تيريزا🥀مكتملة🥀

🥀الجزء 121🥀

تيريزا 🌹 121
سارة:(مسحات دموعها كتشوف فيه او حطات يديها على وجهو او ضحكات )ههه ماكاتعياش من المشاكل نتا لي ضاربتي مع بدر
نيار:(عض شنايفو) باش اتعلم عمرو اقرب ليك
سارة: ههه اصلا انا ديالك حتى واحد ميقرب ليا
نيار: يالاه نوضي نمشيو بحالنا
سارة:(ناضت معنقاه ) يالاه نمشيو لداري نجمع حوايجي بعدا
نيار: غير خليهم اتلقاي لهيه كولشي
سارة:(كترغبو بعينيها )
نيار: اوكي على خاطرك يالاه نمشيو
بقاو كيتمشاو هزلها نيار الاغراض لي جابت او طول طريق كيعاود ليها قصتو ان فقدان الذاكرة داز عليه غير نهار منبعد رجعاتلو ذاكرتو او بقا كيقلب عليها حتى لقاها او هي عاوداتلو على الحومة او على بدر او اي حاجا وقعات معاها فهاد الفترة وصلو للحي دخلو او كان كولشي مزال تماك القهوة لي كيجلس فيها حسن محلولة او سي الحاج حتى هو شماكرية او دراري صغار كولشي مجموع حتى من العيالات كيطلو من السرجم
نيار: مال هادو كيحضيونا
سارة: دابا تولف ههه
نيار: مابغيتش نولف جمعي حوايجك هاني انتسناك هنا على ماتوصل الطوموبيل
سارة:(طلعات للدار جمعات لحوايج ديالها او كولشي او سدات الدار او جات هابطة لقات كولشي مجمع على نيار ) اش واقع هنا
فتيحة: شفتو أناس الحومة ها لي قلتلكم القحبة ديما كتجيب الجديد او تنشر وسخها هنا
حسن: لالة سارة ماعرفناش عليك هادشي قلنا بنت الناس او نحتارموهاااا
سارة: اش كتخربقو (شافت ف نيار معصب على شوية ايطرطق )
نيار:(نطق بصوت رجولي ) هادي لي كتهضرو عليها راها مراتي او جيت نديها
فتيحة:(بدأت كتبسم او شدات فراجلها حسن) اوا قول هاكاك من صباح (شافت ف سارة) هي نتي مزوجة
حسن:(نتر يد مرتو او كيشوف ف سارة بتأسي ) خسارة نويت نديرك مراتي الثانية
نيار: شنااااااهو
الحاج:(كيشوف من حانوتو او كيبرگم ) اييه لغزالة صدقات عندها سبع ديالها
سارة: خليت ليكم الراحة اسي حسن او شكرا على كلشي او تهلا فمرتك فتيحة راه كتبغيك او الله اخليكم لبعضياتكم (جرات نيار ) يالاه نمشيو (ركبو فالطوموبيل او غاديين لدار )
نيار: غدا نرجعو لروسيا
سارة: فين انمشيو دابا
نيار: الدار
سارة:(كتبلع ريقها او ضورات راسها للسرجم كطل )
نيار:(فهمها او شدلها فيدها ) الحاجا لي بديناها بالحرام بغيت نبداوها. بالحلال انا باغيك تكوني مراتي
سارة:(شافت فيه )
نيار: حيت كنبغيك بغيتك فالحلال
سارة:(ابتاسمات او جبدات تيليفون ديالها اتاصلات ببدر ) الو بدر عرض الزواج ديالك مرفوض انا منقدرش نتزوج بيك تستاهل ماحسن
بدر:هه كنتمنى ليك حياة سعيدة مع نيار تهلاو فبعضياتكم
سارة: لهلا اخطيك باي (قطعات او ضارت عند نيار لقاتو داير ملامح غضب ) مالك
نيار: كنتي اتزوجي بيه
سارة: لا مكنتش نقدر
نيار:(زير بيها على يديها او شاف فيها بغضب ) نتي ديالي ديال نيار
سارة: انا ديالك بوحدك
مشا نيار او سارة للدار كل واحد او بيتو رغم انهم مشتاقين لبعضياتهم الا انهم مابغاوش اوقعو فالغلط مرة أخرى كانو فرحانين برجوع بعضهم البعض بقاو ليل كاملو كيهضرو فالميساجات بيناتهم حيط فقط او فرحانين واخا هاكاك واخيرا شرقات الشمس فحياتهم و اخيرا حطو الكرامة فالجنب او تبعو قلبهم و اخيرا ايتجمعو ابطالنا او هاد المرة للابد او ماكاين لي يفرق بيناتهم
" كل ساق سيسقى بما سقى "...
..
فاقو ابطالنا صباح ودعو المغرب متاجهين للروسيا فالطائرة الخاصة طول هاد المدة كيهضرو او مرة مرة كيبوس ليها يديها او يتغزل بيها حتى داها نعاس فوق صدرو او غطاها حتى وصلو فالليل لروسيو ركبو فالطوموبيل متاجهين للقصر غير دخلو لقاو العائلة كتسناهم بفرح
شيماء: ساااارة (عنقاتها ) مرحبا بييك
سارة: كيبقيتي
شيماء انا بيخير او نتي
سارة حتى انا ههه
عبير: (عنقاتها ) مرحبا بيك معانا دابا كملات العائلة
قصي: دابا نرتاحو ههه
سارة:(هزات جسور من يد قصي ) وينووو على لفنيكيش ههه
نيار:(همسلها فوذنها ) بغيت ثلاث دراري او ستة د البنات
سارة: نتا باغي فرقة د الكورة لا هههه
نيار: هههه بحال داكشي
دخلو للداخل كيهضرو او يتجمعوو او السعادة باينة على وجهم سولات سارة شيماء على زمرد قالت ليها رجعات لباريس هي او علي او كملو هضرتهم او كل واحد مشا لبيتو ينعس حتى سمعات سارة دقان او مشات حلات الباب
نيار:(بابتسامة عريضة) هاي
سارة: هاي
نيار: جيت نقوليك غدا وجدي راسك حيت ايكون حفل الترقية ديالي او خصك تكوني حاضرة
سارة: واخا بكل سرور
نيار:(قرب منها طبع قبلة فحنكها او هي رجفات) تصبحي على خير
سارة: و انت من اهلو (سدات الباب او بدأت كتنقز بوحدها فالبيت فرحانة حتى طاحت فالنموسية او وصلها ميساج فتحاتو لقات نيار كاتب ليها باراكا من التنقاز راه اطيحي الدار هههه عضات شنايفها او غطات وجهها او هي كضحك او فالاخير نعسات نعاس الخير و الهناء )
اصبحنا و اصبح الملك لله
كانو كيفطرو كلهم لابسين مقادين شيماء لبسات كسوة كحلة طويلة او هازة ولدها فلابوسيت او عبير صاية او فيست او دايرة شعرها مشيطة جات سيدة أنيقة اما نيار او قصي لابسين بذلة فيها مجموعة من الشارات و الاوسمة لي حصلو عليها اما عيسى كان لابس طقم اسود و محبوبتنا سارة لبسات كسوة حمرة موبرا لاصقة على الجسم او من فوقها مونطو باش ميتقلقش نيار او خرجو من الدار متاجهين لبلاصة د الحفل كان كقاعة ذو طابع ملكي الحراس فكل بلاصة و الناس فكامل اناقتهم لقاو كولشي مجموع كولشي حاضر ناظر جلسو المقاعد ديالهم شوية او هو يتعلن ان الملكة اليزابيث الثانيه غادي دخل هي و الامير ويليام كولشي وقف حتى جلسو هوما او بداو كيعيطو على الرقاب و الضباط باش اكافئهم على المجهودات ديالهم خصوصا نيار او قصي لي عطاوهم قيمة كبيرة نيار توجوه جنرال او قصي رقيب او هنئهم على مجهوداتهم في ايجاد مجموعة من الخلايا الإرهابية و العصابات الإجرامية من بينهم عصابة الاسمر و سيزار او طلبو من نيار اقدم ليهم شي كلمة
نيار:(من بعد ما قدم البروتوكول الملكي تقدم للمنصة او المكروفون باش احضر كان طول هاد المدة كيشوف ف سارة او فعينيها لي عامرين بدموع الفرحة او هضر بالانجليزية باش افهم عليه كولشي ) انا سعيد جدا هاد النهار بكل هاد النجاحات لي وصلنا ليها او هادا فخر ليا انني نكون فالمرتبة العليا ..كولشي شافني انا فالواجهة ولكن حتى واحد ماشاف الالام و المآسي لي عشنا كنا عائلة وحدة او حتى حاجا مافرقاتنا كنا يد واحدة فكل خطواتنا حنا كاملين شاركنا فهاد النجاح تعرضنا للموت و الخوف و الحزن واخا هاكاك ماتخليناش علا بعضياتنا و تجاوزنا كلشي فكاع هاد المشاكل كانت كمية حب كبيرة داك الحب لي عمرني كنت متوقع نصادفو كنت كنقول غير تبرهيش او انا قوي ماخاصش نبكي (شاف ف سارة) ولكن اتيريزا خليتيني نبغيك او نحماق عليك علمتيني درس عمرني نساه كنشكر الله لي لقاك فطريقي حيت نتي نعمة حقااا او قدام هاد الناس كاملين كنطلبها منك ..واش تزوجي بيا ؟؟؟
(كلشي بقا كيصفق كولشي فرح او اثرات فيه هضرت نيار خصوصا سارة لي بقات كتبكي )
نيار: ممكن تقدمي لهنا
ناضت سارة او كولشي كيبارك ليها طلعات للمنصة او تقابلات مع نيار هاد الاخير لي هبط على ركابيه او جبد الخاتم من الجيب ديالو او هضر بصوت كتسمعو غير هي او شافلها فعينيها
نيار: تقبلي تكوني معايا فالسراء قبل الضراء او فالحزن قبل الفرح تكوني مراتي كنواعدك انخليك اسعد وحدة فالعالم كنواعدك
سارة:(بقات كتحركلو راسها ب اه بالكاد قادرة تهضر ) اه انيااار موااافقة
نيار:(ركب ليها لخاتم او هو فرحان او ناض عنقها بالجهد كيضور بيها حطها او كيمسحلها دموعها) صافي ماغاديش ابقاو الدموع منهنا للقدام انعيشو في سعادة
سارة: كنبغيييك
نيار:(حط جبهتو فجبهتها ) او انا كنحمااق عليك او غدا انتزوجو مابقيتش قادر نصبرهههه
سارة:هههه