Contract with the Young Master ( CVS #1 ) Completed ✓

CHAPTER 50

CHAPTER 50

PAGLABAS ko pa lang ng kwarto ay naririnig ko na ang mga ingay na nagmumula sa ibaba. Tila may kaguluhang nangyayari roon.

Napatingin ako sa orasan ng aking cellphone at madaling araw pa lang. Hindi pa nga tumutunog ang sinet kong alarm na naunahan ko pa ng pag-gising.

Pagbaba ko'y nagtanong agad ako kung anong nangyayari kay Kuya Migs nang makita ko ito.

"Kuya Migs, anong nangyayari? Bakit kayo nagkakagulo?"

"Oh, Arissa. Ang aga mong magising ah."

"Naalimpungatan kasi ako at hindi na ako dinalaw ulit ng antok kaya napagpasyahan ko na lang na lumabas ng kwarto. Anong nangyayari? Bakit maingay?"

"Nagkaroon kasi ng MALIIT na kaguluhan sa gubat."

Kuya Migs emphasize the word 'maliit'. Kapag ganoon ibig niyon sabihin hindi lang basta maliit na kaguluhan ang nangyari sa gubat.

"Kaguluhan? Sa gubat? Anong nangyari?"

"Nakarinig ng malalakas na alulong ng mga lobo sina Mang Karding nang papaalis na sila sa hacienda kaninang alas-onse ng gabi. Akala nila naglalaro lang ang mga batang lobo, pero nang nasa kalagitnaan na sila ng gubat palabas ng hacienda, nakarinig na rin sila ng mga sigawan at iyakan mula sa mga kabataan. Alam ng lahat ng tao sa Central na bawal mamasyal tuwing gabi sa gubat ng hacienda kaya sigurado silang taga-labas ang mga narinig nila."

Hindi ako nagsalita, nakinig lang ako sa mga sasabihin pa ni Kuya Migs.

"Nalaman nila na may forest camping ang mga kabataang nakita nila. Wala silang alam na gubat na maaaring pagcamping-an, maliban sa gubat ng hacienda na akala nila isang simpleng maliit na gubat lang. At dahil hindi exclusive sa mga taga-labas ng Central at Cordova Properties ang tungkol sa gubat na naririto, walang nakakaalam sa kanila na ipinagbabawal ang pagpunta sa lugar na iyon. Huli na ang lahat bago pa nila maisipang huwag nang ituloy ang camping. Nagulat na lang sila nang makitang napapalibutan na ang grupo nila ng mga naglalakihang lobo."

Nangilabot ako sa narinig.

Alam ko ang pakiramdam nang mapalibutan ng mga lobong iyon, dahil minsan ko na rin iyong naranasan. Ang kaibahan lang, nag-iisa ako that time, pero ang mga kabataang iyon, magkakasama sila.

Pero kahit na ganoon, masasabi kong hindi mo pa rin magugustuhang makita ng ganoong klaseng nilalang sa kalagitnaan ng gabi.

"Mabuti na lang at natawagan agad nina Mang Karding sina Sir at mabilis na napigilan ang mapanganib na pag-atake ng mga lobo sa mga kabataan. Kaso nga lang..."

Natigilan ako.

Mabilis na pinalo ko si Kuya Migs sa braso ng natagalan ito sa pagtutuloy ng kwento.

"Kuya Migs ituloy mo na. Anong nangyari? Kaso ano?"

"Kaso... isa sa kasamahan ng mga kabataang natagpuan doon ay napahiwalay sa grupo nang magkagulo ang lahat at magsitakbuhan papalayo. Namalayan na lang nila na nawawala ang isa sa kanila ng ipabilang ni Sir Travis kung kompleto ba ang lahat. And then boom! Isa na sa kanila ang nawawala."

"Tapos ano pang nangyari? Nasaan na 'yong isa? Nakita na ba nila? Hah?"

"Chill ka lang, Arissa."

"How can you say that? Nawawala iyong isang bata. Paano kung may nangyari sa sa kanyang masama? Paano kung nakuha na s'ya ng mga lobo? Paano kung hindi na s'ya makabalik pa?"

"Easy ka lang, Arissa, easy lang. Hinahanap na s'ya nina Sir Tyron kaya huwag ka na mag-alala. Alam kong mahahanap s'ya nina Sir. Kung mayroon man sa atin ang nakakakabisado sa buong lugar na ito, walang iba kundi ang may-ari lang rin ng lugar na ito."