تيريزا🥀مكتملة🥀

🥀الجزء 88🥀

تيريزا 🌹
الكاتبة سكينة سليماني
البارت 88
نعسو ابطالنا فحضن بعض حتى لعصر عاد فاقو او هبطو اتغداو
سارة: (كتاكل او كتشوف ف نيار حتى سمعات صوت من وراها)
سوسن: فين هو خويا
سارة: (ضارت عندها ) علاش ماجاش لهنا
سوسن:(كتشوف فيها هي او نيار ) لا توقعت راكم مشيتو كاملين للرحلة
نيار:(بلا مايشوف فيها هضر) مشينا كاملين للرحلة او هو رجع او قالينا نرجعو للقصر
سوسن: (شافت ف سارة) نورمالمون خصك تكوني عارفة راجلك (وركات على ديك راجلك ) فين كاين
نيار:(شاف فيها كيخنزر )
سارة: ماشي سوقي فيه او حتى نتي دخلي سوق راسك
سوسن: (شافت فيها مطولا ) قرييب اسارة اتندمي على هادشي كاملو
سارة:(شافت فيها او معرفاتهاش علاش كدوي اما سوسن خرجات من عندهم او طلعات لبيتها .. شافت فنيار) ماتعصبش من الهضرة ديالها
نيار:(ضرب القبضة د يدو فوق الطبلة ) عندهااااا الحققق
سارة: كيفاش عندها الحق
نيار:(شاف فيها معصب ) علي راجلك
سارة: على لوراق او صاف
نيار: كيبقا راجلك اسارة او انا شنو ؟؟؟ العشيق ديالك ؟ (وقف كيسوط او ضار عندها مشير ليها) نتي خصك طلقي منو
سارة: انا غادي نطلق غير صبر عليا اجي علي او نفاتحو بالموضوع (وقفات او مشات عندو عنقاتو ) كولشي ايتصلح انيار انا قريب نطلق
نيار:(ضمها ليه )
...نمشيو عند زمرد لي دخل لعندها علي او لقا لفطور مزلع فالارض او هي جالسة او كتشوف فيه بحقد
علي:(جلس حداها) زمرد علاش ماكليتيش
زمرد:(غير كتخنزر فيه )
علي: ماتشوفيش فيا هاكاك عارف راسي مانسواش ولكن لحظة غضب ماقدرتش نتحكم فراسي او نتي عايرتيني فرجولتي
زمرد:(ضحكات بمكر او تكلمات بقسوة ) كون كان الراجل بال*وا كون راه لحمار هو سيدك
علي:(غمض عينيه بغضب او رجع تهدن او شاف فيها ) نوضي تاكلي باش تشربي دوا
زمرد: مابغيتش خرج علياااااا
علي:(شدها من دراعها وقفها او تقابلات معااه) خليييني مكااالمي عارف بلي آذيتك او هادشي لي كتخرجي من فمك نستاهلو ولكن راني كنتعصب بزاااف او فاي لحظة نقدر ندير فيك مابغيت اوا تقادي معايا حسن ليك
زمرد: مااتسواااش
علي:(غوت فوجها) عااااارف قووولي شيحاجااااا جديييدة او دابا عندك جوج اختيارات يا اما تسمعي هضرتي او انخليك تخرجي من هاد البيت ولا بقاي فعنادك او والله لا عتبتيها
زمرد:(نترات منو او علامات الغضب فوجها هي باغا تخرج من هاد البيت ) اوك ماقلتي عيب ولكن (شافت فيه) حضي راسك مني حيت فاي لحظة انقتلك
علي: (تنهد ) زيدي تاكلي(دفعها قدامو )
هبطو لتحت كياكلو او هي ماحاملاهش او كتخنزر فيه او هو كيحس بشوفاتها او كيحاول اتجنبها حتى نطقات
زمرد: بسلامة لامتى اتبقا حابسني هنا
علي: حتى تبراي
زمرد: انا بيخير او بغيت نخرج منهنا
علي:(شاف فيها بهدوء) هانتي خرجتي منبعد فين اتمشي او ياكما فتحتليك طريق باش ديري لي بغيتي
زمرد: واااش نتااااا مريييض اش كيصحاب لقرااان ديال عقلك مااااشي شغلك نمشي فين ما بغيت ياك نتا خديتي لي بغيتي اش عندك مادير بيا
علي: (زلزلها بصوتو الرجولي ) شغليييي او ممنحقكش ديري شيحاجا بلا علمي فهمتي او حيت انا لي قستك انتحمل المسؤولية
زمرد: عفيييتك اعلي غير خليني نمشي او ماتبقاش تشوووف كمارتي
علي: بلاصتك هنا ماغادي تمشي حتى لبلاصة
زمرد: (ناضت كتسوط ) حتىىىى لدااباااا مادرت حتى ردة فعل غير عطيني بالتيساع مكنحملش نشوووف وجهك كلما كنشوفك كنتفكر اش درتي فيااا
علي:)ناض او مشا اتجاهها شدلها يديها بقوة او جيدها عندو ) ولفي تشوفيني حيت نتي ديالي ازمرد ماعندك فين تمشي
زمرد: (تغرغرو عينيها بدموع او هي قريبة ليه او هضرات بصوت مبحوح ) اذن خص واحد فينا امووت (دفعاتو او رجعات لبيتها سدات الباب او تلاحت على نموسيتها كتبكي او كتشهق )
...اما شيماء كانت فاقت او ضرها جوع هبطات لتحت او بقات كتاكل حتى عمرات كريشتها او فاش بغات طلع لبيتها تعرضلها قصي
قصي: شيماء..
شيماء: الله اخليك اقصي راه هضرنا عفاك بعد مني
قصي: لا نتي هضرتي بوحدك دابا خصك تسمعيني
شيماء: مابغيتش نسمع انا وياك سالينا بعد عليا
قصي: لا ماتقوليش هاكااا حنا عمرنا نساليو حيت كنبغيو بعضياتنا بزاااف
شيماء: انا منقدرش نعيش مع واحد كل مرة كيفكرني بلي رخيصة واخا هو اول واحد قاسني او من فوق هادشي كيضربني
قصي:(غمض عينو بندم) غلطة اشيماء غلطة او وقعااات والله مانعااود سمحيلي
شيماء:(عينيها عمرو بدموع ) قصي بعد من طريقي
قصي:انا نقطعها لهاد اليد لي تمدات عليييك عفااك غير ماتخلينيش
شيماء: ادير على قبلي حاجا وحدة
قصي: شناهي ني غير امري عيني نعطيهم ليك
شيماء: خرج من هاد القصر او بعد مني
قصي:(سمع هاد الهضرة او تصدم ،) واش لهاد الدرجة مابقيتيش حاملاني
شيماء: الى بغيتيني نكون فرحانة او مرتاحة هادشي لي دير (دفعاتو بشوية او طلعات ف دروج )
قصي:(تبع ليها لعين او هضر معاها بصوت مرتافع ) دابا نشووفوو اشيماء واش اترجعي ليا ولا
صبح صباح جديد على ابطالنا كل واحد فيهم فاق بشكل مغاير للاخر نمشيو عند زمرد لي فاقت على نفس الوضعية دخلات دوشات او دارت بوماضا لجروحها او هبطات تفطر لقات لفطور فوق الطبلة ولكن علي ماكاينش جلسات وحدها فطرات او مشات كدور فالفيلا او طل من سراجم باش تشوف فين هي لقات باب مسدود او دخلات لكوزينة شافت لباب د الجردة او خرجات منو لقات الدنيا خاوية او حتى واحد ماحاضي لفيلا او قررات تهرب ولكن لمحات علي داخل للدار او رجعات دغيا شعلات تلفازة او دارت بحال الى جالسة كتفرج
علي: (شاف فيها ) صباح الخير
مارداتهاش عليه خلاتو بلاكة او جلس حداها او هي بعدات عليه بخوف
علي : ماتخافيش مغاديش ناكلك شوفي جبتليك حوايج لي تحتاجي
زمرد: علاه بالسلامة شحال انبقا هنا
علي: حتى ديري عقلك
زمرد : اووووف راك نتا لي مريض او خصك تعالج حيت ماعندك عقل
علي: مابغيتش نتقابح معاك (ناض من حداها او طلع لبيتو ادوش اما هي بقات كتنگر او تسب فيه فخاطرها )
....اما فالقصر فاقو ابطاالناا كيفطرو كالعادة حتى هبط قصي مع لافاليز ديالو
سارة: قصي فين غادي
قصي:(كيشوف ف شيماء) انرجع للاوطيل
سارة: علاش بقا معانا
قصي: لا خاص نخليها تفكر
سارة: (شافت ف شيماء ) ماغادي تقولي والو
شيماء:(هزات كتافها بحال شي بنت صغيرة ) خليه امشي
سارة: (تنهدات ) الله اهديك (مشات عند قصي توصلو للباب حتى بعدو عليهم ) ماتقوليش اتستسلم بهاد السرعة
قصي: خصني نعطيها وقت
سارة: غادي تزيدو تعمقو المشكل هاكدا
قصي: شنو بغيتيني ندير
سارة: ههه قرب عندي نقوليك (قربات سارة لوذنو كتوشوش ليه او ضحك)
قصي: وليني راك خطار صاف مشات ههه
سارة: يالاه سير وجد راسك حتى ليل
قصي: باي هه
رجعات سارة لقات نيار هابط من دروج لابس حوايج لخدمة او تقابلات معاه كتقادلو لكرافاطة
سارة: اخليلي لبوگوص ديالي ههه
نيار: اندير انا بلاش او نجلس حداك
سارة:(باستو فخدو ) سير لخدمتك احبيبي حتى ليل (غمزاتو )
نيار:( ابتاسم ليها) تهلاي فراسك (مشا نيار لخدمتو او مشات حتى سارة للشركة تشوف اش جرا فيها حتى رجعات مع 6 دالعشية طلعات لعند شيماء )
سارة: شامة ديالي هه
شيماء: دخلي
سارة: اوووف عييت هاد نهار مشيت للشركة او نتي شنو درتي
شيماء: كنقلب فالسيت على خدمة
سارة: اويلي اش كتقولي او انا اشكندير هنا
شيماء: سارة نتي ختي ولكن مانقدرش نبقا نعول عليك ماتنسايش انا حاملة او خصني نصرف على ولدي
سارة: اوا حيت حنا خواتات غادي تبقاي معايا او ولدك هو ولدي او انصرف عليه انا
شيماء : ولكن
سارة: ماكاين ما ولكن صافي دوينا
شيماء:(عنقاتها ) عمرني نسا خيرك
سارة: مابيناتناش الحمقة واش نسيتي شكون كانت كتواسيني 3 سنين هادي ههه يالاه نخليك ترتاحي دابا (خرجات سارة من عند شيماء او مشات لكوزينة كتاكل بالوقافية رغبوها لخدامات باش تمشي تجلس او هوما اجيبولها الماكلة ولكن مابغاتش خرجات للجردة كتقرا رواية كما العادة او كتشرب كوكاكولا حتى غمضلها نيار عينيها ) نيااار
نيار:(حيد يديه أو باسها فخدها ) حبيبتي توحشتك (جلس حداها)
سارة: حتى انا
نيار:شنو كتقراي
سارة: رواية "احببتك اكثر مما ينبغي "