هروب ليلة الزفاف💍مكتملة💍

💍الجزء 95💍

هبة 💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 95🌹

بلال عاد مزاد تعصب ورفع صوتو  : وا الحاجة واش باغا تسطيني .... غادي دخلي عندهم وتقولي ليهم ماكاين بوخطوبة حيث الا دخلت انا مانضمنش ليك شنو غادي اوقع... وما غادي نعقل لا على كريم لا على اللي جاو معاه.

هنا خرجات ليلى اللي كانت حتى هي في الصالون معاهم وخرج كريم وتبعاتو الام والاب ديالو .

كريم بغا ادير فيها راجل : بلال صحبي  مالك معصب ... ياكما حيث ماكلمتكش على الموضوع زعما بغيت نعملها ليك مفاجأأة ..وجيت نيشان قاصد الحاجة ... حيث هي لكبيرة في الدار ... وانا فعلا هاذ المرة جيث ناوي المعقول ...  ماشي تنتفلا

بلال شاف فيه ومن بين سنانو تكلم  : كريم ماتستفزنيش

الام ديال كريم مستغربة : اش واقع مالك ابلال ولدي معصب.

بلال ماتيشوفش فيها عينو غير على كريم   : سولي  ولدك انا قلت ليه بعد من البنت راه خط حمر ... وهو تجاوز الخط وجاي اخطب وبلا شواري.

كريم : واش عيب ولا حرام وزايدون هي غير خذامة هنا ... وماعندكش الحق تدخل فيها القرار تيبقا قرارها وانا قاصدها لحلال باغيها تكون مرتي على سنة الله ورسوله ... وهاد الشي ماشي عيب.

ملاك هنا طلقات من يد جداتها ومشات عند بابها تطلبو وتتبكي : لا ابابا لا ماتخليهش اياخدها ... مابغيتوش اتزوج بيها..... غادي اياخدها مني ... بغيت هبة تكون ماما مابغيتهاش تمشي .

كلام ملاك خلا كلشي مصدوم فيها ... اما هبة  ماتخيلاش راسها انها ممكن تكون عزيزة عند ملاك لهاذ الدرجة ... بقات فيها بزاف وماسخاتش تنطق وتقول ليها حتا انا باغا نكون ماماك .... ولكن خالتك ليلى هي المؤهلة لهاد الدور ...... وهي اللي ختارها باباك  تكون ماماك .

بلال اول مرة انزل عند بنتو واحاول اهدأها قال ليها بصوت هادي  : ماتبكيش ..... . هبة  ماغاديش اياخدها  وماغادي تمشي لحتى بلاصة ... غادي  تبقا معاك و تكون ماماك.

وهاذ الشي اللي بلال تيقلب اسبوع هذي باش اقولو الهبة جا الوقت المناسب ليه.
الحاجة ماصدقاتش اش سمعات : شنو قلتي اولدي .

وقف بلال وياله بغا اتكلم جات جيهتو ليلى وكأنها تترجاه بعينيها  : بلال عفاك ماتقولش شي حاجة تندم عليها فكر في الهضرة اللي قلت ليك قبيلة ... انا محتاجة فرصة.

بلال صافي خدا قرارو مصلحة بنتو فوق مصلحة الجميع . دار جيهت هيبة اللي كانو دموعها نازلين ماقدراتش تتحمل الموقف وهاذ المشاكل اللي وقعات ليها  ... وبقات فيها ملاك كثر ... وفي نفس الوقت تتحاول تستوعب كلام بلال اللي قال بلي هبة غادي تكون أم لملاك.

مشا بلال جيهت هبة ومسكها من يدها وجرها عندو حتى جات مخبوطة مع صدرو دورها جيهت الكل  وهز يدو حطها على كتفها وجرها عندو وكأنه تيعلن امتلاكو ليها وأنها ديالو بوحدو وقال وبكل ثقة وعينو مفيكسين على كريم .

بلال : هبة ... مستحيل تخطبها او اخطبها اي راجل ثاني مفهوم .... .

تقدم عندو كريم وعلامات التحدي في عينيه ....

كريم : كاينة السيبة اسي بلال  ... واش تيصحاب ليك مالك عبدة ...وا اسي بلال راه سلا زمن العبيد والجواري . زمن الجواري بح سلا ... هبة حرة وعندها الحق هي تختار

مد كريم يدو ماحاملش  بلال امسك هبة بهذيك الطريقة ....  ياله غادي  إحط يدو على يد هبة باش اجرها من عند بلال ... مسك  ليه بلال يدو  وزير عليها وهزها حتى طلق كريم صيحة الم.
بلال مزير على سنانو : اخر مرة كنت قلت ليك الا حطيتي مزال يدك عليها نهرسها ليك لكن انت تتقلب علية.

هنا تدخل اب كريم تيجري جيهت بلال ...

الحاج فروق : بلال ولدي طلق ليه يدو راه طبيب جراح ومحتاج ليها...  لعن الشيطان في لحظة عضب ... ماتنساوش راكم صحاب وعشرة عمر .... رجوع الله اولدي عمري شتكم مدابزين.
وجات ام كريم حتى هي : لا اولدي ...لا.... غير طلقو ... بناقص من هاد تزويجة ... عفاك اولدي طلقو ... ماديش على كلام ولدي راه ماتيعرفش إهضر ولا اتصرف انا لو كنت عارفة مافراسكش مانجيوش كاع .

بلال فعلا كان ناوي اهرسها ليه لكن كلام والدين كريم ...هو اللي وقفو ... بقا غير مزير عليها..

كريم ابتسم بسخرية واستهزاء  : ماتقدرش تهرسها عارفك جبان.

هنا بلال فقد صبرو واحد زوج ثلاثة جمع معاه بكروشي لفمو . حتى طاح نزل فوقو وهزو واعاود ليه وحدة ثانية وثالثة ورابعة ... بقا اخبط فيه واعاود ...  كلشي تيتغاوت دخلات غير زهرة والحاج فروق اللي فرقوهم..... والحاج خبا ولدو كريم وراه اللي ولا كلو دميات هذاك الوجه اللي كان فرحان بيه خسرو ليه بلال ...

الحاجة معصبة  : بلال ولدي الله اهديك تهدن ... واش باغي توقف لية قلبي.

بلال ولا بحال شي وحش هز صبعو وهو تيتحلف على كريم : قلت ليك ماتستفزنيش  اكريم .... صحيح ماهرستش ليك يدك على قبل احترامي لمهنة الطب ... لكن تزيد معايا كلمة نهرس ليك فمك...... انتي الحاجة لبارح حذرتك لكن حتى انتي ماتتسمعيش ..... قلت ليكم هاذ الزفت ديال الخطوبة ناغاديش تكون .... لكن تحديتوني وانتما اللي قلبتو علية ....