تيريزا🥀مكتملة🥀

🥀الجزء 119🥀

تيريزا 🌹 119
اصبحنا و اصبح الملك لله
كانت فالكوزينة مع 8 كدير الفطور حطاتو فطرات صلات صلاتها او مشات لبسات حوايجها عبارة عن صاية لاصقة او قميجة بيضة مع فيست او ليبا دارت شعرها كعكة لبسات طالون هزات السيفي ديالها او خرجات سدات الباب او تمات نازلة لقات صقير غير لحوانت لي حالين اما لقهاوي او شماكرية مازال ماخرجو حتى ليل بقات غادة حتى خرجات من الحومة او طلبات طاكسي قالتلو اوصلي بلاصة الشركات او داكشي لي كان حطاتها طاكسي نزلات او هي كاملها متوترة او خايفة علامات القلق ف عينيها طقطقات بالطالون ديالها جيهت الشركة الاولى دخلات مشات لغيسيبسيون هضرات معاها قالت ليها مكايناش خدمة او خرجات او مشات للشركة الثانية قالو ليها ماعندهاش المؤهلات لي طلبو او بقات كتلاح من شركة لشركة او لا أمل او الطالون ضربها فرجليها بقات غادية فالشانطي وقفات حدا واحد المحلبة طلبات منهم كاس د الماء شربات منو جغمة او دموع كيتغرغرو ليها فعينيها حسات بالحگرة او دنيا كاع مكتنصفها هبطات على داك الكاس فخطرة او مسحات دموعها لبسات الطالون ديالها او قادات حوايجها او تاجهات للشركة الأخيرة
سارة: سمحيلي انا جيت نتقدم لخدمة نتاع سكرتيرة
البنت: (طلعاتها او هبطاتها) اراي سيفي نشوف
سارة:(عطاتولها)
البنت: اوكي سيري حتى نعيطولك
سارة:(ضربات ضورة بغات تمشي او هي طيحلها البانضة من الشعر تحنات تهزها او هي تشوف لبنت لي فالاستقبال كتلوح سيفي ديالها فالزبل حلات عينيها او رجعات عندنا ) علاش لحتي سيفي
البنت: حيت بغيت شي مشكل
سارة: الى مكانوش عندي المؤهلات لي طالبين كان عليك تقوليهالي او نرد السيفي ديالي معااياااا ماشي تلوووحييه
البنت: اوووف اصلا نتي ماتصلاحيش تكوني سكرتيرة غير سيري خدمي فشي باتيسري د الحلوة
سارة: ياك خدمة شريفة بحالها بحال كاع الخدامي ناس كيخدمو بعرق كتافهم ماشي بحالك اعلم الله اش كديري من التحت
البنت: خرجيييي دااااباااا من نهنااا ولا نعيط للامن اخرجك بالدرع
سارة: (كتغوت)اش فيدك مادييري اصلا نتي او داك الامن واش عارفة راسك معامن كدوي
البنت: او شكووون بسلامة هااا
سارة:(سكتات ماعرفات ماتقول عندها الحق ولكن خصها تنساحب مشات هزات السيفي ديالها من لابوبيل او تمات خارجة حتى كتسمع شيواحد عيطلها )
بدر: مدام اخنوش ؟؟
سارة: (ضارت عندو) سارة العيساوي (بغات تخرج او هو اوقفها تاني )
بدر: صبري (شاف فالبنت) شنو واقع هنا
البنت: (كترجف) ميسيو بدر هاد البنت جات تقدم لخدمة سيكرتيرة او رفضت السيفي ديالها حيت مامتوفراش على المؤهلات اللازمة او بدات كتغوت
سارة:(شافت فيهم باللامبالاة ) هانية ماوقعات حتى حاجا كنعتاذر او بسلامة
بدر: تسناي اجي معايا للمكتب نهضرو (مشا بدر بمشيتو الرجولية او سارة تابعاه حتى دخلو لبيرو هو جلس او هي بقات واقفة كتسناه حتى عطاها إشارة تجلس ) عطيني سيفي ديالك نشوفو
سارة:(عطاتلو السيفي )
بدر: كولشي مزيان عندك ولكن مايمكنش ليا نخدمك سيكرتيرة حيت هاد الخدمة ماجاياش مع النيفو ديالك
سارة: انا محتاجة للخدمة بزااف كون مكنتش محتاجة ليها مغاديش نقلب او نتكرفص فالشركات
بدر: شنو وصلك تقلبي على خدمة انا لي كنعرف بلي نتي مولات سلسلة شركات اخنوش شنو وقع باش توصلي لهاد الحالة
سارة: (حنات راسها ) قصة طويلة
بدر:(بقا كيشوف فيها لحظة سهى حتى ضرب فالبيرو او ناض ) مبروك عليك الخدمة منغدا اتخدمي سكرتيرة او لبيرو ديالك قبالتي
سارة:(ناضت بفرح ) كدوي بصح انا صافي خدمت
بدر:(بادلها الابتسامة) وي مرحبا بيك
سارة:(سلمات عليه باليد ) شكرااا ميسيووو شكرا بزااف
بدر: بدر عيطيلي فقط بدر
سارة: انخليك دابا غدا انجي نخدم شكراا ههه (خرجات سارة طايرة بالفرحة تحت انظار بدر لي خلاتو كيضحك بعفويتها او براءتها خرجات كتقلي السم للبنت لي فالاستقبال او كتقول ليها راه خدماات طلبات طاكسي او ركبات او هي كتفكر فهاد السيد لي عطاها فرصة فالحياة ...بدر انسان صارم او جدي حروفو كوحل او هو سمر او عينيه رماديين عندو بنية قوية تيتيييز بهاد المعنى
..
هبطات سارة راسها او شدات فالسنسلة او نطقات بقلة حيلة ) نيااار (تنهدات او هي كتشوف الشمس كتغرب وصلات او دخلات للحومة بمشيتها الأنثوية و كالعادة كل الانظار عليهاولكن هي بالفرحة مامسوقة لحد طلعات لدارها بالجرى دخلات او لسات فالفوتوي كضحك دخلات للكوزينة عمرات مقراش باش دوش او شوية تسالات ليها البوطة )
سارة : صاف نتي لي نقصتيني دابا اوووف (هبطات سارة لتحت مشات للبقال ) سي الحاج عطيني واحد البوطة كبيرة
الحاج : زارتنا البراكة هي اللولة (جبدلها الحاج البوطة او بقا كيتقاتل اهزها ) اوووف تقيلة
سارة: صافي اسي الحاج انا نهزها
الحاج: اوا لاواه حشومة نخليو الغزالة تهز (رجع كيتقاتل معاها تزنك رجع حمر او كيتعصر معاها او مابغاتش تهز او سارة كتشوف فيه بقلق او كاتمة الضحكة )
سارة: الله اهديك اسي لحاج دابا طرطق عظامك
حسن: اش واقع هنا
الحاج:(كينهج ) مرحبااا بسيدي حسن(باسلو يدو) لالة سارة بغات البوطة او كنت انهزها ليها او ماقديتش راك عارف الصحة على قد الحال
حسن:(كيشوف ف سارة ) انا نهزلك البوطة
سارة: ماكاين موشكيل انا نهزها
حسن: البوطة ثقيلة او المسافة بعيدة شوية على العمارة او زيدي عليها دروج او حشومة يكونو رجال او لعيالات اهزو البوطة
سارة: واخا هزها
حسن:(هز البوطة فكتافو او زاد او هي معاه من اللور كلشي كيشوف فيهم اويخوي ليهم الساحة طلع حسن للباب الدار او حطها ) اجي حلي الباب
سارة:صاف مكاين مشكل غير خليها هنا انا ندخلها
حسن : كتعرفي تركبي البوطة ؟
سارة: لا
حسن: اوا حلي الباب ندخل نركبها ليك
سارة:(حلات الباب او دخل حسن للكوزينة ركب ليها البوطة او خرج كيمسح يديه بالزيف ) شكرا
حسن: هانياااا فوقما احتاجيتي شي مساعدة مرحبا
سارة:(بغات تجاوب او هي تسمع الغوات براااا هي او حسن او طلو من السطح بانتلهم فتيحة دايرة الجوقة عليها او كتغوت او تحيح ) مال هادي واش حماقت
حسن: ليوووم ندفن ديلمهااا
هبطو بجوج من العمارة لتحت غير خرجو كولشي ضور الراس عندهم
فتيحة:(كتشير ل سارة) هااااد القحبة هااادي خطافة الرجااال شوووفووو اعباد الله خطفات راجلي او يعلم الله اش كانووو كيديرو لفوووق
حسن:(هز يدو او صرفقها ) فتييحة طلعيييييي للدار ولا ندفن مك هناااا
فتيحة: ماطالعاش او ماساااكتااااش خلي عيباد الله اعرفووو السلعة الناقصة لي جااات او بغاات تفرق بيناااتناااا ولازعمااا حييت زوييينة والله حتى نخسر ليها كمااارتهااا (جبدات فتيحة بونقشة بغات تضرب سارة للوجه او هو اشدلها حسن يدها او رماها فالدروج د العمارة )
حسن: طلعيييييي للدار والله او نشوووفك قدامي هنااا مانتي مراتي ما انا كنعرفك
طلعات فتيحة للدار او خرج حسن كيحيح براااا
حماد : واشوووف العشييير التيتيزة طلعات خطافت الرجالة
عمر: ماطالعاش ماطالعاش كل واحد اضبر على كرووو
حسن: فرتكووو علياااااا جووووقة لي عندووووشي شغل امشي يقضيييه ياالااااه
كولشي تشتت او كولشي رجع لخدمتو و او مشا حسن لعند سارة
حسن: لالة سارة سمحي لينا على هادشي
سارة: شوووف احسن مراتك قولها تبعد مني او تعطيني تيساع انا ماناقصني صداع او بغيت نبقا مرتاحة بعدووو عليااا او تفرقو من ساااحتي (طلعات سارة من بعد ماقالت هضرتها دخلات لدار سدات على راسها او هي خايفة دخلات دوشات او كلات شيحاجا خفيفة او طاحت نعساات خوات راسها من داكشي لي كيقلقها الحاجا الوحيدة ليكتفرحها غدا اتخدم فرحانة بزاااف )
....