Hiding The Luxerouz Heir (𝙃𝙀𝙄𝙍 𝙎𝙀𝙍𝙄𝙀𝙎 #1)

Chapter 18 - (Break Up?)

Kasalukuyan akong naka upo dito sa sofa ngayon habang nilalaro ko si Lavery. Mas lalo nang lumalaki ang tiyan niya at halatang ilang araw na lang ay manganganak na ito. Nakakatuwa dahil habang tumatagal ay palagi na siyang lumalapit sa akin.

Kanina pang madaling araw umalis si Lancer dahil sa mga sunod sunod na business meeting niya. Tatlo ata ang business meeting niya ngayon bukod pa ang meeting niya kila Sir Navier at Sir Xzavian. Nalulungkot ako ngayon dahil hindi niya man lang ako hinintay magising bago siya umalis. Saka ngayon din ang birthday ko at gusto ko itong i-celebrate nang kasama siya.

Hindi naman siguro nakalimutan ni Lancer ang tungkol dito diba? Baka naman busy lang siya at mamayang gabi namin ice-celebrate ang birthday ko. Kelan ko lang naalala na dalawang araw lang pala ang pagitan ng birthday naming dalawa.

Habang nilalaro ko si Lavery ay biglang tumunog ang cellphone ko, may nag message ata. Excited ako ng kinuha ko ito dahil baka si Lancer yung nag text pero nabigla ako nang makita kong si Ate Leanna lang pala ito. Binati niya ako ng happy birthday at tinatanong niya rin kung kasama ko si Lancer. Agad ko naman itong nireplayan at sinabing ako lang mag isa ang nasa bahay at nasa meeting si Lancer. Akmang ibabalik ko na ang cellphone ko sa lamesa ng biglang bumukas ang pinto at iniluwa non sila Czarina at Hailey.

“Happy Birthday.” pag bati nila sa akin nang makapasok sila. Agad naman akong napangiti dahil naalala nila ang birthday ko? Hindi pa nag iisang taon simula nung naging kaibigan ko sila.

May hawak na cake si Hailey habang si Czarina naman ay may hawak na lobo. Agad silang lumapit sa akin at hinipan ko yung kandila.

“Beh 21 years old ka na. Pwede na kayong mag anak ni Lancer.” masayang saad ni Czarina dahilan para matawa ako. Grabe naman yung mag anak eh. 25 years old ko pa balak mag asawa noh. Magiging magkasintahan na lang muna kami ni Lancer dahil parehas kaming hindi pa handa.

May pinaghahandaan si Lancer na election dahil balak niyang tumakbo bilang presidente ng bansa. Handa akong suportahan siya sa gusto niyang gawin kaya sa ngayon hindi muna kami mag aanak. Saka hindi pa nga kami nag iisang taon na magka relasyon kaya hinay hinay muna.

“Wala pa eh, maybe soon. May mga gusto muna kaming gawin ni Lancer as a couple bago kami mag anak. Saka parang ang bilis naman kung mag aanak kami agad diba?” tanong ko at agad naman silang sumang ayon.

“Sabagay, three years din ang naging relasyon namin ni Navier bago dumating yung ex niya at nagkahiwalay kami.” aniya ni Czarina dahilan para mapatingin ako sa kaniya. Nagkahiwalay pala sila ni Sir Navier?

“Nagka hiwalay pala kayo ng asawa mo?” tanong ko kay Czarina.

“Oo, bumalik kase siya noon sa ex niya kaya nag break kami. Buntis ako that time kaya tinaguan ko siya ng anak.” pag mamalaki niya. Ah.. yan pala yung tinutukoy ni Sir Navier nung nakaraan na baka taguan ulit siya ng anak ni Czarina.

“Grabe naman yung tinaguan eh. Ikaw Hailey ilang taon kayo naging mag kasintahan ni Sir Xzavian?” tanong ko rito.

“Mag a-apat na taon na din kami non kaso nagkaroon kami ng problema kaya nag hiwalay kami. At dahil magkaibigan kami ni Czarina, itinago ko din yung anak ni Xzavian.” aniya niya dahilan para matawa ako.

“Maayos na sana yung pag tatago ko kaso, ang hirap nilang kalabanin. Hindi pa nag iisang taon si Navien nahanap na agad ako ni Navier. Si Hailey naman ay tumakas pa nung nalaman ni Xzavian ang tungkol kay Xzavier.” natatawang ani niya bago naupo sa may tabi ko.

“Ang ganda naman ng love story niyo dun sa dalawa. Sana maging maayos din yung sa amin ni Lancer” wika ko bago ibinaba si Lavery sa sofa.

“Wait, speaking of Lancer. Nasaan nga pala siya? Birthday mo ngayon diba? Bakit wala siya dito?” sunod sunod na tanong ni Czarina.