تيريزا🥀مكتملة🥀

🥀الجزء 94🥀

تيريزا 🌹
الكاتبة سكينة سليماني
البارت 94
نيار: (هزها او دخل بيها لدار جلسها فالصالة او كيتفقدها بعينيه فيهم الخوف ) نتي بيخير
سارة:(ماقادراش دوي كتحرك راسها بلا او مخنوقة بالبكا ) اهئ اهئ
نيار: ششش صافي ماوقع واالووو انا معاك دابا مانخليهش اقرب منك (كيمسحلها دموع )
سارة:(حركات يدها شوية كتشوف ف صبعانها او كتحاول دوي ) گ گ گرضلي صبعاني اهئ اهئ اهئ
نيار:(هبط راسو بشوية ليدها لقا صباعها مطويين شدلها يدها بحنان او الداخل ديالو كيغليي ) ولللد القحببة كنوااااعدك اندموووو علىىىى هاااادشييي كاااملوووو (باسلها يدها او تاصل بالطبيب اجي فورا اشوف صبعانها )
شيماء:(جالسة حداها كتواسيها ) خاص تكون حماية فالقصر انا خايفة ارجع ادخل
نيار:(معنق سارة ) الى كان ساخي بروحو او يدخل
سارة كانت كتحس بالم كبير الخوف او ضرب هلكوها عييات بزااف او ولكن بقات كتسكت شوية بشوية حتى نطقات
سارة: علي عرف بعلاقتنا انيار عرف بلي انا تيريزا او بلي خنتو معاك ولكن ماشي هادشي لي خلاه ادير فيا هاكا حيت انا عندو زايد ناقص ... لي بقا فيه كيصحابلو درنااا انا وياك هاد لعبة من مور ظهرو او طمعناليه ففلوسو باش اكتبهم ليا اهئ اهئ
نيار: بقالي غير فلووسووو شحاال مكلخ انا راه عندي فلوس تغرقو هو او طاسيلتوو منين كيفكر هادا
سارة: (شافت فيه) هو ماغاديش ابقا ساكت انيار اهئ اهئ
نيار: ماتخافيش كلشي ايتقاد (باسلها جبهتها ) واخا نعرف نقتلو او مانخليهش اقيس شعرة وحدة منك حيت نتي ديالي او اي آذى تعرضتي ليه كانني انا لي تعرضت ليه
شيماء: علي خوا لقصر انا انشوف واش وصل طبيب حيت ماكاين لي يستقبلو
نيار:(عطاها إشارة بعينيه )
مشات شيماء خرجات تلاقات بطبيب يالاه وصل دخلاتو معاها للصالة او جلس جنب سارة كيتفحص صباعها
طبيب: صباعك تگرضو خاص نردهم لبلاصتهم ولكن اتألمي بزاف
سارة:(كتشوف فيه بعينين دامعين او نطقات بصوت مبحوح) غير دير لي عليك انا انصبر
نيار: لا غادي توجعي خلي حتى نمشيو للكلينيك هاد الطريقة اتوجعي بيها
سارة: هو الم واحد منبعد انرتاح غير خليه
طبيب: عندها الحق
نيار:(شد فيد سارة لوخرى او كيشوف فعينيها اما هي غمضات عينيها بشدة او عضات شنايفها او عطات يديها لطبيب)
سارة: بدا
طبيب:(قال بسم الله او شد صبعانها بدا كيردهم ليها لقدام باش ارجع لعضام كيف كانووو اما هي كانت كتغوت لربي لي خلقهاااا لدرجة أن صوتها مشا بكثرة لبكا تجرح ليها لحلق﴿
سارة: واااااااااااااااااااااااع اهئ اهئ اهئ (بقات كتغوت او نيار شادلها فيديها كيتوجع منين كيشوفها هاكاك )
نيار: صبري الحبيبة مابقا قد مافات
سارة:(حطات راسها على صدرو او كتبكي بحرقة حتى حسات ان طبيب كيدير ليها فاصمة على يديها باش اتجمعو )
طبيب: كنفضل ماتحيديش ليها فاصمة او منهنا ل سيمانة رجعي عندي نشوف
(هي كانت سخفانة فحضن نيار اما نيار عطا إشارة لطبيب باش امشي بحالو او بقا معاها )
نيار: سارة
سارة:(كانت كدير انين حيت الصوت باش تدوي مابقاش ليها كتحس فمها فيه طعم الدم حيت حلقها تجرح تقطعولها الحبال الصوتية او تبدل ليها صوت هزها نيار بين يديه او دخلها لبيتو داها لدوش نيشان باش ادوشلها من ليصانص حيدلها حوايجها او هي سخفانة او بقا كيدوش ليها غير شوية بشوية لواها بفوطة او خرجها حطها فوق النموسية اوغطاها خلاها ترتاح اما هو خرج او جاب حماية للقصر او رد الخدم جديد للقصر كاملهم كيتحركو بالاوامر ديالو وصا شيماء تبقا معاها هاد الاخيرة كانت معاها فالبيت او تفكيرها كاملو مع قصي كتبكي او كتقول شي مابكاتو حتى هي كتآلم الم اخر كيتقطع قلبها او صابرة خصوصا ان فيها جوج او مابقاتش وحدها )
نيار مشا للخدمة او هو ساخط على الوضعية تفكيرو كامل مع سارة كيصوني لشيماء بين الفينة و الأخرى باش اطمن عليهم حتى دق قصي الباب
قصي:(كان شاحب او مأزم دق على نيار او دخل) ممكن ندخل
نيار: قصي دخل
قصي: جيت نقولك غدا انرجع لروسيا
نيار: علاش اترجع او شيماء؟؟
قصي: ختارت طريقها أو بغات لفراق ماعندي ماندير ليها
نيار: نتوما ماخصكم توصلو لهادشي كاع
قصي: هي لي بغات
نيار: معاياش اتمشي
قصي: غدا فالعشية
نيار: اوكي او تهلا ف الواليدة
قصي: انمشي على قبلها توحشتها بزاف او بغيت نشوفها
نيار: او شوف اخر الاخبار تماك حيت عيسى ماكايقولي حتى حاجا
قصي: باباك ماكايبغيش اشوشك
نيار: كيردني مازال برهوش او هادشي لي كيعصبني كثر
قصي: سلاك
نيار: (تنهد)
قصي: بنتيلي ماشي هو هاداك كاينة شيحاجا
نيار:(عاودلو كولشي او قصي بقا مصدوم)
قصي: واش علي مريييض كيييفاااش قدر ادير حاجا بحال هادي
نيار: كنت انقتلو كون ما سارة
قصي: كيبقات هي
نيار: خليتها ناعسة ولكن نفسيتها مضمرة بزاف
قصي: ولد القحبة خاصو لحبس
نيار: ماتشغلش راسك بهادشي انا انتكلف بيييه
قصي: اكون خير
نيار:(شاف فالسرجم ) انشاء الله
....اما عند علي بقا كيصوق بسرعة خيالية فاتجاه لفيلا حتى وصل او دخل للدار لقا زمرد جالسة فالدروج او حاطة يديها على حناكها طلعات راسها فيه منين شافتو دارت تعابير كتساءل فيهم مالووو حيت وجهو كاملووو مضرووب
زمرد: علي مالك
علي: ولااااد لقحااااب اناااا غاااادي ندمهم على هادشي كاااملوووو غادي اندموووو
زمرد: شكووون هادووو علامن كدوي
علي: نيار او سارة كانو على علاااقة غدروني بجوووج او طعنوني فظهري او هادشي كاملو داروووه باش ياخدو املاكي دارو هاد اللعبة باش نكتب الاملاك ليها
زمرد:(بقات كتشوف في او طلقاتها بواحد الضحكة هيستيرية كتزلزل الفلا او مابغاتش تحبس)
علي: مااالك كضحكيييي
زمرد: هههههههههههه على سلامتك منين عرفتي العلاقة بين سارة او نيار كولشي كان عارف غير نتا يا مسكين مقلوبة عليك القفة هههههههههههه او لي زاد ضحكني الغباء ديالك لي لامثيل له هههههههههه منيتك سارة او نيار دارو هاكا باش ياخدو الاملاك ههههههه راك غالط او بزااااف حيت هوما ماحتاجينش لفلوووسك ابداااا هوما بصح كيبغيو بعضياتهم او نتا عقبة بنسبة ليهم
علي:(بقا كيشوف فيها بطريقة تساؤلية ) باش عرفتي نتي هادشي او شكون قالولك
زمرد:(ناضت فاتجاهو او عينيها باينة منهم الفرحة) حيت انا اعلي لي عاونت سارة باش تاخد املاكك نياااار ماعندو علاقة حتى بحاجة اناااا لي خططت مع سارة او هاكيت ليك البيانات او طلبت منها تخليك ثيق فيها 3 شهووور اعلي هادشي تطلب منا غير 3 شهووور باش نقضيو عليييك داك لعذاب كاملو لي درتيه ليها ف 3 سنيين رداتولك غير ف 3 شهووور ههههههههههه (بقات كضور فرحانة او كضحك )
علي:(كيشوف فيها بحزن ) نتي لي درتي هادشي ازمرد
زمرد: تصدمتي اعلي نونونونو فالاخير نتا طلعتي خاسر من هادشي كاااملووو حيت سارة ديالت نيار ماشي ديالك
او حيت ماكنتيش بغيتي طلقها اضطرينا نديرو هاد اللعبة باش تحس بالضعف او الجبروت او الكبرياء ديالك اطيحو للارض او تحس بيها كيفاش كنتي كتآذيها
علي:(كان كيسمعلها بكل تركيزو كيشوف فيها بصدمة ماقادر ادير والو من غير اشوف فيها عطاها بالظهر او خرج من الدار متاجه المجهول)
....يتبع