تيريزا🥀مكتملة🥀

🥀الجزء 15🥀

تيريزا 🌹
سكينة سليماني
البارت 15
قصي:(مخلوع عليها) شيمااااء مااالك واقعة لييك شيحاجاا فيين كيضرك (مشا كيعيط على الممرضة او جات بسرعة حتى هي) سربييي نتي ازمر واش حتى تمووت عاد تجي (بقات الممرضة كتعطيها دوا او ضمضات ليها الجرح حيت تحل )
الممرضة: انسة ماخصكش تعصبي نتي خاصاك الراااحة
قصي: صافي انا نبقا معاها نتي خرجي (خرجات الممرضة او دار قصي عند شيماء كيشوف فعينيها فيهم دمووع او عاضة شنايفها بكثرة الألم او هو جلس جنبها او شدلها فيديها او كيسولها بخوف ) نتي مزياان داباا علاش تعصبتي عاد دابا شوية كنا كنضحكو
شيماء: (كتبكي بصوت متقطع) ختي..ختي سارة
قصي: صافي شوووت كاااالم
شيماء: (تهدنات شوية عاد قدرات تهضر) صاحبتي سارة هي ماشي مجرد صاحبتي هي ختي كنا دايريين اناا وياها نسافرو بجووج اناا لي قنعتها بغيتها تخرج او تفرح شوية ولكن اهئ اهئ وقع هاد المشكل او تلغى كوووولشي دابا هي تكون رجعاات لداك الحبس او عمرها تخرج منو حيت راجلها كيضربهااا داك الوحش الله ياخد فيه الحق ايقتلها شي نهار
قصي:(بقا كيسمع لشيماء او كيتاسف على هادشي كاملو او حس براسو هو سباب ) سمحيلي اشيماء هادشي كولو بسبابي
شيماء:(طلعات يديها ببطء او حطاتها على حنكو ) لا نتا مادرتي والو هادشي مكتااب انا انبرا او نمشي عندها
قصي:(باس ليها يديها بحنية او كيشوف فيها) شنو بانليك تعيطي عليها دابا تكون مشوشة علييك
شيماء: صاكي تجلى ليا فالمطار او ماعندي باش نصوني ليها
قصي: صوني ليها بتيليفوني هاكيه (عطاها تيليفون)
شيماء:(كانت كتحاول تصوني على سارة او هي ندمانة او حاسة براسها دارت شيحاجا خايبة ولكن المكالمة مكتبغيش توصل) اوووف هادشي ماكايبغيش استقبل المكالمة
قصي: تقدر تكون بدلات نمرتها
شيماء: ماااعععرفتش اوووف (شافت فيه ) قصي وااش تكون سارة مقلقة مني
قصي: لا مكنضنش حيت نتا مدرتي ووالووو او هي ماعارفاش بلي كنتي مابين الحياة او المووت نتي غير براي او انا نديك عندهاا صافي
شيماء: اه واخاا (شيماء كان باين فيها لعيا او مسخسخة او قصي لاحظ هادشي )
قصي: رتاحي دابا انا انمشي لبيتي حتى نرجع عندك
شيماء:(حركات ليه راسها باه او غمضات عينيها)
قصي خرج من عند شيماء متوجه لبيتوو او كيخربق فتيليفونوو او كيفكر اصوني لنيار اشوف الجديد فالقضية ...
عند نياار كان كيشوف فراسو فالمراية او كيركب ساعتو او ساهي فملاميحو كيفكر فشحال من حاجا أولهم سارة متشوق بزااف اشوفها او يهضر معاهااا كاان قمة فالاناقة و الوسامة كان لابس طقم رائع فالاسود كااملو او مطلع شعرو لفوق او راش ريحتو المعروفة او ماقاطع حبل افكاارو غير اتصال من قصي
نيار:الو
قصي: نياار افين اصحبي غبرتي عليا
نيار: هههه او شنو بغيتيني نبقا مقابلك
قصي: ارااأشقاالييك اصاحبي غير من صوتك اش تما
نيار:(داير ابتسامة واسعة بانو سنانو ) عندي حفلة عشاء
قصي:(مستغرب حيت نيار مكيحملش هاد الاجواء) اممم معامن واش بنت
نيار: ههه تماما
قصي: هههههه او انا نعيييق عليها فرحان ولكن شنو الفرق او منبعد نتا ديمااا مع وحدة او عندك عادي
نيار:(تنهد او رجع راسو لور او هو مغمض عينيه او نطق بصعوبة او شوق) قصي هادي ماشي بحالهم شي حاجا فيها غرييبة ياالله على جمال فيهااا كولهااا وااعرة واعرة عمرني شفت بحالها ريحتها او طايتها او هضرتها او حركاتها سكنو فقلبي قبل عقلي اوووف كنفكر غير فيهااا او انا دابا متشوق نعرفها كثر او نعرف غا سميتها
قصي:(كان منباااهر من الطريقة باش كيهضر خصوصا ان هاد الاحاسيس مكيجيوش مع نيار حيت شيحاجا جديدة عليه كيجي عليه غا الغضب و القسوة و اللامبالاة ولكن قصي فهمو حيت نفس هاد الاحاسيس كيحس بيهم اتجاه شيماء بعد ماساد الصمت بيناتهم او كيتسمع غا الانفاس ديالهم فالتيليفون نطق قصي ) نيار ياكما طحتي فيهااا
نيار:(فاق او توكض ) اشمن طحت لا عااادي ليوم انعس معاها ليلة او لوحها بحال كل وحدة هانيا عندي ههههه ماعرفتش ديك الهضرة منين خرجات ليا
قصي: من طرمتك هههههه
نيار: انعلطواسلمك يا ولد القحبة سير تخرا عطيني بتيساع راه وصلات العشرة
قصي: هههههه سير تقود باي (قطع )
قطع نيار الاتصال او دار نظرة شاملة على راسو كان متوتر او كيخنزر فالمراية حس براسو بحال ايدوز شي امتحان
نيار: (كيهضر مع نفسو بجهد) جمممع راااسك انياار ماكايناش لي دير فيك هاد الحالة فيييق او ماهي الى ليلة او دوووز
منبعد ماهضر نيار مع راسو هز سوارت طومووبييل او توجه ليها ركب او ديماارااا بسرعة لفندق خرج من طوموبيل او لقا الشيفور كيتسناه بلمظل باش أغطيه من الثلج لي كيطيح عطاه سوارت طوموبيل او دخل لمطعم راااقي جداا كان حاجزو ليه او لسارة دار شوفة فيه لقاه كيما وصى علييه ياااا لهويي يا بنااات المطعم كاان راااائع جدا كانت الأرضية كولها وروود او طبلة فالوسط مزينة بالورود او شمع قريبة من حائط زجااجي كيبين روعة اسطنبول خصوصا فهاد اللحظاات برا كان ثلج كيطييح او اضواء البنايات خصوصا جسراسطنبول اما لداخل فالمطعم كان الجو سخون بلكليما او اضواء خافتة منظررائع و جو رومانسي بامتياز جلس نيار بالكرسي على اعصااابوو شابك يدييه او كيحرك رجلييه او كيشوف فسااعتوو او يعاود احط يديه فوق الطبلة الجو عندو كاان مشحوون بالثوتر بقااا نياار كيتسنى بزااف او معصب ...
أما عند سارة بقات ساهية كتفكر او لقات حل لهادشي شافت فساعتها لقات الوقت مشااا ناضت بخطوات ثقيييلة رشات ريحتها مرة أخرى او لبسات طالون ديالها سدات الغرفة ديالها او زادت مع الطريق كاان هو جاالس معصب او النادل كيجي عندو ابغي ياخد طلباتو او كيجري عليه حتى سمع الوقع لي زلزل قلبوووو صوت خطوااتهاا بالكعب العاالي طق طق طق طق كانت كلما كتقرب الى او قلبو كيضرب دار عندها ببطء لقاهاااا قمة فالجماااال راااائعة بزااف كانت اتجيبلو الجلطة ناض من فوق الكرسي او توجه عندها هي لي ماكانتش اقل منو فالشعور ابتاسمات بشوي اما هو هز يديها او باسها بكل جنتلمانية
نيار: تعطلتي عليا شحال و انا كنتسناك
سارة: (كتهضر بدلع ) هه شنو مانستاهلش تسناني
نيار: على قبل هاد الجماال نتسناك حياتي كاملها (بقا شاد فيديها او غادي بيها جيهت الطبلة جبد الكرسي او قالها بعينيه تفضلي جلسي منبعد ماجلسات تحنا عند وذنها او همس ليها) مرحبا بيك
سارة:(تهز قلبها فهاد اللحظة او ضارت عندو حتى تلامسو شفايفهم او نطقات) ترحب بيك الجنة نياار
نيار:(طلع راسو من حداهاا او هو عاض على شفايفو او كيقول ياربي تصبرني مشا لكرسي ديالو او جلس ) شنو تبغي تبغي تشربي
سارة: انا مكنشربش يكفيني عصير ليمون
نيار:(معجب منها ) كيصحابني اتختاري اغلى مشروب هناا
سارة:(هزات الكاس دالماء ديالها او جغمات او هي كتشوف فيه مارمشاتش عينيهاا شافت فيه بحدة ) انا ماشي بحالهم خوي راسك من دوك الافكار
نيار: يا الله كتزيدي تبهريني فوق ما انت زوينة نتي ايضا ذكية (ساد الصمت شوية او سولها تاني ) شنو تبغي تاكلي
سارة: اممم ناكل على ذوقك نشوف واش كيما كتختار حوايجك او ريحتك او ساعتك بعناية اتختار شيحاجا زوينة ناكلوها (كهزات لور او نفخات صدرهاا)
نيار:(ابتااسم او دار إشارة للنادل باش اجي) جيب لينا داكشي علاش وصيتك
النادل: evet arkadaşlar )حاضر )
..
بقا نيار مركز مع كل قطعة فجسم سارة خصوصا صدرها او عينيها او كيلمس شفايفو بصباعو كيحااول اتمالك نفسو او يكبح احاسيسو ولكن هادشي بزااف علييه صافي سيد غرق فجماالها او لباقتها فالهضرة او خصوصا الغموض لي فيهااا اعتابرها بحال لغز خاص القاليه الحل ولكن كلما كيحاول القا الحل كيغرق فعشقها اكثر و اكثر شعوور جدييد تغلغل فيه كيحس بالسعادة و الامان معاهااا بقا نيار كيفصل او يخيط بوحدو او فكل مرة كيشرب جغمة من النبيذ الاحمر ديالو او كيتبنن او فعينيه فقط جسم سارة المثييير فلحظة طاحو عليه أفكار غريبة كيقول مع راسو واش هي عاهرة ولا فتاة ماعندهاش حدود فعلاقاتها كيشوف فيها او يعاود اشوف فجسر اسطنبول بتوثر او جامع القبضة ديدو علاش معصب الله اعلم مافيقو من سهوتو الى صوت سارة
سارة:(بصوت حنين) نيار انا انمشي للحمام (هزات صاكها او ناضت بغات تمشي)
نيار: جلسيييي معامن تشاورتي باش تمشي قلتها ليك اناا ؟؟؟
سارة:(ضارت عندو معجبة او فاتحة عينيها على جهد) شناهو مسمعتش مزياان انا راه غير علمتك ماتشاورتش معاك (وقفات غادية ماحسات غا بنيار واقف قدامها حابس طرييق او معصب داير ديك التغوبيشة او كارز على سنانو او جامع قبضة يديه اما سارة مسكينة تفكرات غا علي منين كيضربهااا خاافت بزاف ضماات صاكها لصدرها او هبطات راسها او عينيها كيغرغرو بدمووع كانت اتموت بالخلعة قالت صااافي مشات فيها اما نياار حس بيهااا اتبكي فاي لحظة مما خلاه اتهدن دغيا او حس بلي زااد فييه او خلعها هو يهز يدو او دوزها على حنكها بحنان او قرب ليها او كيشوف فعينيها الشيء لي خلاها تهدن شوية او ترخا او تحس بشوية دالامان )
نيار: انا مابغيتش نخليك تمشي حيت بغيت نوريك واحد الحاجا
سارة: (كتبقلل فيه) شنو هي
نيار: (ابتاسم او جرها من يديهااا لجنب الطبلة ديالهم كانت محطوطة بوااط فالاحمر حلهااا او جبد عقد الماسي رااائع مزين باحجار الالماس او كيبري سارة مشاتليها لهضرة بكثرة ما فاجئها او نباهرات بجمال العقد ) هادا كادو بسيط ليك
سارة:(حطات يديها على يديه بحال كتمنعو) سمحلي منقدرش نقبلو
نيار:(خنزر فيها) او علاش ياكما ماعجبكش
سارة: الله ياودي زوين بزااف غير هو غالي او كنظن مانستاهلوش ماكانش عليك تعذب راسك
نيار: انا فاش كنعطي الحاجا ممنوع ترفض فهمتي او نتي تستاهلي كثر من هاد العقد او اصلا الرقبة ديالك خاوية خاص عقد ازينها(غمزها)
سارة:(مالقات ماتقول) اوكي ركبولي (ضارت عطاتو ظهرها لي كان عاااااري او جذاب هاااححح تملكاتو نشوة بقا كيدوز يديه على رقبتها او كيتعطل فانه اركب العقد £ولكن فالاخير ركبو او دوز يديه بحنان على ظهرها اما) هي ضارت عندو بابتسامة ) احم كيف جاني
نياار: (كان مصغر عينيه او كيشوف فيها بنظرات مزمووولة او بدون مايشوف العقد نطق) ماشالله
سارة :)توترات او حمارو حنيكاتها دارت ديك الابتسامة الرائعة او حنات راسها او هضرات ببراءة بحال شي بنت صغيورة) كتكون زين فاش كتبقا مهدن ماتبقاش تعصب بحال قبيلة حيت كتخوفني
نيار:(مازال كيشوف فيها او كيوسع فديك الابتسامة ) نتي غير تبقاي تسمعي هضرتي او ماتكون بيناتنا حتى موشكيلة
سارة:(طلعات عينيها فيه او قربات ليه او هي كتميل راسها بشوية لجيهت وجهو ) انا كنسمع غير صوت انفاسك او دقات قلبك لي كيتزايدو (ابتاسمات بسخرية او بعدات عليه ) عنداك تموت ههه
نيار:(بلع ريقو او سمع النادل كيقرقب فالطباسل كان كيحط لعشاء بدون مايضور عندو هضر مع سارة بجدية) نمشيو نتعشاو
....سارة: اكيييد(كان نيار مد ليها يدو باش أزيد بيها لطبلة دلعشا اما هي زادت بلا ماتكثارت ليه كيصحابلكم ماشافتوووش لا هي قرات حركاتو قبل مايبدا فيهم دارت ابتسامة خبيثة او غادية بكل جبروت او ثقة للطبلة هازة راسها لفوق او كطقطق بالطالون ديالها حسات بالنصر اما نيار فحس بالقمعة كره رااسووو او مسح على وجهو بعصبية او زاد من موراها جلسو ابطالنا كيتعشاو او يستمتعو بالاطعمة اللذيذة لي كانت من اختيار نياار )
سارة: (كتشوف فاسطنبول) اممم اسطنبول زوينة بزااف
نيار: واش هادي اول مرة تجي ليها
سارة: وي اول مرة نخوي المغرب او نجي ليها
نيار: لعجب كنت كنظن اتكوني زرتي نص بلدان العالم
سارة: نوو عمرني خرجت من دار هادي 3 سنين
نيار: كيفاااش !؟؟ لا واش منيتك كدوي اش كنتي كديري فالدار
سارة:(توترات او ماعرفات ماتقول ) هههه ..اه اه.. غير كنضحك معاك تيقتيني
نيار: ههه كنت انتيق هه
سارة: اممم مازال ماضرت فاسطنبول مزيان حيت اخر مرة تلفت على طريق
نيار: غدا انشاء الله نخرجو انا وياك
سارة : اوووه بصح !؟ فرحتيني هه
نيار:(تحدث بصوت خافت) على قبل دوك العوينات ندير اي حاجا تفرحك
ساد الصمت بيناتهم من بعد ما سالاو لعشا ديالهم كانت سارة كتمسح بالميشوار فمها او نطق نيار
نيار: سهرتنا مازال طويلة يالاه نمشيو للبار لي هنا
سارة:(غمضات عينيها او دارت نفس طويل ماجاوباتوش او وقفات او حتى هو وقف كانت اتمشي قدامو ولكن شدلها من دراعها وقفها او هو كيشوف فعينيها )
نيار: شنو سمييتك
سارة:(قرباات ليه بزااف او بزااف طلعات واحد الشهييق كيتسمع او كيهيج النفس او كيثير الشهوة فبنادم او رغم انها كانت لابسة طالون الى أنها تعلااات على اطراف صباعهااا او دارت حركة غير متوقعة يا الهي باااااستوووو ففمو طبعاااات قبلة طوييييلة او قاسحة جرات الشنافة لتحتانية ديالو بكل تمرس او يديها مورا راسو او نطقات فالثغر ديالووو تيرييزااا هادا هو الاسم لي ختاراتو لراسها او قررات بيه تعيش حياة جدييدة او بعيدة على المغرب او لقصر او علي هاد الاسم لي كيحمل فطيااتوو بزااف دالمشاعر و الاحاسييس لي محرمة انها تخرج ولكن هي ختارقات جمييع القوانين أو تخطات الحواجز لقلب نياار فاكيد هاد الاخير لي بقا مصدووم من طرييقتهااا او بضبط فهاد الحركة لي متوقعهاااش حمقاااتو او حيجاااتووو خلاتو بحااال ضبع مافاااهم حتى قلوة غا متبعها بعينييه كتبعد شوية بشوية او كتلحس شنايفها بشهوة او مصغرة عينيهااا او نطقااات آآآآه صااافي هاد البنت اتجيبلو تماااام ماعمرو توقع راسو ايتحط فهاد الموقف رجع بحال شي حمق عمرو عرف لبنات ولا حواهم ولكن اكييد فبحالهااا عمروووو عرف قلبوووو كيضرب بالجهد ايموووت الى بقا هاكاا كان حاط يديه على الخصر ديالو او ميل راسو او كيشوفها كتمشا بخطوات ثقاال قداامووو مقابلة معاه او كترجع بلور خلات راجل مهزوم من وراهااا رااجل عمرو استسلم ولا عاش هاد الاحاسيس مع غييرهااا فاق من سهوتو لقاهااا مشاااات قداامووو او كتبعد اما هو حط صبعو على شنايفووو كيتحسسهم او نطق بصوت مزموووول
نيار: آآآآآه تيريزا