تيريزا🥀مكتملة🥀

🥀الجزء 27🥀

تيريزا 🌹
الكاتبة سكينة سليماني
البارت 27
اماني:(هزات صاكها او مونطو ديالها او ركبات فطوموبيلتها او مشات لدارها او طول الطريق او هي كتبكي )
اما نيار بقا حاااير ماعجبوش المنظر ديال تيريزا او هي كتضرب خرج من البار ركب فطوموبيلتو او كيصوني لتيريزا حتى جاوباتو
تيريزا: الو
نيار: تيريزا فيييينك
تيريزا: انا متاجهة للاوطيل من الاحسن بلا مانتشاوفو دابا
نيار: اش كتخرااي اتوقفي دابا فديك الجردة لي دايزة منها اناااا تابعك من لوور وقفي بغيييت نشوووفك
تيريزا:(وقفات الطاكسي خلصاتو او خرجات كتسنا نيار دازت غير دقائق او حبط بخطوات مسرعة عندهااا عنقهاااا بجهد او هي استحلاتها ) علاش جيتي انيار فين اماني علاش مابقيتيش معاها
نيار: او علاش نتي خرجتي بلا خباري
تيريزا: مابغيتش تكون شي مشكلة بسبابي
نيار: المشكلة الوحيدة لي اتكون هي بعدك علياااا (باسها بحنية فشنايفها )
تيريزا:(حاوطات رااسووو او بدأت كتبووسو بهمجية بحال الى توحشاااتوووو هو عطاها المجال دير لي بغااات مامنعهاااش او داكشي لي وقع بقاو كيبوسو بعضياتهم ) كيييفااش نقدر نبعد علييك اووو نتا لي كتروي عطشي (كتبوسو)
نيار:(قاطعها) اذن ماتعاوديش تخليني يالاه نمشيو للدار دابا
تيريزا: انمشي للاوطيل خلي حتى لغدا او نجي عندك صباح بكري حيت غدااا لكريسماس او انحتافلو بيه
نيار: واخا احبيبة اجي نوصلك
وصلها نيار للاوطيل او ماطلقها حتى طير ليها شنايفها بالبوسان دخلات لبيتها نعسات او هو مشا لدارو او نعس
اصبحنا واصبح الملك لله
عند قصي فاق او مالقاش شيماء جنبو ناض مفزوووع خافها تكون مشات بقا كيقلب عليها فالدار كاملة لبس مونطو ديالو او خرج الجردة حتى لمحها جايا عندو ولكن صبروو كانت مجخلطة وجها بالالوان بحال لكلون او دايرة شعر مستعار مجعد او لابسة لباس مفضفض او كضحك
شيماء: قصي كيجيتك
قصي: هههههههه اش هاد الحالة اشيماء
شيماء: انا ماسميتيش شيماء سميتي المهرجة لوجي ههه
قصي: لوجي؟؟ (بغا اتبعها فهبالها) اممم او شنو بغات هاد المهرجة لوجي
شيماء: بغات تردك بحالها مهرج (كتجرو للداخل او جلساتو على الكرسي) جلس انصايب ليك بحالي
قصي:(جلس كيشوف اش ادير فيك بقات كتخلبط او تجخلط فوجهو بالالوان او هو صابر او كيعاونها باش تختار الالوان المناسبة حتى سالات او دارتلو شعر مستعار مجعد بحالها ) صافي ساليتي
شيماء: اه هههه جيتي كضحك (عطاتو لحوايج هاك سير لبس هادو او دير مونطو او اجي)
قصي: او علاش هادشي كاملوو
شيماء: وا غير لبس او نقوليك
(مشا قصي كيلبس او هبط عندها لقاها لبسات مونطو ديالها او كتشوف فيه او كضحك )
شيماء: دابا نتا سميتك المهرج كوكي
قصي: يخرب بييتك اش هاد الحالة
شيماء: اوووف اقصي باراكا من الهضرة راه كاينين واحد الجيران حدانا عندهم عيد ميلاد لبنتهم او بغيت نحضر او نضحك معاهم
قصي: دابا هادشي علاش مقادالي هادشي ههههه اجي او فين تعرفتي على جيران
شيماء:(كضور فعينيها او كتلعب بصباعها) هي فصراحة... خرجت لبرا بلا مايشوفوني ليكاردكور او تعرفت على الناس لي هنا
قصي:(مربع يديه او هاز حاجبو) تبارك الله عليك او هادشي بلا خباري
شيماء: والله هادشي عاد ليوم
قصي: سكتينا دابا زيدي الوجي نمشيو لعيد ميلاد
شيماء:(فرحات او نقزات عليه باستو) يااااااي كنبغيك بزاف
(خرجو من دار متاجهين لعند الجيران دخلو عندهم لقاو بزاف دراري صغار كاينين بقاو كيضحكو او يلعبو معاهم او قصي كيهز الدراري فظهرو او يلعب معاهم تعالات الضحكاات فالمنزل كان جو فكاهي او مرح بكل معنى الكلمه خصوصا قصي لي بان فيه هاد الجانب المرح اما شيماء فمولفة بلهبال بقاو كيشطحو او يتعارفو مع لولاد حتى قطعو الكاطو دعيد ميلاد او كلاوها حتى لشوية بدأت لمضاربة بالمسكوتة كولشي تجلخ الدراري كيضحكووو او كينقزو او يتراشو بيناتهم بالماء او يلوحو على بعضياتهم المسكوتة او قصي كيطلس لشيماء لاكريم فوجها او هي كترشو بالماء او كيموتو بالضحك دوزو نهار هبييل او حمق سالات الحفلة او خرجو من تماك او هوما معنقين بعضياتهم او فرحانين )
شيماء: هادا افضل وقت ندوزو
قصي: هههه شوفي وجهك كيداير
شيماء: حتى نمشيو للدار او ندوشو ههه
قصي: احححح اندوشو بجوج سعداتي (هزها او غادي بيها للدار) ....
نخليو هاد الكوبل او الرومانسيه ديالهم لي مكتسالاش او نمشيو عند سارة لي كانت فالجاكوزي ديالها كتغسل او تلعب بالرغوة او دوشات او خرجات لاوية عليها فوطة او كتفطر تفكرات نيار او توحشاتو بزاااف لبسات لبيسة باج كاو مونطو باج طلقات شعرها او دارت نظاظر لبسات طالون هزات صاكها او مشات متاجهة للدار دالنيار بقاات كتصوني او تصوني حتى فتحات ليها لخدامة او قالت ليها بلي مكاينش او بلي راه فالخدمة او قررات تمشي عندو للخدمة وصلات او منبعد مشقة الانفس من ليكاردكور خلاوها دخل او ديما زهرها معوج مع داك المسؤول حتى كتخوفو بنيار عاد كيخليها دخل وصلات للبيرو ديالو او حلاتو بالجهد او هي دايرة ابتسامة عريضة)
تيريزا: نياااار حبي هاني جيت (تلاشات ديك الابتسامة منين شافتو داير اجتماع مع الناس لي خدامين تما اما هوما حلو فمهم فيهااا حمقاتهم او قررات تنساحب بهدوء) ديزولي ماكانش كيصحابني عندك اجتماع (بغات تسد الباب حتى قاطعها صوت نيار الرجولي )
نيار: تيريزا دخلي
(ترددات فالاول ولكن دخلات او سدات الباب او بقات واقفة حانية راسها او حاسة بلي الاعين كتاكلها او زاد عليها حتى نيار لي كان معصب او كيغوت على هادوك لي تماك واخا عارفها كتخاف من لغوات الى أنه كيزيد ارفع صوتو حتى وقف الاجتماع او طلب منهم اخرجو او هي بعدات ليهم اخرجو او بقات على نفس الوضعية قرب منها نيار او شدلها فيديها او جلسها بقوة فالكرسي)
نيار:(كيهضر معصب) لامتى اتبقاااي خااايفة هاكااا
تيريزا:(كطلع فيه عينيها) حتى ماتبقاش نتا تغوت
نيار: اناااا ديماااا انبقا نغوت ولكن نتي خصك ماتخافييش تغلبي على خوووفك واجهي اي واحد احاول ايآذيك او توقعي الاسوا ديماااا عمرك تنهازمي او تبيني دموووعك او ضعفك حييت كلما كتبينيهم الخصم ديالك ايبغي اخوفك اكثر و اكثر
تيريزا: (كترجف ) كيفاااش انديير عندي فوبيا من صداع
نيار:(حط يدو على قلبها) قسحي قلبك فهاد الدنيا ماكاينش مكان للضعفاء بغييتك تواعديني بواحد الحاجا ضعفك او خوفك او دموووعك ماتبينيهم لحتى شيواحد منيين مانكوونش معاااك حيت ديك الساعة قلبي ايكون معاك او اتواجهي كولشي بقوة او عزيييمة واعديني عمرك تستاسلمي او تخافي
تيريزا:(شافت فيه بحدة او فرحات حيت عطاها امل جديد فالحياة او ديما اتكون قوية واخا ميكونش معاها جسديا ولكن هو كاين فالروح ديالهااا ) كنواااعدك انكون قوية ولكن فاش تكون معايا كيفاش نتعامل
نيار:(ابتاسم) فاش نكون معاك انحمييك او خصك تكوني قوية باش تعطيني القوة نحمييك او نوقف فجنبك
تيريزا: (عنقاتو و) انكون ديما البنت لي اتفتاخر ليها ...انكون قوية على قبلك
نيار: هادشي لي بغيت
تيريزا : فين هي اماني مكتخدمش هنا ؟
نيار: اماني صيفطتها لروسيا
تيريزا: او علااش
نيار: تحمد الله او تشكرو ماتعاملتش معاها شي تعامل خايب حيت صرفقاتك كنت نهرس ليها يديهااا
تيريزا: نيار انا مابغيتش تكون شي مشاكل بسبابي
نيار: داكشي علاش بعدتها علينا باش تعرف الغلط ديالها
تيريزا:(بغات تبدل الموضوع) يالاااه نوووض نمشييو تابعنا نهار طوييل
نيار: فيين انمشيو
تيريزا: (طرطقات عينيها فيه) ليوووم لكريسماس كولشي ايكون زويين انعيشو نهار رااائع مع بعضياتنا نهارنا مازال طويل(قربات او باستو ففمو) او ليلتنا اطول
نيار:(متبع حركاتها بشوق ) اوكي احياتي يالاه نخرجو نستمتعو بوقتنا
....يتبع