تيريزا🥀مكتملة🥀

🥀الجزء 45🥀

تيريزا 🌹
الكاتبة سكينة سليماني
البارت 45
علي:(تنهد او قطع عليها او ماهي الى لحظات جاه ميساج وقف على الاثر ديالو او حال عينيه اكييد الميساج جاه من زمرد صافطاتليه التصويرة او كتبات تحتها : اجي شاركنا فالحديث ديالنا اسي علي . زير على التيليفون او خرج للشركة متوجه بسرعة للمطعم دخل او وقف عليهم لقاهم كيتغداو ) ساارة
سارة:(ضارت عندو بصدمة) علي اشكديير هنا
علي:(قرب ليها او كيشوف ف زمرد بحقد) يالاه نمشيو للدار راه واقع واحد المشكل
سارة: اشمن مشكل
زمرد:(وقفات تقابلات معاه) ميسيو علي جلس شاركنا فالحديث هه او منها نيت نتعرف على راجل صاحبتي
علي: صاحبتك؟؟
سارة: اه اعلي ماعرفتكش هادي زمرد صاحبتي كانت جارتنا قديمة
زمرد:(سلمات عليه بيديها) متشرفين اسي علي
علي:(كيبلع ريقو ) متشرفين
شيماء:(بقات كتشوف فالفيلم لي واقع قدامها او كضحك )
علي: سارة يالاه نمشيو مادموازيل زمرد تشرفت بمعرفتك
زمرد: ليا الشرف ..
سارة:(دارت باي باي للبنات او خرجات مع علي اما زمرد او شيماء بقاو كيشوفو فبعضياتهم او طرطقو بالضحك)
زمرد: هههههههههه ناري شفتيه كيفاش كان كيتلون
شيماء: ههههههه كنت نعطي عمري كاملو او نشوف علي هاكداك
زمرد: هههه دابا صافي دخلت لحياتهم ...
عند علي او سارة كانو غاديين فالطوموبيل حتى وصلو للقصر حبطو او تصدمات سارة منين شافت دايرين حجز على لقصر او الاثاث كيهزوه او سوسن برا كتبكي
سارة: اش واقع هنا
علي:(ماجاوبهاش اكتفى بالنظر)
سارة: علي دير شييي حل راه القصر ايضييع
علي: شنو بغيتيييي ندييييير كوووولشي ضااااع من يدي
سوسن: عافاك اخويا دير شيحاجاا اهئ اهئ
علي:ماكاين حتى حل
سارة: اتاصل بالمحامي ديالك
علي: اشغادي ادير المحامي
سارة: اشوف لينا شي حل
علي: (اتاصل علي بالمحامي ديالو لي جا بسرعة دخلو لقصر او بقاو واقفين حيت ماعندهم فين اجلسو لقصر ولا فارغ اما سارة كانت تاصلات ديجا بزمرد او قاتلها بلي هي لي وصلت المحامي اقول شي هضرة )
علي:(كيهضر معصب ) ماكاين حتى شي حل
المحامي ؛ كاين حل واحد
سارة: شناهو
المحامي: الثروة و الاملاك مازال مامشاو من يديك اسي علي ولكن ميمكنش ليك تصرف فيهم حيت ايمشيو خاص تكتب هادشي كاملو فسميت شيواحد كتيق فيه
سوسن:(نقزات) انا اعلي ماعندنا حتى حل اخر منغير هادا
سارة:(خافت منين شافت سوسن نقزات) سوسن خلينا نفكرو راه ماشي ساهلة اكتب علي جميع املاكو لشيواحد
علي: (كان شابك يديه كيفكر) وجدلي لوراق انا انكتب كولشي فسميت مراتي
سارة: (ضارت عندو بسرعة) لا اعلي منقدرش على هاد المسؤولية
سوسن:(طاح عليها الخبر بحال الصاعقة) اه اخويا سارة متقدرش تحمل هاد المسؤولية
علي: سوسن سكتي نتي (ضار عند سارة) فهميني اسارة نتي لي كنتيق فيك او الى ماكتبتش كولشي فسميتك انضييع
المحامي:(كيجبد لوراق) هاهوما لوراق وجدتهم اسي علي
علي:(بدون تردد وقع لوراق )
المحامي: مبروك عليك امدام سارة مبروك عليكم رديتو كولشي
علي: دير الاجرائات دغيا
المحامي: فورا اسي اخنوش
سارة: خفتك تندم واحد النهار
علي : ماغاديش ندم على مايفوت هاد المشكل انرد كولشي بسميتي
المحامي: ميمكنش فهاد الفترة اسي علي خاص مدام سارة تبان فالواجهة انها هي لي كتكلف بالشركات
علي: ماعنديش مشكل منها نيت نرتاح شوية
سارة: خاص نردو لقصر هو لول
المحامي: سيري لهاد العنوان (عطاها لادريس) هنا ايكون المزاد العلني ردي لقصر
سارة: اه انمشي دابا (بغات تمشي او عيطلها علي )
علي: سارة
سارة:(ضارت عندو)
علي: شكرا
سارة: (ابتاسمات ابتسامة ماكرة ) ماشي دابا تشكرني
علي: كنتمنى نرد ليك هاد المعروف شي نهار
سارة: (كتشوف فيه بغدر)كنتمنى حتى انا هادشي (كملات طريقها ركبات فالطوموبيل او ساقت بسرعة للعنوان او ايضا صونات لزمرد لي كانت مازالة مع شيماء فالمطعم)
سارة: زمرد ديري هوط باغلوغ نقوليكم شيحاجا
زمرد:(كانت على اعصابها) دوي خلاص شنو
شيماء: دوي اسارة اش واقع
سارة:(ضحكات بالجهد) هههههههه نجحناااااا ولاااو كااااع الاملاك فسميتي يوووبي فرحت
زمرد: (تنفسات الصعداء او كتبتاسم) الحمد لله الحمد لله مجهوداتنا ماضاعوش
شيماء: واخييييييراااااااا ههههه اتهناي من هادشي كاملو
سارة: انشاء الله قريييب
زمرد: نتي فين ماشيا دابا
سارة: انمشي نشري لقصر من المزاد العلني
زمرد: مزيان انا انصيفط الصحافة اصورو هاد الحدث او منبعد دوزي للشركة او طمني جمييع لي كيخدمو تماك او قوليلهم بلي مابقاش الإفلاس او نتي لي اتشرفي عليهم
شيماء: مشات ايام علي ولا عهد سارة
سارة:(مبتاسمة) نخليكم دابا وصلت للمكان (قطعات او دخلات بخطوات متبخترة قدام كووولشييي كولشي حاضيها او كيتساءلو شكون هاد الفتاة المثيرة و أية فالجماااال الصحافة كيصورو او هي نطقات بصوت عالي ثمن خيالي باش ترد لقصر او جميع الاثاث ديالو حتى كلام ماكان فوق كلامها او كانت ثواني قليلة او تعلن بلي القصر ولا ملكها هي تجمعو عليها الصحافة كيسولوها شكون هي دارت نظاظرها او تحركات للطوموبيل متاجهة للشركة هبطات او تجمعات عليها الصحافة او علنات قدام كولشي بلي هي مولات سلسلة شركات اخنوش او بلي مابقاش الإفلاس )
الصحفية: ممكن تقولينا شكون نتي
سارة:(شافت فيها) زوجة علي اخنوش
(قالت سارة هضرتها او دخلات للشركة او كولشي حال فمو فيهااا خصوصا رجال حمقاتهم دخلات للبيرو او جلسات او هي هازة راسها كنوع من الانصار فاكيييد كولشي ولا بسميتها علنات انه كاين اجتماع او دخلات ليه متراساه جلسات فالكرسي او كانت متوترة جمعات القوة ديالها او هضرات امام روساء الشركات لوخرين او ايضا لي عندهم أسهم قليلة )
سارة: كنظن بلي سمعو الخبر الجديد
احد الرؤساء: حنا فرحانين بهاد الخبر امدام اخنوش او انديرو لي فجهدنا باش تولي الشركة فالمراكز الاولى
سارة: او هادشي لي بغيت او ايضا قريت الملف او عرفت بلي حنا قريب نصدرو الدفعة الأولى من المبيعات ديالنا او بغيتكم ديرو خدمتكم على اكمل وجه
...بطبيعة الحال انديرو لي فجهدنا او هادشي ايرجع بالنفع على الشركة أو ندخلو ارباح كثيرة
سارة: (وقفات) اذن تسالا الاجتماع (خرجات سارة من الشركة منبعد ماكانت هي حديث الساعة كلشي الجرائد كتهضر عليها او الاخبار او ايضا صورها منتاشرة منبعد ماقادات كولشي رجعات للقصر دخلات لقات الاثاث كاين او علي او سوسن كيتفرجو للاخبار ديالها)
سوسن:(قربات منها) مبروك عليك
سارة: الله ابارك فيك
سوسن: كنتمنى متجريش عليا دابا
سارة: هادي دار خوك او عتابري حتا حاجا ماتغيرات
سوسن: لا تغيرو بزاف دلحاجات (مشات كطلع فالدرووج متاجهة لبيتها)
علي: ماتديش عليها
سارة: عادي (مشات ايضا لبيتها كترتاح او ترتب افكارها