تيريزا🥀مكتملة🥀

🥀الجزء 40🥀

تيريزا 🌹
الكاتبة سكينة سليماني
البارت 40:
سارة: (خرجات سارة كطرطق بوحدها دخلات جابت معاها الخدامة او حولات اغراضها لبيتها مابقات كتهمها لا سوسن لا حتى واحد بغات غير تبعد على علي حتى تشوف شي حل لهاد المصيبة دخلات عندها شيماء)
شيماء: سارة مالك كتبكي
سارة: داك الزااامل الله ياخد فيه الحق قالي الى بغيت طلاقي خاص نعطيه حقو فالفراش
شيماء: اوا عطيه
سارة: واااااش كضحكي عليا فيين هو شراف فاش اسولني عليه نقولو داه واحد الراجل تعرفت عليه فتركيا
شيماء: موشكيلة هادي تهدني دابا نلقاو شي حل
سارة: (حلات عينيها بجهد او مسحات دموعها) زمرد زمرد ديك البنت لي جات عندي او عطاتني كارط فيسيت ديالها خاص نلقاها
شيماء:حطيتيها فحوايجك اجي نقلبو
سارة: (كتقلب) لقيتها هاهي
شيماء: صوني عليها
سارة:(كتصوني )
زمرد:(كانت جالسة فبيتها لابسة شوميز دونوي كتشرب كوكاكولا او كتخربق فالبيسي حتى جاها اتصال ) الو
سارة: زمرد انا سارة مرت علي
زمرد:(سدات البيسي او مركزة مع سارة) اهلا مدام اخنوش
سارة: فوقاش نتلاقاو غدا
زمرد: شنو بانليك نتغداو بجوج فمطعم ***
سارة: موافقة باي
زمرد: (كضحك) بااااي (قطعات) اوووف واخيرا انتاقم منكم كااامليييين واحد بواحد
شيماء: كيغادي ديري تقنعي علي باش تخرجي
سارة: انحاول نلقا شي طريقة
شيماء: اكون خير متقلقيش ابب
سارة: انشاء الله
اصبحنا و اصبح الملك لله
وصل كل من نيار او قصي للمغرب او تحديدا جلسو فالاوطيل او بدأت الخدمة ديالهم في البحث عن اسمر او سيزار حتى تفكر نيار الهضرة لي قالو قصي عن علي او شيواحد كيهاكي الحسابات ديالو او قرر امشي عندو للشركة
نيار: قصي انا انمشي لعند علي للشركة
قصي: اوكي انا انمشي لدارو نجيب خطيبتي توحشتها
نيار: اوكي نتلاقاو منبعد
قصي: اوكي
مشا نيار للشركة او كولشي داخ منين شافو وسامتو او رجولتو الطاغية على المكان
نيار:(دخل للمكتب ديال علي بلا ميسول السكرتيرة )
علي:(طلع راسو) نياااار
نيار:(داير ابتسامة) اهلا اصاحبي
علي:(عنقو) عاش من شافك فوقاش جيتي للمغرب
نيار: لبارح بليل او عاودلي قصي على المشكل لي واقعليك او جيت عندك
علي: وي محتاجك بزاااف
نيار: عطيني البيانات ديالك انحط ليهم نظام حماية ماغاديش اعيق بيه الهاكرز او ايطيه فالفخ
علي: اوكي (حول البيانات لبيسي د نيار)
نيار: اوا لباس عليك
علي: كولشي بيخير او نتا اش كتعاود
نيار: هه غير لخدمة او صاف
علي: يالاه نوض تمشي معايا للدار تغدا
نيار: مايصلاحليش والله عندي الخدمة راه قصي مشا عندك للدار اجيب خطيبتو
علي: اوا يالله. حتى نتا نتجمعو كاملين
نيار: (بقلة حيلة ) اوكي
عند سارة كانت هي او شيماء كيفطرو او يضحكو حتى جا قصي من مور شيماء او غمض ليها عينيها
شيماء: قصي نتا هادااااا راني كنعرفك
قصي:(باسها فحنكها بقوة) توحشتك الكتكوتة ديالي
شيماء:(تلاحت عندو عنقاتو) انا توحشتك اكثر
قصي:(باسهااا ففمها او ضار عند سارة شاف زروقية تحت عينيها او ضرابي فوجهها تاسف على حالتها ) كيبقيتي اسارة مزيان
سارة:(ابتاسمات ليه) حمد لله هاحنا صابرين حتى افرجها ربي
قصي: واخا علي صاحبي ولكن انا مكنسكتش على الظلم فوقما بغيتي نعاونك انا هنا
.
سارة: لهلا اخطيك بلا مانعذبك معايا هادي مشكلتي نحلها راسي
قصي: هادا واجب
شيماء: فوقاش جيتي
قصي: لبارح بلييل او جيت ناخدك معايا
شيماء: اذن انمشي نجمع حوايجي
قصي: يالاه سيري
سارة:دابا اتاخد شيماء انتوحشها
قصي: ههه انبقا نجيبها لعندك باش ماتقنطيش بوحدك
سارة: شكرا بزااف انا فرحانة حيت صاحبتي لقات راجل بحالك اوقف فجنبها او يبغيها عافاك تهلا فيها
قصي: شيماء راه هي حياتي بلا بيها كنت انموت كنبغيها بزااف ماتهزيش الهم
شيماء:(كتجر لافاليز ) هاني جيت
سارة: ياك القزمة قاليك قصي سيري جمعي حوايجك باش تمشي او نتي طيري
شيماء: اويلي اختشي ماتخلي حتى واحد اعيش الحب
سارة: انتوحشك الزمرة تبقاي تجي عندي
شيماء:(عنقاتها) والله حتى نبقا نجي عندك تهلاي فراسك
سارة: واخا ابب
خرجات شيماء و قصي لباب د برا او تلاقاو بنيار او علي داخلين
علي: فين ماشيين بقاو هنا راني جبت نيار غير بلكشايف انتغداو مجموعين
قصي:(معصب او خضر ناقص مع علي ) لا بغينا نمشيو
شيماء: وي قصي عندو الحق
نيار: اذن انا بلا مانبقا حتى انا خاص نمشي للخدمة
شيماء:(قربات من قصي) قصي شكون هادا
قصي: اه نسيت ماعرفتكش هادا صاحبي نيار او نيار هادي خطيبتي شيماء
نيار او شيماء تسالمو : متشرفين
علي: نيار يالاه نعرفك على مرتي
نيار: مرة أخرى انشاء الله
ركبو فالطوموبيل نيار او قصي او شيماء او مشاو للاوطيل او خلا شيماء فالاوطيل او رجع كل من نيار او قصي للخدمة كيخدمو او ملهيين مع لوراق
نيار: قصي علاش دويتي مع علي بديك الطريقة
قصي: هاداك اكبر حيوان عرفتو كيضربها لمراتو عاوداتلي شيماء اخر مرة ضربها فالاسطبل او خلاها تبات تماك او فصباح لقاها اتموت كان عندها نزيف داخلي حتى عتقوها وجها كاملو مضروب
نيار: ماتوقعتش هادشي من علي ياك كيبغيها لحياة بزاف
قصي:(شاف فيه) اشمن حياة علامن كدوي وا حياة ماتت او عائلتو زوجوليه سارة او كل مرة كيضربها كيعتاقد بلي هي سباب فهادشي كاملو
نيار: شيييت ماخصوووش اتعامل معاها هااكااا خاص ترفع عليه دعوة باش تاخد حقها
قصي: راه حابسها 3 سنيين عندو
نيار: اكون خير
عند سارة لبسات او تقادات مزيان او هبطات لقات علي كيقرا فالجورنال او مشات عندو
سارة: علي
علي:(كيشوف فيها) علاش حولتي حوايجك من بيتي مابقيتيش باغيا تجلسي معايا
سارة: من الافضل نكونو بعاد باش حتى واحد مايغلط فلاخر
علي:)وقف ) على خاطرك اسارة ماغاديش نبزز عليك شيحاجا ماباغياهاش
سارة: ماشي موضوعنا هادا بغيت نطلب منك طلب ممكن نمشي نخرج ندير شوبينغ
علي: اوكي او ماتعطليش دي معاك الشيفور
...يتبع