تيريزا🥀مكتملة🥀

🥀الجزء 42🥀

تيريزا 🌹
الكاتبة سكينة سليماني
البارت 42
عند شيماء او قصي عاشو ليلة حمراء بكل معنى الكلمة او كانت مدخشة فيه كيتعاودو بيناتهم
شيماء: قصي قولي صاحبك نيار فين كان
قصي: فتركيا علاش كتسولي عليه
شيماء:(تفكرات نيار لي كانت عاوداتلها عليه سارة او بلعات ريقها او ناضت كتشوف فقصي) واش هو رقيب ؟
قصي: اه منين عرفتي نتي هادشي
شيماء: (كترجف) واش كنيتو سقراط
قصي:(تعصب) منيييين كتعرفييييه لنيااااار
شيماء:(ناضت ملوية عليها ليزار او كتويل ) اويلي اويلي على موشكيلة من تسلطات
قصي: (ناض) شيمااااء ادوي داابا قبل مانفوت فيك شي ضربة راك كتعصبي
شيماء: اكييييد نيار عاودليك على تيريزااا
قصي:(ضربو ضو) لا صاف اتحمقني هاد البنت منين كتعرفي حتى تيريزا
شيماء: اهئ اهئ تيريزا هي سارة اقصي (عاوداتلو كولشي )
قصي:(كيمسح على وجهو) اشغادي نديرو دابااا
شيماء: ماخاصهومش اتلاقاو
قصي: واااش صاحبتك هبلااات خانت راجلهاااا عارفينو مايسواش ولكن الخيانة كتبقا خيانة اه او معامن خانتو مع نيار لي ولا دابا كيحماق عليهاااا او ايتسطا من وراهااا
شيماء: حتى سارة راه كتبغي نيار او هي او علي زواجهم غير على لوراق او اول واحد اقيسها هو نيار او الى كان هو كيتعذب فحتى هي كتعذب او راك شفتي
قصي: تفووو على موشكييل طحنا فييه
شيماء: (حطات راسها مابين رجليها ) كنتمنى لقاو شي حل لهادشي واش نقولها لسارة
قصي:(ضمها ليه) لا نتي ماتقوليلها حتى حاجا او انا ماغادي نقول لنيار حتى حاجا خصنا نخليوهم بعاد على بعضياتهم
شيماء : كيما بغيتي
قصي: (تكاها عندو ) مادام انا وياك بجوج انلقاو حلول لكولشي
شيماء: (دخشات فيه ا و نعسو )
..
دازت ثلاث اشهر تبدلات فيهم شحال من حاجا نجحات الخطة د سارة قدرات تقرب من علي او تكسب الثقة ديالو او هو ولا كيدير بكلامها او اي حاجا بغاتها هي لي تكون ولكن واخا هاكاك ماقدرش ابغيهااا ولا يحس اتجاهها بشي حب او هي ليست اقل منه كتكرهوو بزاااف او كتسايس معاه باش تكسب ثقتو ولكن التيساع كاين بيناتهم عمرها خلاتو اقرب ليها او فهاد المدة كتبات لنيار 112 رسالة كتعاود ليه على اليوميات ديالها او كتخبي فالصندوق كتوحشو كيما هو موحشها او ديما فبالو كيشرب باش انساها ايحماق بلا بيهاااا ولكن ديما قصي فجنبو كيما شيماء فجنب سارة هاد الجوج حاولو ابعدو طريق سارة او نيار على بعضياتهم او نجحو طول هاد المدة اما زمرد ولات ديما كتهضر مع سارة او كيخرجو بجوج او شي مرات كتخرج شيماء معاهم ولات عزيزة عليهم او سارة عاوداتلها قصتها مع نيار او طول هاد المدة راسمة خطة جهنمية باش تبان قدام علي تعمدات تمشي للفيلا ديالها او دخلات لبيانات دعلي او جبدات كاع الثروة ديالو او الاسرار د الشركة و العقود او اي حاجا كيملكها رغم انها كانت عارفة بلي داير الشرطة مراقبينها الى أنها تجاوزات هادشي او خاطرات ناضت لبسات حوايجها عادي او بقات كتسنى كان نيار وصلو ميساج بلي الهاكرز ختارق البيانات اولقاو بلاصتو ناض بسرعة واخد معاه رجالو او علم علي بالأمر لي كان على اعصابو او كيتسنى اشوف شكون هاداا او ايضا سارة صونات ليها زمرد او علماتها بالأمر او طمناتها وصل نيار لفيلا د زمرد صونااو فتحات ليه الخدامة او دخل
نيار: بغيت مول الدار دابا
زمرد:(كانت هابطة فالدرووج ) مولات الدار هاهي
نيار: عندنا بلاغ بلي نتي..
زمرد: بلي انا لي كنهاكي بيانات علي اخنوش(ابتاسمات ليه) وي انا
نيار:(متفاجئ فيها) نتي؟ ماشي ديال تكرفيص اش داك لديك الطريق
زمرد: وي داكشي علاش لقيتيني لبست مزيان او تقاديت شحال او انا كنتسنا هاد النهار
نيار: كنتمنى ماطوليش فالحبس
زمرد: ماغاديش نبات عندكم ماتخافش
نيار: تفضلي معايا
مشات معاه زمرد ركبات فالطوموبيل ديالو فاتجاه المقر دخلوها او جلسوها فغرقة التحقيقات كانت دايرة تعابير هادئة او حاطة رجل على رجل
علي:(وصل للمقر) نيار فين هاداك الكلب
نيار: اا كاين فغرفة التحقيقات
علي:(مشا بلا مايزيد اسول او فتح الباب بسرعة او اذا به كيتصدم من المنظر لي شاف كانت هي نفس الشعر نفس لوجه او لفورمة او الطريقة كانه كيشوف حياة قداموو لي بالتوفيق بكل جوارحها او تعذبات حبو ليها ولكن طبعا كتبقا التوأم ديالها او هادي زمرد لي حقدات عليه او اتكرهو فحياتو او تزيد تعذبو فجأة مشاتليه الهضرة عينيه عمرو بالدموع او كيبلع ريقو بصعوبة مكرهش اعنقها ماكرهش اقولها توحشتك بزااف او تعذبت بلا بيك ولكن اكتفى انه سد الباب او تقابل معاها او طبلة فاصلة بيناتهم) حياة
....يتبع