تيريزا🥀مكتملة🥀

🥀الجزء 70🥀

تيريزا 🌹
الكاتبة سكينة سليماني
البارت 70
كلهم : صباح النور
علي: صباح الورد او الياسمين
زمرد: (شافت ف علي او تفكرات البارح او هي تسكت او حنات الراس)
قصي: فين هي سارة راه انتعطلو
شيماء: فاقت راسها كيضرها خليتها تصحصح او تجمع حوايجها
ماهي الى دقائق كانت هابطة سارة لابسة كسوة كحلة معرية او جارة لافاليز ديالها اوجلسات حداهم حاطة يديها على راسها كتماصي فيه
سارة: (عينيها مسدودين) صباح الخير اوووف فين باغيين تمشييو
نيار:(ضربها برجلو من تحت الطبلة حتى توكضات او حلات عينيها) انمشيييو لرحلة فالشمال
سارة: اممم واخا يالاه نمشيو
شيماء: فطري بعدا
سارة: مافياش فينها زمرد مابقاتش كتبان ليا
زمرد: هاني حداك
سارة: اوك اوك (ناضت ) يالله زيدووو
قصي: شنو بانليكم نتقسمووو على ثلاثة د الفرق كل جوج امشيو ف طوموبيل او لي وصل التالي ل شفشاون ايطيب لعشاء لوخرين
علي: فكرة زوينة موافق
سارة: اوكي فرقو لينا
قصي: احم انمشي انا او شيماء او نيار او زمرد او نتي او علي
شيماء: حتى نسول خويا واش نمشي معاك
نيار: هههه مكاين مشكل (شاف ف قصي) تهلا فيها
قصي: (ضحكة شريرة ) كون هاني هههه
علي:(كان قالب وجهوو)
زمرد:(شافتو) لا سارة ماغاديش تمشي مع علي
قصي: علاش
زمرد: الى كنتو باغيين شيواحد فيهم اقتل لاخر خليوهم امشيو بجوج من الاحسن نمشي. انا او علي اما نيار يمشي هو او سارة
نيار: انا موافق
علي: حتى انا
زمرد:(غمزات سارة) شنو بانليك
سارة:(ضحكات ليها او شافت ف نيار) يالاه نمشيو
خرجو ابطالنا قصي او شيماء ركبو ف طوموبيلة هامر او علي او زمرد طوموبيل من نوع ميرسيديس اما نيار او سارة ركبو ف طوموبيل ديكابودابل (شفتك هازة البورطابل باش تباني عليا فالسطوري زييدي ميلي هاء زيدي ضوري ) كل واحد شد طريقو او مشا بسرعة عند علي بقا كيصوق او مرة مرة كيشوف ف زمرد
علي: اممم علاش درتي هاكا
زمرد: حيت راك معصب من سارة
علي: هادا هو السبب ولا كاين شيحاجا اخرى
زمرد: اش كتقصد
علي: كتقصد نتي معجبة بيا
زمرد : منيتك انا كنكرهك
علي: كل قصة حب كتبدا ب كراهية كتسالي ب حب
زمرد: مستحييل نتا مزوج ا علي
علي: او الى ماكنتش مزوج كنتي اتفكري فيا
زمرد:(سكتات مدة) لا
علي: كدابة نتي كتحسي بشيحاجا من جيهتي خصوصا لبارح انساجمتي معايا
زمرد: هاديك كانت غلطة او كنتمنى ماتعاودش تكرر
علي: دابا نشوفو هههه
...عند قصي او شيماء كانو طلقين الموسيقى على جهد او شيماء كتشطح بشعرها حتى هبط قصي الصوت او هضر معاها بجدية
قصي: كيفاااش بلانك مع نيار
شيماء: احم نيار ولا خويا دابااا
قصي: يخويلك جناااب باراكا من داك تبرهيش عاجبك تبقاااي بعييدة عليااا
شيماء:(عمرو عينيها بدموع المرأة الحامل كتكون حساسة ) اهئ اهئ ماتغوتش عليااا اهئ اهئ حتى انا بغيت نحس براسي عندي خويااا او تجي نتا تخطبني من عندو اهئ اهئ اهئ واش مانستاهلش
قصي: وا صافي (جبدها عندو عنقها) صافي سكتي ماتكوني غير على خاطرك ولكن اشيماء مكنقدرش نعس بالليل او نتي ماحداياش
شيماء: نهار نتزوجو او ديك الساعة نعس حداك
قصي: اييه واخا الآلة شيماء على خاطرك
...عند سارة كانت كتماصي راسها حتى جاتها شحطة فالفخاض
سارة: ااااييي واش تسطيتي
نيار: (كيورك على صبعانو) قلتيليييي اتشري حوااايج مستوووريين اش هاد لعراااا
سارة:(كتحاول تحيدليه يدو) راه غاديين رحلة زعما اش بغيتيني نلبس
نيار:(زاد زير عليها) وااااش ضروووريييي لعراااا لمك اتمشي هاكا قدام الناس كلشي ايحل كرووو فيييك
..
سارة: احم انبدل هنا حوايجي غير طلق مني راك ضريتيني
نيار: تلاحي لووور بدلي هاد لفضيحة
سارة:(رجعات اللور ) سد الطوموبيل
نيار:(برك على بوطونة باش ارجع السقف او بقا حاضي سارة كتقلب فالافاليز ديالها على لحوايج حتى لقاتهم او كتحاول تجر سنسلة د الكسوة ولكن ماوصلاتها او عطات ظهرها ل نيار)
سارة: حيدلي سنسلة
نيار:(ضار عندها او خلا طوموبيل كتمشي بوحدها حلها سنسلة كيبلع ريقو او كيشوف ظهرها عريان او دوك جوج حفاري لي مور ظهرهااا رجعات تقادات فجلاسها او نيار رجع كيصوق او حاضيها من لمراية حيدات ديك الكسوة بقات غير بسترينك او مدرقة صدرها بيديها ) لبسيييي خلااااص
سارة: مااالك غير بشوية او اصلا ماتبقاااش تشوف فيااا
نيار: انا راني شفت كولشي فيك امدام
سارة: راه كنحشم
نيار: باينة عليك
سارة: اوووف (لبسات بودي بيض مفتوح من جيهت الصدر او نعسات على ظهرها كتحاول طلع سروال الباج تسخسخات عاد لبسات حوايجها) وو اخيييرا سالييت (رجعات لبلاصتها )
نيار: (شاف فيها او فصدرها) داك الصدر ماغاديش تستريه
سارة : مكرهتش ولكن ماجبتش حوايج مستورين
نيار:(بقا كيخنزر فيها او رما عليها لكوستيم ديالو ) لبسيييي هادااا
سارة: والاااا انيااار حراام علييك
نيار: ماتعاااوديييش معااياااا لهضرة
سارة: (لبساتو جاها كبيير او واسع ولكن مغطي ليها جسمها) حل علينا طوموبيل تخنقت
نيار:(حلهاا)
بقاو ابطالنا غاديين وصلو كلهم ف دقة ل شفشاون ولكن كان السكن ديالهم خارج لمدينة شوية بحيث كتبان ليهم لمدينة لتحت بقا نيار كيسوق حتى وصل مابين واحد الشجر او وقفات الطوموبيل
سارة: علاش وقفتي
نيار: شيييت (خرج من طوموبيل كيقلب او فتح الباب د الطوموبيل او هو اخرج دخان حتى عمر وجهوو كاملووو او ولا كحل سدو او رجع عندها) ضاعت الطوموبيل
سارة:(شافت فيه او ديك الابتسامة كتوساع او ضحكات باعلى صوتها) وا ههههههههههههه ناري شوف وجهك
نيار: مالو وجهي (شاف ف المراية د طوموبيل ) تفوو هادشي لي خاصني
سارة: ههههه جيتي كضحك
نيار: ماكاين حتى لماء هنا
سارة: تستاهل هههه
نيار: تقلعي من تماك انكملو على رجلينااا
سارة:(اختفت الضحكة) كييفااش نمشيو على رجلينااا لا لا منقدرش
نيار: (كيخرج لافاليز من لكوفر) ماشي شغلي فيك جلسي هنا
سارة: اوووف (خرجات من طوموبيل او لاحلها نيار لافاليز ديالها ) غيير بشوية (جبدات لعكر او تحنات لمراية ديال طوموبيل او بقات كتعكر اما هو كان غادي حتى ضار عندها )
نيار: وااااش منيتك تحركييييييي
سارة: عاين نقاد لعكر
نيار: مسحي داك لخرا معييييق
سارة: لاء
نيار:(مسح وجهو بيدو او مشا عندها جلخلها كمارتهااا ) دابا جيتي زوينة
سارة: واااا اهئ اهئ والله حتى حرام عليك شوف كيرديتيني
نيار: وليتي بحالي ههه ضحكي دابا نشوف
سارة:(شدات لافاليز ديالها كتجرها قدامو) اوووف
بقاو غاديين مدة طويلة حتى تخشاو فواحد الشجر او كيتمشاو على الارض محفرة
سارة: عيييت
نيار: مابقا والو
سارة: ليوم انوجدو لعشاء انا وياك
نيار:(شاف فيها ) كتعرفي طيبي
سارة : وي علماتني ماما
نيار: فين هوما عائلتك
سارة: (بقات غادية قدامو حتى وقفات) معرفتش فين وصلو
نيار:كيفاش مكيسولوش عليك
سارة:( تنهدات او كملات طريقها ) زوجوني ب علي من تماك ماشفتهم
نيار: كان زواج اجباري ؟
سارة: اه
نيار: علاش ماتاصلتيش بيا كنت نعتقك مانخليهومش اديرولك هاكا ولكن نتي أنانية كتفكري غير فراسك تزوجتي علي على قبل لفلوس طلعتي طماعة
سارة: (وقفات حتى زاد قدامها او بقات كتشوف فيه بنظرات تساؤل او معصبة ) دابا هادي هي نظرة لي واخد عليا ؟؟
نيار: (ضار عندها كيشوف فيها نظرة احتقار) وي
سارة: نتي فاهم الامور غلط او بزاااف خصك تسمعني
نيار:(كمل طريقو ) مابغيتش نسمع ليك
سارة:(لاحت لافاليز او مشات عندو شداتو من دراعو او ضوراتو عندها بالجهد او عينيها فيهم شرارة د الغضب او تقابلات معاااه ) بزز عليييك تسمع اش كنقووول حيييت صااافي عيييت من هاد التعااامل ديااالك بكييت قدامك او غوت او نتاحرت او قلبك مابغاش احن او مابغيتييييش تسمعلي ولكن دااااباااا اتسمع
نيار:(شدها من شعرها كيورك علييهااا ) حيديييي من قداااامي انتعصب اندفن مك هنا حية
سارة:(توجعات ولكن دارت القوة فراسها او شداتو من شعرو حتى هي ) مااااعندييييش مشكللل ندابزو هنا حتى نشوفووو شكووون اقتل لاخر
...يتبع