تيريزا🥀مكتملة🥀

🥀الجزء 33🥀

تيريزا 🌹
الكاتبة سكينة سليماني
البارت 33
سارة: (بقات كتشرب عاد وعات راسها ) اشش كنديير انا هنا معاك
علي: صافا دابا
سارة: راني سولتك كيفاش وصلت لهنا
علي: ماتغوتيييييشش عليا شفتك معذبة لتحت او طلعتك لفوق النموسية
سارة: الله اكثر خيرك نتا كون لقيتي راك تحطني فوق الشوك انا ماغاديش نعس معاك هنا فوق هاد النموسية اعلم الله شحال من قحبة نعسات فيهااا ييخ
علي: (كارز على سنانو او مغمض عينيه بعصبية ) لا غير تهناي نتي اول قحبة تنعس فيها
سارة: القحبة هي ...(كانت اتنطق او سكتات كتلعن فالشيطان او شافت فيه بهدوء ) شوف اعلي انا ماغاديش نعس معاك فنموسية وحدة حيت مافيك ثقة كنخاف تهجم عليا بالليل
علي: (كيقرب منها ) حتى الى قربت منك اش فيها ياك انا راجلك او حقي حتى لدابا مازال ماخديتو
سارة: (كتبعد او كدور فعينيها حتى ناضت من النموسية او وقفات ) عمممرككك تحلم بهادشي اعلي عمممرككك تفكر تقرب ليا حيت ماعندكش الحق
علي:( وقف او كيمشي فاتجاهها بخطوات ثقيلة) علاش ماعنديش الحق او ياك كتبغيني (داير ابتسامة) او عتارفتي ليا بهادشي
سارة: مكنبغييييييكش كنت غالطة انا مكنحمل فيك حتى شعرة عرفتي شنو انا غير ولفتك اما الحب راك ماتستاهلوش حيت لي كيضرب المرأة غير حيواااان ماشي رااااجل كون كنتي كدير فيا لخير نموت على تراب رجليك عمرني نفكر نبعد عليك حاولت نغيرك ولكن نتا كل مرة كتصدني عاقبتيني على شيحاجا مادرتهاش كون كانت فخباري بلي حبيبتك اتنتاحر نهار عرسنا ماكنتش نتزوج بييييك ابداااا كنكرهك كثر من لقياااااااااس بععععععد مني متقربش لياااااا (بقات سارة كتلوح عليه اي حاجا هزاتها فيديهاااا بهستيريااا لدرجة موعاتش شنو كدير اما علي بقا مصدوم من الحالة لي وصلات ليها واش لهاد الدرجة كتكرهو او بينات ليه وجهو فلمراية هو كره راسو بقا كيحاول اشدهاااا ولكن لا جدوى كانت بحال شي مجنونة )
علي: ساااااارة هداااااااي اتآذي راااااااسك
سارة: بععععععد مني هاد السااااااعة نتا لي كتاذيني (هرسات واحد الفاز د زاج او وجهاتو ليه ) والله او تقرب ليا ولا تعاود تفكر تقرب ليا والله العظيييم حتى نقتلك او نقتل راسي مابقااا عندي مانخسر يالاه شنو تجرب اسي علي
علي:(كان كيشوف فعينيها لي كانو يابسين مافيهمش الدموووع من غير ديك النظرة ديال التحدي لي عارفها اديرهاااا بقا كيحاول اسايس معاها ) ماكنتش انقرب لييك بغيت غير نعصبك انا مازال عند وعدي عمرني نقرب ليك غير تهدني كنحلف ليك عمرني نديرها صافي هاني انمشي نعس بلاصتي او حتى نتي بلا ماتعذبي لتحت الى ماتقتيش فيا ديري لمخاد بيناتنا او نعسي مرتاحة
سارة: (بقات كتهدن او تهبط الزاجة ) يالاه سير بعد من قدامي
علي: انا انمشي (مشا او نعس فالنموسية او سارة دارت لمخاد بيناتهم حتى دارت صور ماشي فاصل هه او نعسات فجيهة لوخرى عاطياه بالظهر هو مانعسش بقا كيفكر فهادشي لي قالتلو فعلا حس بيها او بكل كلمة قالتها ماكرهش اقوليها سمحيلي على الضرب او الاهانات او حيت ظلمتك معايا ابنت الناس ولكن عزة نفسو ماخلاتوش هو عارف راسو ظالم او مايسواش ولكن حتى هو مظلوم ظلمو الزمان او واليديه كان كيتمنى اتزوج البنت لي ختار قلبو ولكن ماعندو مايدير او هادي هي المشيئة الإلهية سارة بالنسبة ليه فين كيفرغ الطاقة السلبية ديالو اي مشكل وقعلو كيجي احمل ليها المسؤولية او يضربها كان طاغي مكيبغييش اتفاهم او هي صبرات على طبيعتو الخايبة حتى صافي مابقاتش قادرة تصبر او طرطقات فوجهووو او لي جاي اكثر غمض علي عينيه او نعس )
.
اصبحنا واصبح الملك لله
وصلو كل من شيماء لي كانت لابسة قميجة نصها زرق او نصها غوز او جامعة شوية من شعرها اوقصي لابس بودي غري او مونطو او سروال كحل وقف قصي الطوموبيل و دخلات شيماء للداخل هي وياه او كتسول فالخدامة واش كاينة سارة ماجات فين تمشي الخدامة تعيط ليها حتى كانت سارة هابطة من دروج لابسة كسيوة فالابيض او وجها مادارتلوش المكياج جات زوينة شافت شيماء او تفتحولها عينيها بالفرحة مشات كتجري عندها تلاحت عليييهااااا عنقاااتهاااا بقوة حتى وعتاتها فبلاصت الضربة
شيماء: توحشتك توحشتك بزااااف اهئ اهئ
سارة: (كتمسح ليها دموع) حتى اناااا صافي ماتبكيييش
شيماء:(بقات كتبوس او تعنق فسارة حتى شبعات منها )
قصي: احم احم
شيماء:(انتابهات هي او سارة لقصي او شافو لجيهتو ) سارة هادا قصي قصي هادي سارة
قصي:(مد ليها يديه) متشرفين سارة طلعتي كيما عاودات عليك شيماء زوينة ماشاء الله
سارة: (سلمات عليه ) شكرا ميسيو قصي الشرف ليا (شافت فيهم ) تفضلو معايا (مشاو للصالون جلسو او بقاو كيهضرو حتى وصل علي او لمحو قصي )
قصي: علي ؟؟
علي: (ضار عند قصي او ابتاسم ليه بدهشة ) قصي صاحبي ههه (تعانقووو)
قصي: عااش من شافك ماتوقعتش نشوفك هنا
(بقات سارة او شيماء كيشوفو فبعضياتهم بحال لهبيلات حتى نطقات شيماء او جات حدا قصي)
شيماء: قصي منين كتعرف علي
قصي: علي صاحبي ولكن نتي منين كتعرفيه
شيماء: (كدير الضحكة الصفرة ) هادا راه علي اقصي راجل سارة
قصي: راجل سارة
شيماء:(كتفهملو بعينيها باش اتفكر اش كتعاودلو ) عليييي
قصي: (عاد فهم ) ااااه علي ههه صدفة زوينة
علي: هي شيماء كانت كتعاودلك عليا حيت راجل صاحبتها كنظن عاودتيلو غير لحوايج الخايبة
شيماء:(كتشوف فيه بغباء) بطبيعة الحال عاودتلو لحوايج الخايبة علاه نتا درتي شيحاجا زوينة باش نعاودها
قصي:(قرص شيماء باش تسكت) ههههه حبيبة امكن راك عيانة اتديك سارة ترتاحي فبيتها
سارة: اه قصي عندو الصح انديك ترتاحي باين لعيا اثر عليك (ضارت عند قصي ) قصي مرحبا بيك عندنا جلس نتا او صاحبك او هضرو على خاطركم
قصي:(ابتاسم ليها ) شكرا
مشات سارة هي او شيماء او كيطلعو فالدرووج حتى تلاقاو بسوسن كتاكل تفاحة
شيماء: (هضرات بصوت مرتفع ) ياااه شحال طويلة شكون هادي
سارة: سكتي شوهتينا
سوسن: راني سمعت اش قالت غير خليها تكمل
سارة: (كتشوف ف شيماء) هادي سوسن لوستي
شيماء: ااااه متشرفين
سوسن: شكون هاد القزمة