تيريزا🥀مكتملة🥀

🥀الجزء 87🥀

تيريزا 🌹
الكاتبة سكينة سليماني
البارت 87
نيار:(هزها ) يالاه نمشيو ندوشو
سارة حاطة يديها مورا عنقو او كضحك بجهد دخلو لدوش او كانو بجوج مخشيين فالبانيو كيضحكو او يهضرو او يديرو لبسالات حتى خرجو من دوش او كل واحد كيلبس حوايجو
نيار: انرجعو ليوم للقصر
سارة: علاش
نيار: ماعرفتش هادشي لي قال علي
سارة: اوكي
...داز الوقت سارة جمعات حوايجها هي او نيار او مشات عند شيماء بقات كدق اما شيماء مسكينة مانعساتش ليل كاملو غير كتبكي كيصحابها قصي لي كيدق او مابغاتش تحل حتى سمعات سارة كتعيط ليها او ناضت بزربة حلات لباب او تلاحت عليها بتعنيقة
شيماء: اهئ اهئ سارة
سارة:اويلي شيماء ماالك
شيماء:(ماقادراش تهضر غير كتشهق حتى دخلاتها سارة لبيت او عطاتها تشرب او هدناتها عاد قدرات تعاود ليها )
سارة: كولشي ايتصلح ماديريش فراسك هاد الحالة
شيماء: اهئ اهئ حتى حاجا ماتصلح راه عايرني او ضربني اهئ اهئ مانسمحش ليه
سارة: صافي شششت انرجعو ليوم بحالنا يالاه نجمعو حوايجك
ناضت سارة كتجمع حوايج شيماء او هي كتسمع بكاها لي مابغاش اسالي حتى جمعات ليها كولشي او هبطاتها تفطر
....اما زمرد دخلات لدوش او بقات تحت الرشاشة لماء كيتكب عليها او هي كتبكي او تحك لحمها من اي اثر دارو فيها كرهات راسها او عافت لحمها مسحات دموعها او قطعات حسها خسرات كولشي دابا ماعندها مادير من غير تقوي نفسها هي فالاخير قوية خرجات لقات حوايج فالبلاكار لبساتهم او فطور فوق لكوافوز ماغاتش تاكل حيدات داك ريدو او حلات السرجم باش ادخل الهواء أو أشعة الشمس او مشات كضرب فالباب ياكما اسمعها شيواحد او يحل ليها منين قطعات اليأس مشات لفوق النموسية او كتشوف يمين او شمال او عينيها عامرين بدموووع شافت فداك لفطور او رماتو فالارض او حطات على وجها لمخدة كتبكي او تصبر فراسها ...
فالقصر او بضبط فالغرفة د سارة لي كانت مرونة كولها او سوسن جالسة فالنموسية دايرة رجل على رجل او دايرة ضحكة شريرة او حداها صندوق لي فيه الرسائل لي كانت كتكتب سارة لنيار ضحكات بمكر او عينيها كيتوعدو باشد العقاب ليها اما اسمر كان فدارو او فواحد البيت عامرة بتصاور د سارة كيشرب الويسكي او كيتامل فيها او يضحك حتى جاه اتصال من سوسن
سوسن: اسمر انا لقيت الرسائل دسارة لنيار ههههه غادي نفضحوهوم
اسمر:(ابتاسم للجنب) لعبة قريبة تفضح او كل واحد ايتجازاعلى افعالو
سوسن: غادي نضمروهم واحد واحد
اسمر: منين اجيو من ديك الرحلة او وري لخوك الرسائل
سوسن: اكيييد
اسمر: مزيان(قطع عليها او هو كيضحك او كيقول فبالو مابقاش بزاف او الأقنعة اطيح )
عند سارة فطرات هي او شيماء او نزلو لافاليز ديالهم او خرجو لبرا لقاو نيار فالطوموبيل او قصي معاه مشا اتجاه شيماء او شدلها فيديها او كيترجاها بعينيه
قصي: شيماء عافاك سمحيلي ماديريش فيا هاكا
شيماء:(كتشهق او تبعد منو او هو لاصقها حتى دخشات ف نيار او حطات راسها على صدرو او كتهضر بصوت متقطع ) عفااك ان.يار قولو ابعد منيييي اهئ اهئ
نيار:(كيمسح ليها فشعرها) شششت صافي ماتبكيش سمعي اشنو بغا يقول
شيماء:(كتحرك راسها يمين او شمال ) اهئ اهئ بغيت نمشي منهنا اهئ اهئ ديوني معاكم
نيار:(شاف ف قصي او ضرب ليه واحد التخنزيرة عالمية او طلع شيماء لطوموبيل) اوكي صافي غير ماتبكيش هاهو ماغاديش اقرب ليك (شاف ف سارة) طلعي معاها (طلعو لبنات لطوموبيل او مشا نيار عند قصي كيغوت عليه بصوت منخفض) اشدرتيييي لبنت اقصييي
قصي: (عينيه ذابلين ) تناقشنا لبارح او ضربتها ولكن كنت معصب مقصدتش
نيار: شيمااااء رااااه ف امانتي داباااا او ماغاديش تقرب ليها حتى تبغي هي تهضر معاك
قصي: مااانقدرش نعيييش بلا بيها انيار هي قالتلي صافي سالينا اتبعد مني
نيار: خليها على خاطرها دابا حتى تهدن (ضربليه ف صدرو ) سير للطوموبيل لوخرى او تبعنا للقصر
....هي هاديك نيار ركب مع لبنات او كيشوف ف سارة كتسكت ف شيماء اما قصي ركب فطوموبيل لوخرى او كيندم فراسو دازت مسافة د الطريق كلها سكات شيماء نعسات على حجر سارة او هاد الاخيرة كتلعب فشعرها
سارة: مسكينة شيماء
نيار: نعسات ؟
سارة: وي (تنهدات) انا لي حاسة بيها صعيبة والله
نيار: راه حتى حنا الرجال كنحسو غير مكنبينوش
سارة: بلعكس قلبكم قاسح (هاناري سكتي لاتصدقي مخاصمة معاه او نتي ماصدقتي فوقاش تصالحتو)
نيار:(خنزر فيها من لمراية) وجهك لي قاسح
سارة: او مالني اش قلت راه داكشي لي كاين
نيار: اللهم صبري اووف
...وصلو ابطالنا للقصر او سارة فيقات شيماء غير بشوية او دخلو كاملين كل واحد مشا لبيتو او ماهي الى دقائق وصل حتى قصي او طلع لبيت شيماء دخل عندها لقاها ناعسة رجعات نعسات او بغا اعطيها وقت او مشا هو لبيتو ارتاح ليلة البارح مادازتش عليهم ساهل اما سارة منين دخلات لبيتها لقاتها مرونة ولكن مادات ماجابت عيطات هي لخدامات اجيو اقادوها او هي بدلات حوايجها لبسات بيجامة هيلو كيتي طويلة ولكن مبينة فورمتها او مشات عند نيار للبيت دخلات عندو بلا مقدمات لقاتو كيخربش فلبيسي او كيهضر فالتيليفون مع ماماه او هي جلسات حداه مبتاسمة او كتسمع الهضرة د عبير(ام نيار)
عبير: والله اولدي الى توحشتك بزااااف فوقاش اتجي عندي
نيار:(معنق سارة او كيضحك) الى جيت عندك اتوحشني واحد القطة هههه
عبير: اممممم او انا نعييق الله على وليدي الله كبر او قريب نفرح بيه
نيار: هههههه كتزربي عليا راني مازال صغير
عبير: اشمن مازال صغير نوض دير مراتك او ولادك قبل مانموت انا
نيار: اوا هااا لي مكنبغيش نسمع اش جبد الموت دابا انا متيقتش فوقاش تشافيتي او رجعتي لينا
عبير: ههه اوا اولدي انا بغيت نشوفك فرحان
نيار:(شاف ف سارة ) انا فرحان بزاف والله هاكي هضري مع القطة ديالي
سارة:(كديرلو بيدها لا لا ولكن لسقلها تيليفون ) الو خالتي لباس عليك
عبير: ههه لباس ابنتي او نتي
سارة: حتى انا
عبير: الله ارضى عليك ابنتي فرحتي ليا ولدي او خليتيني نسمع ضحكتو لي شحال هادي مسمعتها
سارة:هادا واجب
عبير: اوا نبغيك تهلاي فيه او منين اجي او يجيبك معاه راني متشوقة نشوفك
سارة: هه مرحبا اخالتي تهلاي فراسك حتى نتي او ماتهزيش لهم لنيار ههه
عبير: ههه يالاه خليت ليك الراحة
سارة: لهلا اخطيك (قطعات او ضربات نيار لكتفو ) ناااري حشمتيني هههه
نيار: اوا راه الوليدة خصها تعرفك
سارة: هههه ماماك ظريفة او لحمد لله على سلامتها
نيار:(عنقها ) غادي تفاهمي معاها بزاف
سارة:(ناضت او مشات النموسية ديالو تخشات فيها او هو كيشوف فيها اش كدير ) القيت بيتي مرون او فيا نعاس بزاف انا انعس دابا فالنموسية ديالك ياك او نتا خدم خدمتك
نيار: لا ميمكنش
سارة: علااااش والله مانصدعك
نيار:(مشا تخشا حداها) مايمكنش نشوفك قدامي او نتي ماقريباش ليا (جبدها عندو او حط راسها على صدرو) انعسو بجوج مابقات خدمة
سارة: مابغيتش نلهيك عليها
نيار: ماشي مشكل نخدم فوقت اخر يكفي المدة لي كنت بعيد عليك فيها
سارة: (دخلات فيه كثر) نااااري شحال توحشتك وا بزاااف ههه

...يتبع