💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 28🌹
رابحة بصوت عالي متفاجأة باللي تتشوفو قدامها : اولد لحرام اش تدير باغي تشوهنا . واش باغي البشير اقتلك
مشات جيهتو تتجري وجابداتو من فوقها. غير وقف جمعات معاه بواحد التصرفيقة.
رابحة معصبة : ماتقدرش تصبر حتى الليل .
العربي تينهج : بنت لحرام هي اللي استفزاتني. هي اللي جعراتني بهضرتها.
رابحة : خرج دابا من هنا مانشوف وجهك حتى لكتاب . انا اللي حمارة عطيتك الساروت.
خرج ومع الخرجة تزادح مع فتيحة اللي سمعات صوت رابحة تتعاير منين كانت ماشية لبيتها.
فتيحة : اتي مالكي اش واقع وهذا اش تيدير هنا.
رابحة : ولد حرام كان غادي افضحنا مع هذي .
دارت شافت في هبة لقاتها خاشية وجها في لفراش وتترعد . وتتنهج تقول كانت هاربة وتبعها وحش. وفعلا اللي كان فوقها وحش لوكان ماجاتش رايحة في الوقت المناسب كو اغتصبها.
فتيحة شافتها غير ببينوار وشعرها عريان .فتيحة : اويلي امي عندك اكون تعدا عليها ليومة اقتلو البشير.
رابحة : سكتي غادي تفضحينا . راه وصلت في الوقت المناسب. لكن حتى هي مو لسان ماتتسكتش اش فيها الا دات وجابت معاه في الهضرة علم الله اش قالت ليه حتى جعراتو.
مشات جيهتها : هزي راسك نوضي غسلي وجهك صافي راه مشا. وحاولو تتقبلو بعض راه بغيتي ولا كرهتي البشير قال غادا تزوجي العربي معناها غادا تزوجي بيه.
هزات ليها وجها . غير شافت وجها المخسر بالعصا وكلو دميات وعنقها وصدرها كلو طبايع . حتى بدات تضرب في حناكها : اويلي على ولد لحرام . اويلي على كلب المجعور ...جعر جعر بن لمهيف لخر .
فتيحة تصدمات: هذي كيفاش غادي نبرزوها قدام الناس والا شافها اباها.
هبة بصوت مجروح : والا شافني ابا عادي بلعكس اعجبو الحال.
ابتسمت ودموعها تينزلو على حنكها .
شافت في السقف وقالت : ياربي خدني وريحني.
فتيحة رغم انها ماتتسواش وجها تلون وحسات بغصة في قلبها وبلاما تشعر : امي سمحي لية هاذ خوك زاد فيه.
رابحة غمزاتها : انتي دخلي سوق راسك هي وراجلها وانتي مالك ذابا اولفو بعض وهاذ لعداوة تولي محبة.
فتيحة : لالا على هاذ لحساب واحد فيهم غادي امشي للقبر واحد للحبس
رابحة نهرات فيها : فال الله ولا فالك. عرفتي غبري من قدامي سير طالعي لكوافورة تجي تغطي ليها هاذ لعجب ومانبغي حتى حد اخر اجي جيهت بيتها تتسمعي.فتيحة : راه خاصها زوج كيلو ديال مكياج وياربي ياربي اتغطى هاد الشي.
رابحة عصباتها فتيحة بمعنى الكلمه: عرفتي الا ماغبرتيش من قدامي والله تندير فيك كتر من هاذ الشي لدار لهبة.
خرجات فتيحة تتجري وسدات الباب لانها عارفة امها الا تعصبات تقد تنفد كلامها.
أنت تقرأ
هروب ليلة الزفاف💍مكتملة💍
Romance💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...