تيريزا🥀مكتملة🥀

🥀الجزء 39🥀

تيريزا 🌹
الكاتبة سكينة سليماني
البارت 39
قصي: لا باك قالينا نتاجهو للمغرب فين كاين اسمر او هوما راهم دايرين جهدهم باش القاو سيزار
نيار: خاصني نقتلو بيدي
قصي: انشدوه هو او ولدو او ديك ساعة قتلهم دابا انمشيو للمغرب راني توحشت شيماء
نيار: شكون شيماء
قصي: خطيبتي
نيار:(ابتاسم ليه ) هاي هاي ناس كبرو او ولاو اخطبو او ماقالوهاش لينا
قصي: ههه كانت عندي فالدار هي لبنت لي تضربات بالقرطاس
نيار: ااااه عرفتها دابا اوا الله اكمل بالخير
قصي: ديتها عند صاحبتها سارة او عرفتي الصدفة راجل صاحبتها هو علي
نيار: علي اخنوش ؟؟!
قصي: ههه وي او سول فييك قالي محتاجك بزاف عندو مشكل كبير
نيار: شنو كاين
قصي: شيواحد كيهاكي ليه البيانات د الشركة أو مصمم اخليه ادير افلاس
نيار: اوكي انمشيو للمغرب او نشوفو حل لهادشي
مشا نيار هو او قصي فطائرة خاصة للمغرب او بالتحديد فالاوطيل اما سارة منبعد ما دوات مع نيار مسحات دموعها او دخلات للدوش كان الليل بقات كتغسل ببطء حيت صحتها كضرها سالات او نشفات لحمها دارت لوجها بومادا باش ماتيبقاش الأثر او دهنات حتى صحتها لبسات دوبياس باج جات سيكسي نشفات شعرها خلاتو بوكلي او مشات للخزانة كتشوف شنو تلبس حتى تفتح الباب او تزنكولها لحناك بقات يابسة فنفس الوضعية حيت عرفاتو علي اما هو بقا غير كيشوف فيها او فكل قطعة من جسمها ماكيصحابوش واش عندو هاد الخير كاملو فدار ليهونش او الطرمة او صدرها واخا كاينة الزروقية فلحمها الى أن انوثتها طاغية بزاااف بقا كيقرب منها او جا مور ظهرها او سد لبلاكار بيديه اما هي بقات على نفس الوضعية كتحس بانفاسو فعنقها حتى ضورها عندو او شافها مهبطة راسها او حنيكاتها حووومر تزنكات
علي: (هزلها وجها بصباعو حتى شافت فيه ) علاش نضتي من بلاصتك راك مازال مريضة
سارة: لا..لاا انا غير دوشت باش ندير البومادا اناخد مانلبس او نمشي للدوش (بغات الدور او حبسها ردها على نفس الوضعية)
علي: علاش كتخافي مني انا راه ماشي خايب لديك الدرجة
سارة:(مضورة وجها للجنب كتحاول تفك منو) فعايلك خايبين
علي: مازالة على فكرة الطلاق
سارة:(شافت فيه ) اه حيت مكاين حتى حل بيناتنا
علي:(حاوط خصرها بيديه او قرب من شنايفها) او الى قلتليك خصنا نعطيو فرصة جديدة لعلاقتنا
سارة: (كترجف مابغاتوش اقرب منها ) علي (كترجاه بعينيها)
علي:اوووف هاد علي عجباتني من فمك (قبل شنايفها بحنية او بقا كيحبس او يعاود ابوس حتى دخل ليها فقبلة طويييلة ماليها حدووود او يديه شاد بيهم ليهونش كيجمعهم )
.
علي:اوووف هاد علي عجباتني من فمك (قبل شنايفها بحنية او بقا كيحبس او يعاود ابوس حتى دخل ليها فقبلة طويييلة ماليها حدووود او يديه شاد بيهم ليهونش كيجمعهم )
سارة:(للحظة كيصحابها نيار حاوطات يديها مورا عنقو او نساجمات معاه فالبوسة حتى حل علي عينيه بصدمة متوقعش منها تقبلو طلع يديه لصدرها كيتحسسو او هي حاطا صباعها على صدروو حتى فاقت او حلات عينيها بصدمة او دفعاتو عليهاااا ) لا لا هادشي لي كنديرو ماخصوش اكوون
علي:(شد يديها) شنو لي ماخصوش اكون حنا مكنديرو حتى عيب نتي مراتي او انا راجلك
سارة: لا اعلي سمحلي منقدرش نكون ليك (مشات كتهرب للدوش او تخبات تماك كتبكي حتى حسات بعلي مشا بحالو او خرجات لبسات كسيوة باج صوفية حتى دقات عليها لخدامة)
لخدامة: مدام سارة ميسيو علي بغاك دابا راه كيتسناك فالجردة
سارة: اوكي
علي:(بقا كيفكر فاشنو دار او واش بصح باغي اعطي فرصة جديدة لهاد العلاقة واش نسا بصح حبيبتو لي ماتت ولا غير بغا اصلح غلاطو مع سارة تفكر جسمها المثير او كيفاش تشهاها فديك اللحظة او القبلة ديالهم او كيفاش نساجمات معاه فواحد اللحظة ولكن علاش دفعاتو شنو كيمنعها حط صباعو على شناايفووو او خرجاتو سارة من السهوة ديالو)
سارة : (بصوت حنين) قالتي الخدامة بغيتيني
علي:(شاف فيها مطولا ) اه جلسي نهضر معاك
سارة: (جلسات) الى كنتي ادوي معايا فداكشي لي وقع قبيلة من الافضل تنسى غلطة او وقعات او كنتمنى عمرها توقع مرة أخرى
علي: بغيت نهضر معاك على الطلاق سارة سمعيني انا ماباغيش نطلق باغي نعطي فرصة جديدة لينا نقدر انا نسا حبيبتي لي ماتت او نولي نبغيك او نخليك تبغيني او نعيشو هانيين عمرني نعاود نحط عليك يدي
سارة: (كتشوف فيه باشمئزاز) منيتك حبيبتك ماقدرتيش تنساها او انا معاك 3 سنيين اتنساها داباا ؟؟ لا سمحلي مابغيتش ندخل فديك التجربة حيت انا ماغاديش نقدر نبغيك او بغيت طلاقي
علي: انا ماباغيش نطلق فهميني
سارة: (وقفات كتغوت) او شنو بغيتيني نبقا فعلاقة ماحاملاهاش
علي: بغيتيني نطلقك عندي شرط
سارة: شنو هو
علي: اتعطيني حقي او انعس معاك منبعد نطلقك
سارة:(كتشوف فيه بصدمة) لا اعلي نتا ميمكنش تعامل معايا بهاد الحقارة كاملها حرااام عليييك
علي: هاداك راه حقي اسارة او بغيتو او ماباغيش اصلا نطلق ولكن نتي منين باغيا طلاق عطيني حقي او نطلقك
سارة:(كتبكي بحرقة) اهنئ اهئ اهئ عافاك اعلي ماديرش فيا هاكااا
علي:(قرب منها او ضمها ليه ) حتى نتي ماديريش فيا هاكا او خلينا نبداو من الاول
سارة:(بعدات عليه) عمرك تحلم بهادشي
علي: اوا عمرك تحلمي بالطلاق
...