلون يتركني وأنا اللي اوده
وينسى الغلا اللي كان بينه وبيني "
بهاج ضرب الدركسون : والله منت بهين غِييِّث
غياث : يلا دورك
بهاج :
" ان كان غيري خذاه الله يهنيه
حتى لو اني من الخاطر بغيته
الشي لا صار الكل خاطره فيه
والله لو القاه طايح قدامي ماخذيته " .
غياث : يوووه من زمان عن قصايدك والله
وصلو بهاج و غياث للسوق واشترى بهاج ثياب وبعدها رجعو للبيت
.
اليوم الثاني قريب المغرب في بيت ابو نايف
وصلو نايف وميساء و عزوز
عزوز ركض لبهاج : عمووو بهاااااج
بهاج رفعه وباسه على خده : هلا هلا بحبيب عمه هلا بعزوز
سلم عزوز على الكل وبعدها جلس عند بهاج
عزوز : انا صمت عشرة ايام
ابو نايف : شاطر سميي شاطر
رنيم : يلا تعالو السفرة قرب يإذن
جلسو كلهم على السفرة
و روان جابت الكاميرا : يلا ابتسموا
بهاج رفع راسه : يالله صبرككك
صورتهم روان وجلست و أذن وبدؤ يفطرو بعد ما دعوا.
.
في الدمام بعد الفطور في بيت ابو هايف
كانو كلهم جالسين في الصالة ، و وردة تلعب مع جمانة وغدير ، و الباقي يسولفوا
مذيع التلفزيون : " تعلن المحكمة العليا ان يوم غد اول ايام عيد الفطر المبارك ، وكل عام وانتم بخير"
جمانه : الله بكرا العيييييد
وردة رفعت حواجبها : بناخذ عيديه!!!
غدير وهي تقلد وردة : اييييه !!
وردة ضحكت : يييييييي
سهم : وردة كم تبين عيدية بكره
وردة : كثييييير
سهم ضحك : ابشرييي
كملوا ضحك و سوالف وهم متحمسين للعيد ، صح انهم يعيدو لوحدهم بس يسوو فعاليات.
.
في بيت ابو نايف في الرياض
ابو نايف : يلا بنحرك على الديرة.
في سيارة بهاج كان معه غياث و رنيم و عبدالعزيز و روان
في سيارة نايف كان معه امه و ابوه و ميساء و ارياف
ومسكو كلهم طريق الديرة
في سيارة بهاج
روان : اففف بهااااج حر نزل الشباك
رنيم وهي تقلد صوت روان : افف بهااااج ليش جبنا الدلوعه معنا؟
روان ضربت رنيم على يدها : احترمي نفسك
بهاج ضحك وهو ينزل الشباك: والله يا روان بعض احيان احسك تتصنعين من كثر ما صوتك ناعم ( روان صوتها مرااا نااااااعم بدون تصنع )
روان : والله ياحبيبي ذا صوتي من ربي مو لازم يعجبكم !
غياث : اقول اتركو البنت في حالها مالكم فيها ، صوتها حلو وش تبون
بهاج ناظر في وجه غياث : حبيبي قلنا انك محامي بس خلاص فكنا حتى هنا ؟!!
غياث : يا شيخ تقلع بس ، انت ورنيم لو اترككم على روان خليتوها تبكي
قاطع كلامهم اتصال جوال بهاج : الووو
مصعب : ياااا لبى الصوووت الي اشتقت له
بهاج ابتسم : هلا حبيبي هلااا ، كيفك وكيف مازن
مصعب : الحمدلله بخير ، فاتك طباخنا حرق فطور اليوم
بهاج بضحك : احلففف ! ههههههههههههههه
مصعب : والله ههههههه غبي غبي
بهاج : عشان تعرفون انكم تضيعون بدوني
مصعب : يرجال مصدق نفسك !
بهاج : تكفى يولد تعال الديرة عندنا
مصعب : وش اسوي عندكم !، لااا بعيّد هنا
بهاج : ترا انا اخوك واهلي اهلك وش وش تسوي؟ تعال يولد غير جو والله بتستمتع
سكت مصعب وهو عارف ان كل اخوانه مو موجودين في الدمام وامه عند اهل زوجها وابوه لو راح له بيخليه مثل الجدار .
بهاج : هاه وش قلت ؟
مصعب : تمام ان شاء الله اجي
بهاج : ايييه واخيراً ، يلا حرك وانتبه على نفسك
مصعب : ابشر ابشر يلا مع السلامة
قفل بهاج الخط
رنيم : مين ذا !
بهاج : خويي مصعب
رنيم : عازمه على الديره ؟
بهاج : ايه
غياث : ليه ؟
بهاج : عيد ، و اخوانه مو موجودين وامه وابوه منفصلين وش يجلس يسوي في الدمام ؟ يجي عندنا احسن
غياث ابتسم : يا طيب قلبك يا بهاااج.
أنت تقرأ
صدفة بلا موعد وبك خافقي هام .
Romanceجارين و اعز الاصدقاء ، كل واحد راح لمدينة ثانيه ، وانقطع التواصل بينهم ، لاكن بعد 15 سنة البطل ( بهاج ) بالصدفة يصادف صديق ابوه ، وتبدأ قصته لما يتذكر صديقة طفولته ( جُمانة )
