Contract with the Young Master ( CVS #1 ) Completed ✓

SPECIAL CHAPTER

May Special Chapter, kasi special ka! ^^

SPECIAL CHAPTER

"MOMMY!!!!"

Muntik ko nang mabitiwan ang hawak kong sandok nang marinig ang malakas na sigaw ni Zion mula sa salas. Dali-dali kong pinatay ang stove saka ako tumakbo palabas ng kusina.

Naabutan kong nakaupo ang anak ko sa carpeted floor habang nasa harapan naman nito nakaupo ang pusang si Vivi.

"What happened baby? Bakit ka sumigaw?"

"Mommy, inaaway po kasi ako ni Vivi," sumbong ni Zion sa akin.

Napatingin ako kay Vivi na matamang naglilinis ng katawan.

"Anong ginawa ni Vivi?"

"Kinasmot po kasi n'ya ako, Mommy! Look n'yo po oh!" Saka nito pinakita sa akin ang kamay na may bahid ng dugo pero naghilom na ang sugat. "Hala, Mommy! Bakit po wala na 'yong sugat? Pero may dugo naman po oh!"

"Baby, sa tamang panahon ipapaliwanag din namin sa'yo ng Daddy mo kung bakit mabilis na gumagaling ang mga sugat mo, okay po ba?"

"Sa tamang panahon po? Kailan po iyon, Mommy?"

"Malapit na baby. Sa ngayon enjoy ka muna habang hindi mo pa nalalaman ang tunay mong katauhan."

"Hmm.. okay po, Mommy!"

"Iiwan ko muna kayo ni Vivi dito. Magluluto pa si Mommy ng lunch natin dahil malapit nang dumating si Daddy mo. Huwag kayong mag-aaway na dalawa."

"Mabait po ako, Mommy! Si Vivi lang po ang hindi."

"Meow~"

Natawa naman ako ng biglang nag meow si Vivi habang nakatingin sa anak ko. Napailing ako ng makitang naglalabanan na silang dalawa ng titig.

Minsan ay nahihiwagaan ako sa pusang ito. Para kasing taong na naging pusa dahil sa kakaiba nitong kilos. Para bagang kaya n'yang intindihin ang pinag-uusapan ng taong nasa paligid n'ya. Tapos sasagot din ito kapag tinatanong na akala mo'y kaya naming maintindihan ang nais n'yang sabihin.

Hanggang ngayon ay hindi ko pa alam kung saan nakuha ni Travis ang pusang ito.

Matanong ko nga mamaya.

Iniwan ko na silang dalawa sa sala saka ako bumalik sa kusina para tapusin ang niluluto ko.

Nasa kalagitnaan ako ng pagsasandok nang maramdaman kong may mga brasong pumaikot sa bewang ko. Napangiti ako ng maamoy ang mabangong amoy ni Travis.

"How's work?"

Ipinatong n'ya ang baba sa balikat ko pagkatapos ay isiniksik sa leeg ko ang kanyang mukha.

"Gutom ka na ba? Maupo ka na, tatapusin ko lang—AAYYY! TRAVIS ANO BA!"

Sa isang iglap ay nakaupo na ako sa kitchen counter habang si Travis ay nasa pagitan ng dalawa kong hita. He hold my waist tighly.

"Ibaba mo nga ako. May ginagawa kaya ako, kaya ibaba mo na ako."

"I miss you!"

Napangiti ako nang sabihin n'ya iyon out of the blue.

Ginulo ko pa ang dating magulo n'yang buhok bago ko s'ya binigyan ng halik sa labi.

"Miss mo agad ako? Eh samantalang isang oras pa lang nang umalis ka dito."

"Miss kita bawat minuto."

"Sus! Ganyan ba maglambing ang isang Travis Zaden Cordova? Napakatamis naman!"