Hiding The Luxerouz Heir (𝙃𝙀𝙄𝙍 𝙎𝙀𝙍𝙄𝙀𝙎 #1)

Chapter 16 - (Jealousy 2.0)

"Bakit bigla kayong natahimik" taas kilay kong tanong sa kanila. Nung dumating kase ako ay bigla silang nanahimik eh. Ano kayang pinag uusapan nila?

"W-wala noh, diba Kevin?" pagpapalusot nito. Agad namang tumango tango si Kevin kaya hindi na ako nagtanong pa. Pinapasabi kase ni Tita na isama na daw namin si Kevin sa mansion nila.

"Lancer, sabi ni Tita Emily isama na daw natin si Kevin." aniya ko kaya napatingin naman sa akin si Kevin.

"Isasama niyo ako? Saan naman?" nagtatakang tanong niya. Hindi ko pa nga pala nasasabi sa kaniya na anak si Lancer at Ma'am Leanna ng Presidente.

"Sa mansion nila Mom. Christmas na mamaya at doon tayo mag ce-celebrate." ani ni Lancer. Napansin kong magkaka sundo silang dalawa. Agad naman pumayag si Kevin dahil wala naman siyang makakasama dito.

"Let's go na baby." pag tawag ni Lancer sa akin kaya napatingin sa amin si Kevin. Ngumisi ito bago pumasok sa likuran at doon naupo. Sinamaan ko naman ng tingin si Lancer, nandito pa yung kapatid ko tapos baby yung tawag niya sa akin?

Pinagbuksan niya ako ng pinto at sinuotan ng seatbelt. He kissed me on the lips before closing the door. Talaga tong lalaking to! Maya't maya niya ako ninanakawan ng halik. Porket hindi siya kita ni Kevin?

Tahimik lang ako sa biyahe at si Kevin naman ay nakatulog. Pagod siguro siya. Wala kase siyang ibang ginagawa kundi mag aral. Desidido talaga siyang makapag tapos ng pag aaral para sa kinabukasan namin. Ilang oras na din kami sa biyahe pero hindi pa rin kami nakakarating sa pupuntahan namin. Ganon ba kalayo ang mansion nila Tita Emily? Ipipikit ko na sana ang mata ko nang maramdaman kong may mainit na palad ang humaplos sa aking hita. Pagmulat ko ng aking mata at nakita kong hawak hawak na ni Lancer yung hita ko. Hinihimas himas niya ito habang pinipisil. Hindi ako makatulog dahil sa giangawa niya kaya inilayo ko yung hita ko sa kaniya.

Nagulat ako ng higitin niya ito muli at mahigpit na ngayon ang pagkakahawak niya. Hindi ko na lang siya sinaway muli. Maya maya lang ay tumigil na kami sa harapan ng napakalaking gate. Binuksan nung mga gwardiya yung gate at pumasok na yung kotse sa loob. Naunang bumaba si Lancer at pinagbuksan niya ako ng pinto. Ginising ko na si Kevin at bumaba na din siya kaagad.

"Finally, nakarating na din kayo sa wakas." masayang wika ni Tita Emily bago yakapin si Lancer. Bumitaw na din kaagad si Tita Emily sa yakapan nila at lumapit sa akin.

"Namiss kita Kathlea. Naging pasaway ba si Lancer nung wala kami ni Lewis?"tanong ni Tita Emily na nagpatawa sa aming lahat.

"Hindi naman po, ang bait niya nga po diba Lancer?" tanong ko kay Lancer. Agad itong lumapit sa akin at niyakap ako mula sa likuran. Talaga naman tong lalaking toh! Nasa harapan kami ng magulang niya puro kalandian pa rin siya!

"Ang sweet niyo talagang dalawa. Siya ba ang kapatid mo?" tanong ni Tita Emily kaya naman ipinakilala ko si Kevin sa kanila.

"Inaantok ka pa ba iho? Kung gusto mo matulog ka muna sa guest room. Mamayang 11 pa naman ang simula ng ating kasiyahan. Pahinga na muna kayo." Napaka bait talaga ni Tita Emily. Hindi siya katulad nung ibang asawa ng mga politician na maarte.

"Nica pakidala yung gamit ni Kevin sa may guest room. Kayong dalawa saan kayo matutulog?" tanong ni Tita Emily. Siguro sa kwarto na lang ako ni Kevin matutulog. Nakakahiya naman kung lalapit ako kay Lancer sa bahay ng mga magulang niya. Akmang magsasalita na ako ng unahan niya ako.

"Me and Kathlea will sleep in my room." nakangising aniya ni Lancer. Seryoso ba siya? Nasa bahay kami ng magulang niya tapos gusto niya magkalapit kami? Siguraduhin niya lang na wala siyang binabalak na kalokohan kundi masasapak ko talaga siya.

"Sige magpahinga na kayo. Maaga pa naman at mamimili pa ako ng regalong ibibigay ko sa inyo. Pero yung regalo ko para kay Kathlea nabili ko na. Sigurado akong magugustuhan mo yun." masayang saad ni Tita Emily. Nakakatuwa dahil parang pamilya na din ang turing nila sa akin.