هروب ليلة الزفاف💍مكتملة💍

💍الجزء 10💍

💍❤️هروب ليلة الزفاف❤️💍

بقلم✍️ أسماء الزروالي⭐🌙

فقرة  10🌹

داز نهار بحال اللي قبلو وفي لعشية ادم جاب  لفراش لهيبة ولحوايج كانت بيجامة طويلة ووسروال الصوف وملابس داخلية وتريكو الصوف نقيين وريحتهم زوينة وشال سخون اصلا امي رحمة وخا ساكنة في الغابة امرأة متولة ونقيقية.

بدلات هبة حوايجها وحسات بالراحة فيهم وصبنات الثانيين ونشرتهم في الدخلة ديال الكوخ فين وراتها امي رحمة تنشر بعيد على الشتا. تعشات وحطات عشا بلال فوق الطابلة . اللي نهار كامل وهو غابر.... . فين غابر الله اعلم.

شتا توقفات شوية هذيك الليلة . بعدات شوية على السرير اللي كانت تتنعس فيه وقربات من الدفاية وطلقات فراشها وقبل ماتخشا فيه دق بلال ودخل .

وخا وجهو ماعبر على والو لكن حسات انه انتبه للتغيرات اللي دارت في الكوخ .
كالعادة هي لولا هضرات : السلام عليكم ..... راه لعشا فوق الطبلة ....( سكتات لكن منين شافتو ماجوبهاش رجعات تكلمت )... وممكن تنعس في فراشك...  شكرا بزاف انا امي رحمة جابت لية هاد لحوايج وهاد لفراش. وسمح لية خليتك نعستي معذب هاد اليومين... 
شاف في وجها البرئ الطيب وقال:  رجعي انتي لفراش وخليني انا ننعس في الارض . انتي مزال رجلك مريضة وصعيب  عليك توقفي عليها .

هبة تتحاول تقنعو : لالا انا مرتاحة هكدا والله...  ورجلي الحمد لله اليوم شوية وزيدون البونجا صغيرة وانت تبارك الله ط...

(بغات تقول طويل وهي تسكت هو فهمها و بلاما يبقا احاول اقنعها قال)  : صافي نعسي في البلاثة اللي انتي مارتاحا فيها .

مشا خدا لحوايج من بلاكار وكالعادة مشا  ادوش.  قالت في خاطرها
هبة :  والله هاد المجدوب عزيز عليه نقا كو غير احيد عليه هذيك الشعكاكة  وهذيك اللحية اللي مخبيين وجهو. ابان ظريف اكثر .اما هاكا تقول باغي غير ادابز.

ابتسمت وقالت : وانا مالي كل واحد حر في راسو نمشي نعس وندخل سوق راسي. تخشات في فراشها وتكركبت  في هذيك البطانية بحال الشرنقة.

كان بلال جالس في الحمام تيخوي عليه الماء سخون وتيفكر كيف ان حضورها غير شحال من حاجة .... تتبان انسانة طيبة وبريئة  ومحترمة  علاش عائلتها بغاو أديوها.... لقا راسو تيفكر فيها وفي مشاكلها وهو اصلا مانقصش ... سمع باللي اليوم بداو اصلحو القنطرة ديال الواد غير اكملوها غادي اياخدها اوصلها فيلاج واركبها تمشي لدار البيضاء .... كما وعدها.