تيريزا🥀مكتملة🥀

🥀الجزء 41🥀

تيريزا 🌹
الكاتبة سكينة سليماني
البارت 41
سارة: شكرا (خرجات سارة او ركبات فالطوموبيل عطاتو العنوان او تاصلات بزمرد لقاتها كتسناها خرجات من طوموبيل او دخلات لمطعم فاخر كيجلسو فيه غير ليبورجوا لمحاتها او جلسات حداها )
زمرد: (شوفات هادئة) مرحبا بيك
سارة: (كانت دايرة نظاظر او مابغاتش تحيدهم) ترحب بيك الجنة
زمرد: نبداو بالماكلة ولا لهضرة
سارة: بغيت نعرف شكون نتي
زمرد : انا لي غادي نضمر حياتكم او نقلبها سفاها على علاها
سارة: علاش
زمرد: انا لي هاكيت لعلي البيانات ديالو او خليتو فوجه الإفلاس
سارة: مزيان زيديليه كثر يستاهل
زمرد: ولكن حتى نتي نوبتك جاية
سارة: انا ماعندي حتى علاقة بعلي او ماعندك ماتصوري مني
زمرد: بسبابكم ختي ماتت يوم عرسكم كاااان من المفروض تزوج هي او علي ولكن نتي دخلتي بيناتهم او نتاحرات ختي او دابا راكم عايشين السعادة ولكن عمركم تهناو حيت انعذبكم مزياااان او نكرهكم فعيشتكم
سارة:(مادارت حتى ردة فعل حيدات النظاظر قدام زمرد او خلاتها تشوف الوحشية دعلي لي ظهرات على شكل زروقية) علاش اتعذبيني او انا كل يوم كنتعذب الف مرة اشمن سعادة علاش كدوي 3 سنيين او انا فلعذاب معاه كل مرة كيضربني او كيوصلني للموت ختك ماتت الله ارحمها ولكن انا ماعندي حتى ذنب عائلة علي زوجوني ليه او حتى هو ماكانش باغي هاد الزواج تيقي بيا راه كان كيبغي ختك كثر من اي شخص اخر او مازال كيبغيها
زمرد:(كتشوف فيها مصدومة او متاسفة على حالتها حيت واخا زمرد باغا تنتاقم لموت ختها ولكن ماكانتش عارفة الحقيقة الكاملة لهادشي) علاش ماحاولتيش طلقي مادام مكتبغيهش او بغيتي تفكي منو
سارة: طلبت طلاقي شحال من مرة أو كان كيضربني او يحبسني فالدار او هاد المرة فاش ضربني كان ايقتلني او طلب مني سماحة او طلبت منو طلاقي ولكن كان عندو شرط
زمرد: شنو هو
سارة: بغاني نعس معاه حيت منهار تزوجنا عمرو قاسني او انا مابغيتوش اقيسني
زمرد: اذن علي بغا ابدا صفحة جديدة معاك
سارة: ولكن انا مكنحملووش بغيت نتفك منو
زمرد: كنت ناوية نعذبك حتى نتي ولكن ماكنتش عارفة هادشي كاملوو انا مشكلتي مع علي او اندمو على كولشي
سارة:(وقفات او قادات النظاظر) لبارح صونيت عليك فحالة يأس معرفتش علاش حسيت بيك نتي لي اتعتقيني
زمرد: (وقفات ) حتى واحد ماغادي اعتقك من غير راسك اسارة
سارة: خاصني نمشي دابا تعطلت
زمرد: بيناتنا تيليفون او كنتمنى هاد الهضرة تبقا هنا
سارة: ماتهزيش الهم

م (ابتاسمات ليها او مشات ركبات فالطوموبيل رجعات للقصر )
زمرد:(بقات بوحدها كتفكر او تبلاني ) ياك اسي علي القوة ديالك كديرها على امرأة غادي ندمك على هادشي كاملو كنواعدك (بقات زمرد كتحلف عليه او كتفكر فشي خطة باش طيح علي فالفخ او هادشي طبعا بمساعدة سارة بقات كتفكر او تحلل بوحدها حتى صونات على سارة فنصاصات الليل )
سارة: الو
زمرد: سارة سمعيني نتي خصك تستلطفيه لعلي او تقنعيه بلي وليتي باغياه
سارة: لا هادشي ميمكنش ازمرد ماحاملاهش
زمرد: سمعيني خاصك ديري هادشي باش اتيق فيك او انا انبقا نهاكي ليه البيانات ديالو حتى مايبقا عندو حتى حل اخر من غير اكتبليك جميع الاملاك ديالو او نتي خصك تقنعيه بهادشي منبعد اتقوليليه الى بغيتي املاكك خاصو يطلقك
سارة:(ابتاسمات) ذكية مع راسك ههه انا موافقة ولكن حتى علي ذكي اياخد منا هادشي وقت
زمرد: ولكن فالاخير حنا لي انربحو اذن انبداو من دابا
سارة: واخا بغيت نسولك علاش مابنتيش ل علي حتى لدابا
زمرد: حيت انا التوأم ديال حياة نسخة طبق الأصل الى شافني دابا اتجيه جلطة اكييد ولكن ماشي دابا انخليه اشوفني فوقت المناسب
سارة: اوكي
زمرد: باي (قطعات)
سارة:(بقات كتفكر فخطة زمرد لي لقاتها جد مناسبة او عطاتها القوة باش تندم علي مزيااااااااان او ترد حقها من السنين لي ضاعو فعمرها او تاخد طلاقها او ترجع عند نيار نفضات سارة افكارها او دقات فالبيت دعلي او حل ليها كان عاد خرج من الدوش او ملوي عليه فوطة على نصو بلعات ريقها او دخلات)
علي: شنو كاين
سارة: (قربات ليه ) علي انا فكرت مزيان فداكشي لي قلتيلي او مابقيتش بغيت طلاق خاصنا نعطيو فرصة جديدة لعلاقتنا او نردوها احسن
علي:(ابتاسم ليها او حط يديه على حناكها) مزيان منين درتي عقلك (قرب شفايفو من شفايفها او باسها بحنان و زاد كيبوس فيها او وقفاتو بيديها)
سارة:(كتهضر بدلع) علي انا كلي ليك ولكن كنخاف منك
علي:(كيهضر او هو مبنج فيها) كلشي ايتقاد
سارة: اه ولكن بغيتك تعطيني شوية دالوقت بغيت نفهمو بعضياتنا مزيان او نولفو على وجود بعضنا منبعد نعطيك حقك فالفراش
علي:(باس راسها) على خاطرك او انا فرحان الى درت هاكا
سارة: اه او منبعد كولشي اكون مزيان هههه
علي: عرفتي اول مرة نلاحظ عينيك زورق ههه زوينين
سارة: اه او زدتي زرقتيهم ليا
علي: واصافي اسارة طلبت منك سماحة
سارة: اوكي صافي يالاه تصبح على خير
علي: تصبحي على خير
سارة:(خرجات سارة من بيتو او هي مشمئزة من راسها دخلات لبيتها كتسوط) تفو تفو باسني حمار لاخر اندمك على هادشي كااااملووو انخليك تركع تحت رجلي اوووف
نمشي ننعس حسن ليا
...يتبع