💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 158🌹
شاف قدامو عروستو اللي صافي قلبها غادي اسكت بالفرحة .. بداو يديها تيترعشو حسات بحب كبير تينفاجر في اعماقها ... وشوق اكبر ماسخات غير امتى تلاح في حضنو وتشبع من قربو وريحتو .
وصل حداها وسعداتها دادا ميمونة توقف باش تستقبل راجلها .. دارت هزات عينها شافت فيه ومن تحت الشبكة وجها ولا سخون وحمر بالحشمة ... رفع الشبكة غير بشوية على وجها ... باش اشوف ملاكو تيشوف فيه بعنين كلهم شوق وحب ... الناس تيبوسو الراس في هاذ اللحظة هو جرها عندو وحضنها وبصوت كلو حب قال ليها : توحشتك حبيبة ديالي .
هبة نزلو دموع الفرح وتشبتات بيه بقوة ... من بعد
بعدها عليه غير بشوية وعاد باس ليها جبهتها .... وبداو الزغاريد ... عطاها البوكي ديال الورد وفتح بواطة ديال الذهب .... اللي كان فيها طاقم دهب والماس ...ركب ليها الخاتم هو الاول وجبد من جيبو خاتم ديالو عطاها تركبو ليه تحت زغاريد الجميع ... عطا الطاقم لدادا ميمونة تخبيه ...رجعو جلسو اكملو حفل الحناء تحت انظار الجميع اللي كانو فرحانين.
سالا العرس وجا وقت الوداع ملاك والحاجة قررو ابقاو شي اسابيع في الفيرما مع عائلتهم الجديدة .... لأنهم عجباتهم الاجواء العائلية والطبيعة ... كانو واقفين وسط الدار هبة لابسا قفيطين في البيض اما بلال بدل عليه ولبس كومبلي في الكحل تيهبل ... قرب الشيخ من هبة وباسها من جبهتا وقال: بنتي ... الله اسهل امورك واسعدك في حياتك وارزقك الذرية الصالحة .... والله ارضي عليك دنيا وآخرة وكما جعل ربي لية فيك الخير الله اجعل لراجلك فيك الخير...
حيد السلهام من على كتافو وغطا بيه بنتو وقال: هذا ذكرى من عندي ليك ابنتي خليتو ليك غطا وستر ... تبقاي تفكريني بيه مرة مرة .
هبة طارت عليه وحضناتو وقالت : الله اخليك لية ابا انت الغطا والستر .. الله اطول لية في عمرك يارب.
من بعد ماودع بنتو شاف في بلال وقال: بلال ولدي ... مانحتاجش نوصيك على بنتي لأنني متأكد انك غادي تتهلى فيها وغادي تكون ليها سند اب واخ وزوج ... اللي نقدر نقول الله اتاويكم والله ارزقكم الهنا والسعادة .
جر بلال عندو وحضنو بحب لأنه فعلا تيعزو كأبن
جا الوقت اسافر بلال هو ومراتو ابداو ايام العسل مع بعض وقفو كلهم حدا سيارة بلال ودعوهم بالدعوات وكلشي فرحان كما تمنا الشيخ وكما تمنات حتى هبة تخرج من دار اباها
تحركات سيارة بلال وهما تيلوحو ليهم بيدهم هبة من فرحتها بهاذ الوداع وهاد العرس والاحداث اللي وقعو كما تمنات و رجوع بلال اللي هاهي معاه دابا في سيارتو اخيرا قاصدين حياتهم الجديدة ومقبلين على ايام جميلة مبنية على الحب والوفاء والاخلاص كل هاد الشي خلا دمعة فرح نزلت من عينها ... شاف فيها بلال وحتى هو فرحان بحالها او كثر منها .... فرحان بأنها اخيرا غادي تولي مراتو بقلبها روحها وجسدها ... اخيرا غادي تولي شريكة ليه في حياتو كلها بحلوها ومرها ... مد يدو ومسح ليها الدمعة اللي نزلات على خدها وقال: من اليوم غادي اتنقصو الدموع وتولي بلاصتهم غير الابتسامة والفرحة ...
هبة ابتسمت وهي حشمانة تشوف فيه حيث بعد هاد الشهرين ديال الغيبة ديالو ... هادي هي او لحظة تيكونو فيها غير هما بزوج ... شافها بلال ساكتة مسك يدها اليسرى اللي جنبو بيدو اليمنى وشبك صوابعها مع صوابع يدو ورفعها لفمو تيبوسها ... بوسة صامتة طويلة دافية ... هي مع هاد الحركة الي عمل حسات برعشة تتسري في جسمها كلو ... بلاما تشعر هزات عينها شافت فيه... وحتى هو شاف فيها بحب بعنين تيعكسو كل الحب والشوق والرغبة اللي قاتلين بلال ...
بلال بصوت حنين وكلو حب : فراسك توحشتك .... وتسنيت هاد اليوم اللي نعادو نتجمعو فيه بفارغ الصبر ....
بقات هبة ساكتة و عايشة اللحظة مع بلال كلامو تيزيد افجر حبها ليه.
أنت تقرأ
هروب ليلة الزفاف💍مكتملة💍
Romantik💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
