تيريزا🥀مكتملة🥀

🥀الجزء 34🥀

تيريزا 🌹
الكاتبة سكينة سليماني
البارت 34:
شيماء: لهلا احييك قالاك قازامة حسن منك ابعدا الورد الى بغيتي تشميه كتهبطي عندو او القصيرات هوما الاميرات حيت كتحناي عندهم باش تسلمي عليهم ماشي بحالك دايرة بحال السلوم الى لبستي طالون كتشوفي الكواكب
سوسن: يييخخخ الوقاحة كتشير منكم بحال بحال الله استر
شيماء: اجي نضربها لختي بواحد النتفة نوريها الوقاحة
سارة: (كتجر فشيماء) الله اهديك اشيماء اجي معايا ماديريش عقلك فالبراهش
شيماء: اوا غير حشمت على وجه سارة يا هاد الصفريطة
سوسن : اوووف سديتولي الشهية (مشات دخلات لبيتها)
سارة: زيدي نمشيو (كتجرها )
شيماء: سارة بيتك من هاد جيها فين داياني
سارة : تبعيني او سكتي (دخلو لبيت علي او سدو على رأسهم الباب )
شيماء: ماتقوليليش وليتي كتنعسي نتي او علي فبيت وحدة
سارة: وي هادشي لي كاين ولكن ماكاينة حتى حاجا بيناتنا غير تمثيل قدام ختو
شيماء: ااه كيصحابني ههه
سارة: خوي راسك من دوك الافكار انا او علي مستحيل تكون بيناتنااا شيحاجا لا ميمكنش نخليه اقرب لي كنكرهووو بزااااف او كنقرف منو
شيماء: سارة واش نتي واعية اش كتقولي عاد كيف كنتي كتقولي كتبغييه او كتحماقي عليه
سارة: تيقي بيا والله مكنحملو كنت غالطة هادشي كتاشفتو منين تعرفت على نيار
شيماء: اويلي شكون هاد نيار تاني
سارة: اودي خاص بزاااف مانعاود ليك ولكن قبل عاوديلي شكون هاد قصي او فين كنتي علاش مامشيتيش معايا لتركيا
شيماء: اودي راه كنت كنتسناك حتى بان قدامي قصي او بقيت كنضسر عليه كيصحابني كاوري مايفهمنيش حتى سمعات المطار تهز بالقرطاس هبطلي راسي او تماك عرفتو مغريبي اوا او منبعد كان شيواحد ايقتلو او جيت انا قدامو شديت الضربة عليه داني للصبيطار كنت انموت حتى بريت او بقيت معاه فدارو تعرفت عليه بلي عميل فالمخابرات الروسية اوا او تقبني
سارة: ههههه حلفي بالله حتى تقبك
شيماء: والله العظيم ولكن من بعد طلب مني زواج او انا دابا خطيبتو رسميا (وراتها الخاتم )
سارة: مبرووووك علييك (عنقاتها) ماكيصحابنيش دوزتي هادشي كاملو علاش ماحاولتيش تاصلي بيا
شيماء: تاصلت بيك كانت النمرة ماخداماش
سارة اااه حيت كنت انا فتركيا
شيماء: هاناري مشيتي لتركيا بوحدك
سارة: وي فاش جيت للمطار لقيت روينة ولكن قررت مانرجعش لداك الحبس راك عارفة 3 سنيين ماخرجت من الدار اوا او مشيت
شيماء: اذن تماك تعرفتي على نيار
سارة: (تنهدات او تكات على فخاد شيماء او عاوداتلها كولشي منين حطاتها الطيارة فتركيا حتى رجعات ) هادشي لي وقعلي توحشتو بزاااف بزااف مانعرف واش لاباس عليه ولا لا
شيماء:(حاطة يديها على فمها بصدمة او كتشوف فسارة )
سارة:(ناضت عليها او تقابلات معاها ) بلا ماتشوفي فيا هاكداك لي وقع وقع او انا ماندمتش حيت درت هاكدا
شيماء: سارة ولا نعيطليك تيريزا حسن رااااك كتلعبي بالناااار اوييييليييي علاش درتي هاكااا انا متافقة معاك علي كلب او يستاهل هادشي ولكن نتي كضيعي حياتك هاكا او نيار مسكين خليتيه كيبغيك او مشيتي
سارة: بلا ماتغوتي عليا دابا انا تالفة اشيماء ماعارفة ماندير بغيت ندمو ل علي على هاد 3 سنيين لي ضاعو من حياتي او اول حاجا درتها هي انني خنتو او استمتعت بهادشي بزاااف او من جيهة اخرى نيار كان استاهل حيت حسيت بيه بغاني بصح
شيماء : صدمتيني اسارة ماتوقعتش منك هادشي
سارة: حتى انا متوقعتوش من راسي ولكن هادشي لي وقع
شيماء: الله ادير لي فيها الخير
سارة : اميين
....
علي: اوا اصاحبي فين غبوركم جيتي للمغرب او ماسولتيش فيا
قصي: مكنتش ناوي نبقا كون ماشي شيماء لي وقعلي معاها واحد لبلان هه دابا راحنا مخطوبين
علي: اوا مبارك او مسعود
قصي: كتبان ليا مكتحملكش
علي: اه حيت سارة حتى هي مكتحملنيش
قصي: مادام هاكا طلقها ولا كتبغيها داكشي علاش
علي: لاىمكنبغيهاش او ماعارف ماندير ماباغيش نطلقها حيت كنعاقبها على شيحاجا ماعندها دخل فيها
قصي: نتا هاكا كضلمها اصاحبي قالتلي شيماء كضربها كون سمع نيار هادشي اقتلك
علي: ههه فين وصل نيار بعدا لباس عليه
قصي: وي لباس عليه راه ملهي مع الخدمة
علي: انا محتاجو فواحد لبلان
قصي: اش واقع
علي: شيواحد كيختارق البيانات دالشركة او كياخد مستندات مهمة هادا هاكرز خطيير بزااف لدرجة أن حتى لبوليس لي كلفت ماقدرووش اوصلو ليه الى بقيت على هاد الحالة قريب ندير افلاس
قصي: انا انقولها لنيار فاش نمشي عندو او قريب انجيو عندك باش نحلو هاد المشكل (وقف)
علي: جلس اصاحبي بات معانا هاد نهار
قصي: مايصلاحليش خاصني نمشي لروسيا عندي خدمة غير وصلت شيماء لعند صاحبتها باش تبقا معاها على مانرجع مابغيتهاش تبقا بوحدها
علي: امانتك اتبقا هنا حتى ترجع ليها
قصي: او كنتمنى غير صبر عليها راه حمقة مكتعرفش اش كتقول
علي: ههه هانيا عارف لي كاين
قصي: (كيسلم عليه ) تهلا فراسك (مشا قصي او قال للخدامة تعيط ليه على شيماء)
شيماء: هاني اشنو كاين
قصي:(باسها ففمها قدام سارة او علي حشمو هاد جوج بقاو كيضورو فراسهم ) تهلاي فراسك انا انمشي دابا
شيماء: صافي دغيا سخيتي بيا بقا شوية عافاك
قصي: مايصلاحليش احبيبة كنواعدك قريب نجي تهلاي فراسك تيليفون بيناتنا
شيماء:(عنقاتو ) اوك بب تهلا فراسك طريق السلامة
قصي:(ابتاسم لشيماء او ضار عند سارة او علي) الله اعاونكم
سارة: مرحبا بيك فاي وقت او ماتهزش الهم اتجاه شيماء راها مع ختها
قصي: وي راني مطمئن عليها باي (مشا قصي ركب سيارتو او تاجه للمطار باش امشي لروسيا بقاو لبنات كيضحكو او ينشطو حتى طاح الليل تعشاو او كل واحد مشا لبيتو او كيف العادة سارة كتكتب رسالة لنيار )
الرسالة: 2
هناك الف ذبحة صدرية تعتريني ولم اظهرها حتى الان ...اشتهي ان انبكي و انادي اسمك لكني حتى الان لم افعل كل هذا لسبب واحد فقط ...انني في كل مرة انظر الى زوجي كنت ارى وجهك انت خيالك يلاحقني ....ا نادي اسمك بيني و بين نفسي و اخاف ان يتنصت احد على تمتمات فمي و يتعرف على اسمك...نيار
....