💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 80🌹
الحاجة : بقا لية سؤال واحد ... واش مخطوبة او مرتابطة..
هنا هبا بدات تسرط في ريقها
بغا بلال ادخل لكن هبة سبقاتو : لا الحاجة مامرتابطاش
جا صوت من وراها : احسن حاجة
كلشي دار باش اشوفو شكون هذا اللي عاجبو الحال ان هبة مامرتابطاش.
لقاو الدكتور كريم داخل تيفرنس وعينو غير على هبة مد يدو باش اسلم عليها مامداتهاش ليه.
مسكها بلال ودورو عندو.
بلال : هبة ماتتسلمش على رجال.
رجع كريم شاف فيها وابتسم : يوم بعد يوم تنزيد نتفاجأ فيك ... يعني هاذ اليدين عمر شي راجل غريب مالمسهم.... لالا انتي فعلا عملة نادرة .
هبة تيقول ليها واحد لعقل غادي تنوض تجمع معاه بواحد التصرفيقة تسكتو بيها للأبد.
شافت في بلال ووقفات : سمحو لية نمشي شوف زهرة واش محتاجة شي حاجة ... الحاجة حمد الله على سلامتك. هي بغات تخرج وهو امسكها كريم من يدها وقفها.
هنا بلال وقف ... لكن قبل مايقوم بالواجب كانت هبة قايمة بيه ... مع دورتها مع تجمع معاه بتصرفيقة. ميلات ليه وجهو جيهت بلال .
هزات صبعها وهي تتحلف : اخر مرة تحط يديك علية... المرة الجاية نهرسها ليك .... وانت عارف اهمية اليد عند الطبيب الجراح.
دارت خرجات وكريم واقف ماسك حنكو وتيشوف فيها.
ابتسم بسخرية وقال: تنموت على لقطوطة اللي تيخربشو.
هنا بلال فقد حتى هو اعصابو دور كريم من كتفو بقوة وشنق عليه تيتحلف وجهو قريب من وجه كريم .
بلال مزير على سنانو وعلى حنكو : كريم ماتخلينيش نخسر الصحبة اللي بيني وبينك.... هذاك نهار قلت ليك هبة خط أحمر راه ماتتشبهش لبنات اللي تتعرف.... لكن انت تتقلب علية.... ليوم كليتيها من عندها مرة ثانية انا اللي ماغاديش نرحمك..... هبة بعد منها اخر مرة تنقولها.
كريم هز يدو بزوج وبدا تيبتسم : واو واو صاحبي غير بشوية عليك راه غير تنضحك معاها وهي ماتقبلاتش ضحكي... مالك اصحبي شعلتي ياكما تتغير ...
بلال زاد شنق : شوف بلاما نبقاو نلويو في الهضرة البنت بعد عليها... مفهوم.
الحاجة وراهم عاجبها الحال .. عجبها ان ولدها تاكلو النفس على هبة وفي نفس الوقت عجباتها التصرفيقة اللي عطاتها هبة لكريم... من زمان وهو ماتيتسرطش ليها وخا راه الطبيب ديالها اللي متبع حالتها . وصديق بلال منذ الطفولة .. لكن تصروفاتو وعينيه الزايغين خلاوها ماتحملوش.
الحاجة بصوت هادئ : بلال ولدي الله ارضي عليك ماديرش عقلك فيه... راه ليوم تعلم درس من البنت ... خلاتو اميز باللي ماشي كاع البنات بحال بحال. ونعلو الشيطان راه ملاك تخلعات راه مامزيانش تتصرفو قدامها بحال هكذا.
ملاك اشمن مخلوعة ملاك بلعكس عاجبها الحال حتى هي كانت تتسنى بحال هاذ اللحظة تشوف فيها كريم مدلول... لكن هاذ الذل قليل في حقو.
بلال غير تفكر بنتو اللي معاهم في البيت طلق كريم وقال: جاي تفحص الحاجة فحصها ورجع لخذمتك.
دار شاف في الحاجة وقال : الحاجة شوية ونرجع عندكم .
خرج قبل مايزيد معاه كريم شي كلمة واصدق ضاربو ... بأي حق اتحرش بهبة او اقيصها... كان بلال من الداخل ثاير بحال شي بركان 🌋 بقا ليه شوية انفاجر....
أنت تقرأ
هروب ليلة الزفاف💍مكتملة💍
Romance💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
