💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 142🌹
بلال بصوت هاذئ : الحاجة ... انا حضنتك باش تهنيني ماشي تواسيني .... العملية نجحات وهبة بخير .
الحاجة دفعاتو عليها ومسحات دموعها بفرحة على بكية قالت: حرام عليك اولدي طيحتي فية النص ... تيصحابني بنتي هبة مسكينة خسرناها ... الله اطول عمرها ...
رجع بلال جرها حضنها عندو وقال : باش مرة ثانية ماتبقايش ضربيني... (ابتسم) الحمد لله ... قدرت نعتقها في الوقت المناسب ... والفضل تيرجع الله وليك الحاجة .... كان يمكن خاصك تصرفقيني من زمان.
الحاجة شافت فيه وهي مبتسما : مزال خاصني نزيدك واحد زوج تصرفيقات ... باش تفتح قلبك وتصارح هذيك البنت بحبك لكبير ليها.... اي واحد اشوفك اليوم في هذيك الحالة ... اعرف شحال هبة عندك عزيزة .... عمري شتك اولدي في هاذ الحالة ... وحالتك اولدي صعيبة ماينفع فيها لا طبيب لا دوا ... حالتك حالة العاشق الولهان .... وطبيبك ودواك هي هبة ... فحاول تخليها تعرف باللي في قلبك ... ممكن تسامحك على هذاك الشي اللي سمعاتك تتقولو ...
بلال : فعلا الحاجة اليوم عاد عرفت مكانة هبة في قلبي ... وغادي نصارحها بمشاعري ... ونحاول نتصالح معاها ... ولكن قبل مانتصالح معاها ... خاصني كما قالت هبة نتصالح مع نفسي ... من خلال التصالح مع اللي خلقني ... عرفتي الحاجة ... انا فعلا في هاذ اللحظة محتاج نبقا مع نفسي ومع اللي خلقني ... نطلب منو السماحة هو الاول ونتوب ليه ... ونشكرو على النعم الكثيرة اللي عطاني وخا انا كنت بعيد عليه ... مابخلش علية ... وكان رحيم كريم لطيف و جبار لية .... وضعف ايماني بالله هي اللي وصلاتني للحالة اللي وصلت ليها بعدت عليكم ... وعلى مهنتي الشريفة ... شحال من مريض كان محتاج لية مالقانيش .. سمحت في مسيرة الاب ديالي ... كأستاذ وطبيب .... وهاد الشي كلو على وحدة ماتستهلش ثانية وحدة من حزني عليها وحدة انانية خاينة تتبغي غير نفسها ... انا الحاجة غلطت في حقك وحق بنتي وحق الحاج الله ارحمة اللي وصاني نكمل في مسيرتو وفي حق هبة اللي فرضت عليها تدخل حياتي وتبقا معايا بشروطي وفي الاخير بسبب انانيتي ولأنني ماتقبلتش كلمة حق منها مديت عليها يدي اه الحاجة انا هبة ضربتها قبل الحادث . انا فعلا غلطت غلط كبير واقترفت ذنوب كثيرة خاصني نتوب عليها.
أنا العبد الذي كسب الذنوبـــا وصدته الأماني أن يتوبــــــــا أنا العبـد الـذي أضحـى حزينـــاً على زلاته قلقاً كئيـبــــــــــا أنا العبد الذي سطـرت علـيـــه صحائف لم يخف فيها الرقيـبــــا أنا العبد المسيــئ عصـيـت سراً فما لي الآن لا أبدي النحيـبـــا أنا العبد المفرط ضــاع عـمـــري فلم أرع الشبيبة والمشـيـبـــــا أنا العبـد الغريـق بلج بحــــــــرٍ أصيـح لربما ألقــى مجيبـــــــــا أنا العبد السقيـم مـن الخطـايــا وقد أقبلت ألتمـــس الطبيـبــا أنا العبد الشريد ظلمت نفسي وقد وافيت بابكـم منيـبــــــــا
كلمات: جمال الدين الصرصري
الحاجة جراتو عندها وحضناتو : دايما باب التوبة مفتوح و ربي كبير وقال الله تعالى في سورة الزمر "قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لاَ تَقْنَطُوا مِنْ رَحْمَةِ اللهِ إِنَّ اللهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ"، صدق الله العظيم.... وحتى هبة اولدي قلبها كبير واكيد الا طلبتي منها السماحة غادي تسمح ليك ... هي سمحت لباها ورابحة والعربي بقيتي غير انت راجلها لعزيز.
أنت تقرأ
هروب ليلة الزفاف💍مكتملة💍
Romans💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
