هروب ليلة الزفاف💍مكتملة💍

💍الجزء 16💍

❤️هروب ليلة الزفاف❤️💍

بقلم✍️ أسماء الزروالي⭐🌙

الفقرة 16🌹

هبة تتكلم بصوت تيعكس الخوف الداخلي ديالها : جاو امي رحمة هذي ماتكون غير رابحة وبنتها فتيحة شعالات لعوافي وخوها العربي..... جاو بلا ابا معناها ناويين على خزيت.

امي رحمة : تهدني ابنتي انا معاك ماتخفيش.

سمعات امي رحمة الهضرة برا كثيرة مشات طلات من الشقة ديال الشرجم

امي رحمة : ولاد لحرام ماصدقو جايين كاملين اويلي لقبيلة كلها هنا .

مشات تتجري هبة جهت الشرجم وطلات حتى هي من الشقة وفعلا تتبان ليها رابحة مرت اباها اللي هي في الاصل بنت خالتها. وبنتها فتيحة والعربي اللي هو خو رابحة اي ولد خالت هبة. وبما انهم جامعين لقبيلة الا ناويين اشوهوها وافضحوها وسط عباد الله.

و أول ماوصلو قدام الكوخ طلقات رابحة حالقها فرصتها وجات حتى لبين يدها اليوم تشوه ربيبتها قدام لقبايل...

رابحة :  هبة خرجي .راه حنا عارفينك مخبية هنا. خرجي راه جينا غير نعقلوك ونرجعوك لدار اباك.... خرجي باركة من الشوهة شوفي فين وصلتينا وفين وصلتي اباك اللي مرمدتي ليه وجهو  في التراب بفعيلك .

هبة غير سمعات هاذ الهضرة وبدات تتصرفق في وجها : ويلي امي رحمة هذي جايا تشوهني .شوفي كيف تتلعلع وتتغوت قدام ناس قبيلة .

امي رحمة تتحاول تهدأها : غير تهدني ابنتي غير  اجي اسي بلال وسد ليها فمها.

هبة : لالا امي رحمة انا اللي حافظها والله لاسكتات حتى تمرمدني قدام الناس.

رابحة  تتحاول تستفز هبة وناس لقبيلة في نفس الوقت

رابحة : والله ماخرجتي لا نكونو غير شاعلين العافية في هذيك البراكة اللي انتي فيها . ونكونو طبقنا فيك شرع الله. اقليلة لحية ماحترمتي اصلك ماحترمتي نسبك ماحترتي مكانة اباك ... ماحترمي ناس هاد لقبيلة  اللي جايبة ليهم الفساد والفتنة لولادهم .

سمعاتها هبة وبدات تتبكي

هبة : اويلي على الفتانة ،الكذابة ،المنافقة باغا تشري لية صداع مع ناس لقبيلة. هذي بغاتهم اقتلوني. راه قلت ليك امي رحمة راها ماناوياش على خير راها لفعة وأنا اللي عرفاها.

خرج ولد من وسط الناس اللي برا وهز حجرة ورماها على الكوخ.

الولد : هذي فاسقة وزانية ثلاث ايام وهي تتبات مع رجل غريب في دارو . سرها ترجم وتموت.

هز حجرة ثانية ورماها . وخرج الثاني والثالث والرابع هزو لحجر وبداو ارميو على الكوخ.

امي رحمة مسكات هبة ونزلاتها للارض مخبيين بالسرير.

امي رحمة بخوف : والله حتى بنت لحرام ناوية على شر . لالا هادو جايين اطيحو الروح ماشي ارجعوك لباك

هبة تترعد  وتتبكي : ياك قلتها ليك انا اللي عرفاهم مزيان راهم شياطين في صورة انسان.

في هاد الوقت سمعو صوت ادم تيغوت برا

ادم معصب : والله اقرب شي حد من هنا تنقتلو راه أمي رحمة اللي كاينة لداخل والله نلقى اوقع ليها شي حاجة حتى انا اللي نحرقكم.

امي رحمة غير سمعات صوت ولدها  جات واقفة : ويلي المسخوط اش تيدير هنا .

ناضت مشات جيهت الشرجم تتقلب على بلال واش جا معاه لكن مابانش ليها.

ادم : انتما تتهجمو على الناس في ديورهم والهاجم اموت بالشرع واقسم بالله اقرب شي حمار من هاد البلاصة والله تنقتلو.

هنا العربي طلع ليه الدم مشا جيهتو شافو صغير وبغا احكر عليه بلاما انطق اي كلمة شنق عليه وبدا اصرفق فيه

العربي مغزز على سنانو : انت البرهوش غادي تعلمنا الشرع . حتى انت تعلمتي تحل فمك على سيادك  السارح لاخر  اه اوا اليوم نربيك ... ليوم نعلمك العبد تحتارم اسيادك..

امي رحمة شافت ولدها تيكل لعصا بلاما تشعر غوتات غوتة وحدة وخرجات تتجري . مشات باش تفك ولدها من يد العربي

امي رحمة : طلق  ولدي الحكار طلق ولدي .

تضربو بيدها وتتحاول تفك ولدها منو.

العربي ماراعاش لسنها وانها  مرا ... دفعها دفعة وحدة وجابها طايحة في الارض.

هبة حتى هي غير شافت هاد الظالم  تيتعدا على ادم وامي رحمة وبسبابها ... مابقاتش تتفكر في نفسها ومابقاتش   قادرا تصبر  حتى ايجي بلال...  لهذا قررت تخرج تواجهم وتوقف هاذ الظلم ولو على حساب حياتها.....