هروب ليلة الزفاف💍مكتملة💍

💍الجزء 144💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 144🌹

قرب بلال من هبة اللي كانت مغيبة  مسك اليد اليسرى اللي مزال صحيحة  ونزل باسها من جبهتها بقا ماسكها في يدها وقرب من وذنها وبدا تيتكلم معاها وخا هو عارف ماغاديش تسمعو

بلال بصوت حنين و حزين في نفس الوقت : هبة حبيبة ديالي ... اه حبيبة ديالي ..وعمري  ...وحياتي ... فراسك انتي اجمل حاجة وقعات لية فراسك هذيك الليلة باش رسلك لية الله كنت حزين ومغبون وحاس بالوحدة وباللي الدنيا بدات تتكحال في وجهي لكن منين خرجت ولقيتك قدامي  حسيت فعلا وكأنني عثرت على شي كنز ... وفعلا كنتي كنز .... أنا يمكن من أول ماشفت وجهك الملائكي هذيك الليلة  قلبي تعلق بيك ... يمكن حبيتك من النظرة الأولى غير حزني ماخلانيش نعتارف لنفسي .... حيث كلما كنت تنحس بأنني غادي نخسرك تنحاول نعمل شي حاجة باش تبقاي في حياتي وقريبة مني ويمكن هذا هو السبب اللي خلاني نتزوج بيك ونديك لداري ونجعلك ام لبنتي ... هذو كانو غير أسباب أما الحقيقة هو انه ماكنتش باغي نخسرك ... وكنت تنكذب على نفسي كلما قلبي تيبغي ابين لية انني تنبغيك ... حيث وليت خايف من الحب ..... وبالاخص حبك اللي كبر مني ( قرب مرة اخرى باسها من جبهتها وكمل )... هبة حبيبة ديالي نتسناك غير تبراي وغادي نعترف ليك بكل اللي في قلبي لأنني مابقيتش خايف من حبي ليك بلعكس انتي ذابا هي الامل اللي انا عايش بيه .... انتي هبة الله عطاها لية الله كنعمة ورزق وسخرك لية باش تبدليني وتبدلي لية حياتي... وانا مامستعدش نعاود نخسرك   ... هبة حبيبة تنواعدك غير تقومي بالسلامة نعوضك على كاع الايام التعيسة اللي عشتي في حياتك ... غادي نكون ليك عاشق و حبيب وزوج واب واخ وصديق ... أهم شئ غير فتحي عينيك ورجعي لية باش قلبي اطمأن عليك ...

بداو عنينين هبة تيتحركو ونزلات دمعة جانبية .....

بلال فرح منين شافها   مد يدو تيمسحم وبحماس قال  : هبة حبيبة تتسمعيني .... فتحي عينيك ... او عملي اي حركة الا تتسمعيني.

ضغطات بيدها اليسرى على يدو و
بدات تتحرك راسها  غير بشوية  وشوية بدات تتحل عينها التاعبات ...
وبدا صوتها تيخرج على شكل انين خفيف.

بلال من فرحتو انها رجعات وعيها هز يدها وبدا تيبوسها ليها وزوج دمعات نزلو على خدو قرب منها  ...بعدما شافها باغا تتكلم. حيد ليها انبوب الاكسجين وخلاها تتنفس طبيعي. خرج البيل من جيبو وفحص ليها عيونها ... لقاها فعلا استرجعت وعيها ..

هبة  بصوت تاعب وضعيف: بب بلال

بلال قرب منها : قلب بلال ... روح بلال..... حبيبة بلال.

هبة سمعات كلامو زادو نزلو دموها .
قرب منها نزل باس ليها جبهتها وبدا يمسح ليها دموعها .

بلال : شوش حبيبة ماتبكيش .... الحمد لله بقيتي عايشا هذا هو اهم شي... كنت غادي نحماق لو وقع ليك شي حاجة ... لكن ربي كبير بأعجوبة قدرتي تعيشي.

هبة بقات ساكتة ودموعها مزال مابغاوش اوقفو كانت ناعسة تايهة في احلامها حتى سمعات صوتو في منامها سمعات اعترافو كامل ليها بحبو ليها تخيلاتها غير حلمة زوينة ... لكن منين فتحات عينها لقاتو فعلا جنبها ... وفعلا اعترف ليها بحبو .... لكن الجهد باش تجاوبو ماعندهاش ... جسمها كلو ضعيف وتتحس بالالآم جد قوية ... خسرات عليها هاذ اللحظة الجميلة اللي شحال تسناتها ...