تيريزا🥀مكتملة🥀

🥀الجزء 64🥀

تيريزا 🌹
الكاتبة سكينة سليماني
البارت 64
مشات شيماء عند سارة دخلات عندها للبيت لقاتها كتاكل فشكلاط
شيماء:(حلات عينيها) ياااميييي شكلاط (حيداتولها او بقات كتاكل)
سارة: منين تسلطتي عليا
شيماء:(فمها عامر) قالك نيار اجي تجلسي معانا
سارة: حماااار لاخر وجهو صحييح منبعد ما حرقلي حوايجي او هرسلي ماكياج ديالي دابا كيعيطلي
شيماء: راه كيغير عليك
سارة: مانهبطش حتى واحد مكيحملني تماك او ماعندي مانلبس
شيماء: واصاف اسارة اجي معايا نعطيك تلبسي
جرات شيماء سارة داتها لبيتها عطاتها لحوايج
سارة:(كتحاول طلع سروال) اوووووف مابغاااش
شيماء: اختشي نتي لي عندك ديك الطرمة خارجة كثر من لقياس
سارة: ماكفاونيش حوايجك
شيماء: انشوف زمرد
سارة: زمرد رقيقة حتى هي ميكفيونيش حوايجها
شيماء: اوا شنو المعمول
سارة:(طاحتلها فكرة) هيهيهي صافي غير سيري نتي هبطي انا انجي دابا (خرجات سارة من بيت شيماء كتسلت مشات لبيت نيار حلاتو او فتحات لبلاكار لقات بودي فالكري وصل ليها حتى لركبة او يديه طوال عليها اما صدرها حيت كبير بان نصووو طلقات شعرها او هبطات فالدروج لقات اسمر قدامها بغات تجاهلووو
اسمر: سارة(وقفها) سمحيلي على قبيلة ياكما آذيتك بزاف
سارة: (مخنزرة فيه) مكاين موشكيل (بغات تمشي رجع وقفها)
اسمر: لا نتي مازال مقلقة مني عفااك سمحيلي
سارة:(بقات كتشوف فيه)
اسمر: الله اسامح
سارة: نيار اتبعد منووو مابغييتش المشاكل
اسمر: صافي كنواعدك نبعد منو
سارة: اوكي
اسمر : تصالحنا
سارة: اه
اسمر: يالاه نخرجو عندهم
خرجات سارة او اسمر عندهم للجردة غير لمحها نيار كتمشى مع اسمر او هو اجعر ناض فاتجاهو
نيار: قلتتت لزاملبوك مانعاودش نشوفك قبالتها
سارة:(بعداتو عليه) نياااار باراكاااا اسمر طلب مني سماحة
نيار: (شدها من يدها بنثرة) ماكااااتسمعيييش الهضررررة شنووو قلت اااااناااا
سارة: راه وقع بيناتكم سوء تفاهم خليونا هانيين
اسمر: انا غير حيت كنحتارمك مابغيتش نمد عليه يدي
سارة: سمحلو بالنيابة عليا
نيار:(مطرطق فيهم عينيه او مبهوووط ) منيتكم
قصي:(شد نيار او كيهمس ليه) نيار ماديرش شيحاجا ندموو عليهااا اجي نجلسو او نتصرفو عادي راك عارف اسمر فاي لحظة اقدر اقتل شيواحد او حنا مابغيناش نعرضو حياتهم لخطر
مشا نيار جلس تبعو قصي او تبعاتهم سارة او اسمر كانو دايرين جلسة فالجريدة بالمخاد اسمر جلس حدا سوسن او بقات كتسولو مالك مع نيار قاليها سوء تفاهم اما سارة جلسات قبالت نيار عاد شاف نيار اش لابسة
نيار: البووودي ديالي هاداااك
سارة: اه ديالك مالقيت مانلبس
نيار: بانليك غير حوايجي
سارة: حيت مقامكم حرقوليا حوايجي
نيار: طلبي من لبنات اعطيوك حوايج
شيماء: راه عطيتها حوايجي ولكن ماكفاوهاش هههه
اسمر:(بغا العب على اعصاب نيار) وي تبارك الله سارة عندها طاي أنثوية
نيار:(معصب هضر مع سارة بحدة ) لبودي جاااااك معييييق
سوسن:(بقات كتشوف فيهم شيحاجا ماشي طبيعية )
سارة: ماعندي مانديير كان عليك تفكر فهادشي قبل ماتحرقلي حوايجي
....نخليو هادو كيتناقشو او نمشيو لبلاصة اخرى مطعم راااقي جدا كدخلو غير الطبقة البرجوازية كان هبط من طوموبيل ديالو او مدلها يدو باش تخرج هبطات حتى هي او كتشوف فيه مشاو دخلو او كانو حاجزين فطبلة حدا سرجم كتبين كولشي حتى جا عندهم الغارصون طلبو اش بغاو
علي: احم زمرد عاوديلي عليك
زمرد: اش بغيتي دير بيا
علي: غير فضول او صاف حيت عمر حياة ماعاوداتلي عليك
زمرد كانت ساهية كتفكر شيحاجا
فلاش باك
زمرد:(كان فعمرها 18 عام كتشوف علي اول مرة فصفحات الانستغرام قلبها كيضرب كانت معجبة بيه او هي اول وحدة شافتووو قبل حياة مشات كتجري عند ختها) حياااة شوفي علي اخنوش
حياة:(شافتو ) احم منين كتعرفيه
زمرد: راه رجل اعمال مشهوور يااه شحاال زويين
حياة: خرجي راسك من هاد الافكار
زمرد: شفتك لابسة مقادة فين خارجة
حياة: خارجة مع ليزامي ديالي
زمرد: حتى انا انخرج يالاه نخرجو بجوج
حياة: لا عندي شي شغل (خرجات حياة تلاقات بالاصدقاء ديالها لي من الطبقة البرجوازية فحفلة كبيرة او تماك تعرفات على علي اخنوووش او تطورات علاقتهم لدرجة واحد نهار كان وصلها لافاك بالطوموبيل)
البنت: زمرد ماشي هاديك ختك
زمرد:(ضورات راسها شافت ختها مع علي اخنوش قلبها ضرها او شداتها البكية او قلبات الضورة بعدات باش ماتلاقاهمش حتى جات عندها حياة ) علاش مقلتيليش كتعرفيه
حياة: احم تلاقينا هادي سيمانة فحفل او تطورات علاقتنا
زمرد:(مسحات دمعة او ابتاسمات لختها او عنقاتها) هه تستاهلي كل خير حبيبة
حياة: عرفتي ازمرد كنحس براسي طايرة فسماء اوووف شحال ظريف وليت كنبغيه او اعتارفلي حتى هو او قالي بغاني للزواج
زمرد:(تزير عليها قلبها) الله اكمل كولشي بيخير
حياة: زمرد ختي كنتمنى ماتفهمينيش غلط ولكن بغيتك ماتلاقايش مع علي
زمرد: علاش
حياة: انا قلتلو ماعنديش عائلتي
زمرد:(شافت فيها بصدمة) كيفاش معندكش عائلتك واش حماقيتي
حياة: كون مادرتش هاكا ماكنتش انوصل ليه
زمرد: نتي طماعة او عمرك غادي طفريه ف حياتك
حياة: عفاك ازمرد ماضيعيلي حتى حاجا
زمرد: ماشي شغلي فيك انا قريب انمشي ل فرنسا او عومي بحرك
#الحاضر
علي:(حط يديه فوق يد زمرد) هييهووو فيين سهيتي من صباح او انا كنهضر معاك
زمرد:(جبدات يدها عندها) احم واالووو غير كنت كنفكر
علي: اوا ماقلتيليش شيحاجا عليك
زمرد: فاش ماتت حياة مشيت لفرنسا كنقرا على هادشي د الهاكرز باش نرجع نتاقم منك
علي: ههههه اي حاجا كتقوليها ضروري خصك تبينيلي بلي كتكرهيني
زمرد:(هزات كأس نبيذ احمر دارت ابتسامة او ضارت كتشوف من السرجم )
...يتبع