تيريزا🥀مكتملة🥀

🥀الجزء 62🥀

تيريزا 🌹
الكاتبة سكينة سليماني
البارت 62
سارة: (كتبلع ريقها) شنو الفرق حتى نتا ضربتيني
نيار:(حل عينيه فيها او شدها من كتافها) ماااااشيييي بحااااال انا الى ضربتك راك درتيلي علاش ولكن منخليييش شيواااحد اقيييسك
سارة: حتى انا درت ل علي علاش اضربني (تفكات منو) مابغيتش صداع انيار هادشي كيبقا بيني او بين راجلي (كانت غادية اتجاه الباب)
نيار:(ضرب واحد الفاز بيديه) اناااا رااااجلك انا لي قستك اول مرة هاداااك ماشي راجلك هاداك حيواااان (شاف فيها ) دابا عاد فهمت علاش اول مرة منين تلاقينا خفتي مني كيصحابك انضربك
سارة:(ساكتا كتسمع ليه) تصبح على خير (خرجات سارة قلبها كيضرب مشات لبيتها او نعساااات )
اصبحنا و اصبح الملك لله
فاقو ابطاالناا كل واحد او حالتو او فاش كيفكر بحال سارة فاقت دوشات صايبات شعرهاااا او دارت ميكياج مع عكر حمرر لبسات بودي واسع فوق الصرة او شورط دجين قصير مع سنيديلة د الطالون جات كتهبل اما زمرد وصلوها حوايجها لبسات قميجة بيضة او سروال تجين جمعات شعرها كعكة مع ميكياج تقيل نمشيو عند شيماء لي صبحات منورة هاد نهار غادية فالكولوار او كضحك كانت لابسة كسيوة فيها الالوان مع بوليرو طويل من اللور او شعرها سامبل اما اماني لابسة بودي كحل او سروال كحل مع فيست فالازرق مغلوق اكتافات بلكحل او طلقات شعرها هبطات سارة لتحت لقات فقط اسمر كيفطر قربات جلسات فالطبلة حتى هي
اسمر: (كيطلعها او يهبطها) صباح الخير
سارة: صباح النور
اسمر: ممكن تمديلي الزبدة
سارة:(هزات الطبسيل تمدلو او هو اشد يديها) طلق يدي
اسمر: ماسخيتش
سارة: (كتحاول تفك يدهاا ) اسمممرررر طلق من يدي ولا اتشوف شيحاجا ماتعجبكش
كان هابط نيار من الدروج لابس كوستيم انيق شاف داك المنظر او تعصب مشا بخطوات سريعة هز رجلو او دفع برجليه الكرسي د اسمر حتى طاح للجنب بقات سارة مطرطقة عينيها فييه او شهقااات انا نيار تلاح على اسمر كيعطييييه فالكروشي
نيار: قلللت لزااامل بوووك نشوووفك قدامي نقتلك اوا هانتاااا جيتي برجليك
اسمر:(دفعو او عطاه بكروشية للوجه او لكرش ) رانييي مكنخاااافش منك ليوووم نقربلوهااا هانياااا
سارة: (منين شافتهم حماوها عصاااا دخلات بيناتهم عنقات نيار ) عافاااك انياااار تهدن
نيار:(دفعاها) حيديييي (جمع مع اسمر بركلة للرجل خلاه افشل او ضربو بركبتو للوجه )
سارة:(مكتعطيش لراسها الراحة منين شافت الطرح حما رجعات كتفك عاوتاني او هاد المرة جات قدام نيار او اسمر ضربها ببونية لوجه حتى داخت بقا الدم كينزل ليها من نيفها)
نيار:(شاد فيها ) تيريييزا مااالك (كيهزلها وجها عندو شاف الدم نازلها من نيفها او مزيرة على عينيها زاد تعصب صافي هادي هي النقطة التي افاضت الكاس مشا بسرعة اتجاه الاسمر كيعطيه فالعصااااا بحااال شي وحششش شدو من الكول د القامجة او خرجو لبرا د القصر حدا طوموبيلات) دااااباااا طحتي بين يدي انقتلك
سارة:(كانت مازال موعتا شادة فنيفها حتى هبطات شيماء او قصي او شافوها )
شيماء: سااارة مااالك (شافت نيفهااا مال نيفك)
سارة: قصي سييير لحق نياار راه كيدابز هو او اسمر
قصي:(مشا كيجري عندهم)
شيماء:(جلساتها) انمشي نجيب علبة الاسعافات الاوليه
عند نياار كان كيضرب اسمر او كيجرو ادخلو لطوموبيل
اسمر: (كيضحك او دم فسنانو)ماشي من الصالح ديالك تديني
نياااار: سكت اندمممك على كووولشييي
اسمر:(نتر منو) او شنو الى ندمتها انا على اغلاطك نتا او يكون مصيرها بحال مصير ختك
قصي:(وصل عندهم او مشا عند نيار) نياااار اش واقع (شادو)
نيار:(كيشوف ف اسمر ) اش كتقصد
اسمر: كنقصد حبيبت قلبك تيريزا هههه لي هي مرات صاحبك انا عااارف قصتكم كاملهاااا او بكلمة وحدة مني نقتلها هي او سوسن او اي واحد فداك لقصر
نيار:(كارز على سنانو او جامع القبضة ديدو) غاااادي نقتلك ااسمر
اسمر: هههه بلاصت ماتقتلني حميهم مني ولا مصيرهم كنواعدك ماغاديش اكون زوين
قصي: (كيخنزر فيه) اتندم على هادشي كاملووو
اسمر: (مشا فاتجاه طوموبيلتو او موجه الهضرة ل نيار) اممم عندك الذوق تيريزا شيحاجا خيالية يا الله ماقدرتش نساها لبااارح (غمزو)
نيار: (كان كيستافزوو بكلامو بقا نيار كيغوت بحال شي وحش او باغي امشي عندووو من غير قصي لي شادووو )
اسمر: هههه(ركب فطوموبيلتو او مشا)
قصي: ماخصناش نعرضو حياتهم للخطر
نيار: والله او يقرب ل تيريزااا انقتلووووو
قصي: يالاه ندخلووو
دخل نيار او قصي لداخل لقصر شافو سارة جالسة او شيماء تحنات عندها كتعالج ليها الضربة شافهم نيار او تاجه بسرعة عندهم
نيار: (جلس حدا سارة) واااش بيخييير ياكما تاذيتي ضوري نشووف
سارة:(كديرلو بلاتي بيدهااا حتى سالات ليها شيماء عاد ضارت عندو) انا بيخير ماشي شيحاجا غير كتوعتني او صااف
نيار:(معصب) اششش دااااك دخلييييي بينااتنااااا خلينيييييي نقتلووو
سارة: (كتشوف جرحات لي فوجهو) خاصني نداويلك الجرحات لي فوجهك (هزات لقطن او معقم او كدوزليه على جرحات او دايرة تعابير خايفة توعتو)
نيار: ياكما اذاك فشيحاجا ياااااك قلتليك بعدي من ساحتو
سارة:(كتعقملو الجروح) راااه هو لي جاي لساحتيييي
نيار: (حيدلها يديها من وجهو) انا بيخيير
سارة: (شافت فيه) نيار شكون هو اسمر
نيار:(شاف فيها) ماشي شغللك خصك تعرفي حاجا وحدة هي انه خطيير بزاااف
سارة: كتبانلي كتعرفو شحال هادي
نيار: (وقف ) قلت لي عندي (طلع نيار لبيتو او هو معصب خصو القا شي حل او يحمي سارة منووو خصوصا منين عرف قصتو معاهااا اما عند سارة كان كلشي هبط افطر و ماهي الى دقائق هبط نيار او شاف سارة نايضة طلع لبيتها تفحصها بعينيه او شنو لابسة او صافطلها شي شوفات الله احفظ او صاف بقا كيتحلف عليها فدماغو اما هي عرفات شنو كاين مشات لفوق لبسات كسوة قصيرة بيضة او طلقات شعرها او دارت ميكياج هزات سوارت طوموبيل باش تمشي للشركة اما نيار او قصي او اماني مشاو لشغلهم بقات فالقصر غير شيماء و زمرد او علي... وصلات سارة للشركة دخلات للبيرو كتخدم او دور فالشركة او ضحك مع الناس لي خدامين تماك كاع لبروطوكول او داك الزمت لي كان دايرلهم علي حيداتو ولاو كيخدمو فجو فيه الضحك او مرتاحيين ....فالقصر كانت زمرد كتمشى فالجردة او حانية راسها حتى ضربات فشي حاجة طلعات راسها كان علي قدامها )
...يتبع