تيريزا🥀مكتملة🥀

🥀الجزء 32🥀

تيريزا 🌹
الكاتبة سكينة سليماني
البارت 32
عند قصي او شيماء كانت متكية على صدرو او معريين او هو كيلعب ليها بشعرها او مرة مرة كيهز ليها يدها ابوسها او هي مستمتعة بالأمر هي كتسمع لدقات قلبو او مغمضة عينيها حتى نطقات
شيماء:(تقادات فالجلسة او كتشوف ف قصي ) قصي انا خاصني نمشي عند سارة نشوفها
قصي:(هبطلها راسها او عنقها ) وا تي ريحي للارض ماعندك فين تمشي
شيماء: قصي عافاك نتا قلتيلي منين تبراي نديك عندها (كترغبو بعينيها)
قصي:(كيقيس خدها بحنية) ولكن انا كنتوحشك اشيماء كيندير نبقا بعيد عليك
شيماء: عاافاااك بغيت غير نشوفهاااا (كدمع)
قصي:اوووف صافي صافي ماتبكيش القطة ديالي انا نديك عندها على مانرجع من روسيا
شيماء: اتمشي لروسيا ؟؟
قصي: وي عندي خدمة
شيماء: ماغاديش تعطل ياك
قصي: لا انجي عندك دغيا باش نتزوجو او نمشيو
شيماء:(حشمات او هبطات راسها )
قصي: ههههه اخليلي لي كيحشم (باسها فراسها) يالاه ندوشو باش تلبسي حوايجك او نمشيو راه تابعانا طريق طويلة
....دوشات شيماء هي او قصي فجو لا يخلو من لبسالات او لبسو حوايجهم او جمعو اغراضهم او خرجو من دار من بعد مادارت شيماء نضرة شاملة عليها حيت هاد الدار جمعات ذكريات زوينة عمرها تنساها دارت ابتسامة عنقها قصي او قاليها ماشي اخر مرة نجيو لهاد الدار ركبو فالطوموبيل او شدو الطريق عند سارة
اما عند نيار فكان على نفس الحالة عينيه حمارو مابغاش انسى هادشي كيكمي سيجار مور سيجار او فكل مرة كيضرب شيحاجا اهرسها كره حياتو او مافيها حتى جاه اتصال من المقر كيعلموه بلي قبضو على العصابة او من بينهم الرئيس ديالهم لبس حوايجو او توجه بسرعة لتماك او هو معصب لدرجة كبيرة ناوي على خزيت
نيار: (اتاجه بسرعة كيجري للقبو لي فيه السجن داز على بزاف دالسجون مجموعة فيهم العصابة ولكن هو غراضو بالزعيم ديالهم وصل للزنزانة المعلومة او دخل بهمجية لقا راجل كبير عندو عين بيضة او عين كحلة او صلع او البنية ديالو قوية رغم هاكاك اتاجه عندو او وقف قدامو ) سييزااار
سيزار: (داير ابتسامة ماكرة ) تلاقينا مرة أخرى انيار
نيار: اه من بعد 3 سنيين
سيزار: لا من بعد ما دوزت على ختك العذاااااب او قتلتها ههههههههههه (دار ضحكة شريرة كانت هي النقطة التي افاضت الكاس فقلب نيار بدون سابق انذار شدو من الكول او لسقلو وجهو مع الزاجة لي كتبين التلفازة من برا )
نيار: عرفتيييييي اسيزااار انااااا شنوووو اندييير حطيت قنابل فالمراكز ديالك كاااااملييين او إشارة وحدة مني فرمشة عيين كوووولشي اضيييع
سيزار:(طاح عليه الخبر بحال الصاعقة ) لا نتا ماتقدرش ماتقدرش اسمر ايقتلك
نيار:(عطاه بكروشية طيحو للارض او خلا دمو كيسييل) انا رااااه عمري كاااملو كنتسنى داك الكلب ديال ولدك اباااان و لكن حيت شماتا بحاااالك كيتخبع
سيزار:(كيمسح الدم ) الى وصل ليك ايقتلك كناكد ليك بهادشي
نيار:(قاجو) الى كان رااااجل او يبان قداميييي (بقا قاجو او طيحو او بدأ كيضرب فييه بوحشية او كيغوت كاع داك الحر لي خلات فيه تيريزا كيردو فسيزار او كمل عليه منين تفكر ختو او ميمتو لي تفرق شملهم منين دخلات هاد العصابة فحياتهم بقا كيضرب او حتى واااحد ماتجرأ ادخل او يفك سيزار من بين يديها طلقو نيار او مع طلقة نطق بصوت مبحوح كانه ايبكي ) تيريييزا

سيزار:(سمعو او مادار حتى ردة فعل عضامو تهرسووو كيحس غير بالالم اما نيار وقف كيمسح يديه من الدم )
نيار: اووووه مازال الحفلة ديالنا طويلة اسي سيزار (هزو بنثرة او حطو فوق الكرسي او كيشير ليه اتجاه التلفازة ضغط نيار على واحد الزر احمر او فجأة بووووم كاع المراكز د سيزار او ديور ديالو نفاجرو كان نيار داير ابتسامة شر او مطرطق عييينيييه كيشفي غليلو بداك المنظر اما سيزار كان ايهبل )
سيزار : لاااااااااااا
خرج نيار او دار عليه حراسة مشددة
عميل: سيدي الرقيب (عطا التحية) شنو نديرو فافراد العصابة لي شديناا
نيار:(بلا ميتلفت عندو) قتلوهم او لوحوهم للكلاب ياكلوهم اما سيزار خليوه ليا انا نتلذذ بالقتل ديالو
العميل : علم سيدي الرقيب
مشا نيار متاجه للبيرو ديالو جلس او كيتفكر تيريزا اول مرة كانت عندو فالمكتب او نهار فاش دخل او لقاها صورتها مازالة فعينيه زفر بغضب او هو حاط يدو على السنسلة كيتحسسها او داير تعابير حزن ناض بسرعة مقرر انه يمشي لدارو حيت الى بقا لتماك غير ايزيد اتازم وصل لدارو او دخل كيشوفها كيفاش مضمرة عاد البارح كانت زوينة او كان هو او تيريزا فرحانين فجأة كولشي ضاع كيفكر او يفكر حتى لمح حوايجها مليوحين فالارض او طاح على النموسية بظهرو او كيمسح على وجهو حتى داه النعاس
عند سارة ماكانش الامر مختالفة غير نيار كان كيفرغ الغضب ديالو بالتهراس او الاعصاب و هي كانت كتسكت او تكمدها لقلبها حتى هي توحشاتو حتى هي ماكرهاتش كون تلاقيت بيه قبل ماتزوج علي كون راه حياتها معاه ولكن تجري الرياح بما لا تشتهي السفن كانت جالسة فبيت علي لي ولا بيتها دابا بييت كبييير او وااااسع جالسة حدا الشرجم كتشوف فالغابة فداك الليل او كتحسس يديها فالسنسلة او كتشوف فالوشم او تقول مع راسها واحد النهار هاد الوشم ايكتامل مابغاتش تبكي او تبين ضعفها حيت واعداتو لنيار بلي عمرها تبكي ولا تبان ضعيفة حيت هو معاها دييمااا كان الوقت متأخر من ليل ماكانتش كتسنى
علي كعادتها لا هاد المرة قررات تكتب لنيار رسائل على الورق او تخبيهم فصندوق كانها عطاتهم لييه او داكشي لي دارت ناضت جلسات فبيرو صغير جبدات ورقة او بقات كتكتب ....
الرسالة 1 :
احببتك رغم علمي ان عشقنا ممنوع ...اوهمت نفسي انك لي و اني لك لكن للقدر وجه اخر و رغم ذلك لن ابكي على اطلال ذكرياتك فكما وعدتك سابقى قوية من اجلك و من اجل حبنا ...نيار
......
طوات سارة الرسالة أو حطاتها فواحد صندوق متوسط الحجم او دارتو تحت النموسية باش حتى واحد مايشوفو فرشات بلاصتها فالارض حيت ماباغياش تنعس مع علي غمضات عينيهااا او مشات فسابع نومة ماهي الى لحظات دخل علي لبيتو كيحيد حوايجو حتى شاف سارة فالارض ناعسة بقا كيتامل فيها او نطق بلا هواه
علي: لهاد الدرجة وليتي كتكرهيني (تنهد ) ماكايناش فرصة أخرى ؟
شاف علي حتى شاف او هزها بلا ماتحس او حطها فوق النموسية او نعس حداها عاطيها بالظهر حتى بدا كيسمعها كتمتت بكلمات
سارة: نياا...ر امم (كدير حركات بحال مخلوعة راسها كتحركو يمين او شمال او دموع كيهبطو ليها )
علي: (كيحاول افهم اش كتقول ولكن منين شافها كتحرك او كتبكي فيقها) ساارة فيقي راكي كتحلمي
سارة: لااا لا (حلات عينيها او ناضت بالجهد او كتنفس بصعوبة ) ياربي (شادة فقلبها )
علي:(عطاها كاس د الماء ) هاكي شربي
سارة: (بقات كتشرب عاد وعات راسها ) اشش كنديير انا هنا معاك
....يتبع