Hiding The Luxerouz Heir (𝙃𝙀𝙄𝙍 𝙎𝙀𝙍𝙄𝙀𝙎 #1)

Chapter 17 - (His Brother)

"Lancer." pag tawag ko sa pangalan niya. Kanina pa kase nangangalay yung hita ko. Mag dadalawang oras na siya nakahiga sa hita ko at mukang wala pa rin siyang balak umalis doon.

"No." maikling saad niya habang pinipisil pisil yung hita ko. Kanina ko pa siya pinapaalis pero nag mamatigas itong lalaking toh. Ayaw niya ako bitawan.

"Bitawan mo na ako, hindi ka ba nangangalay?" inis na tanong ko sa kaniya. Umiling lang siya bago niya ako niyakap muli. Hanggang anong oras tayong naka ganitong pwesto Lancer? Sinabi ko na naman sa kaniya na hindi ako galit pero parang ayaw niya maniwala. Well, medyo galit pa rin ako sa kaniya dahil sa ginawa niya.

"Tumayo kana jan, mamaya lang ay dadating na si Tita at Tito." aniya ko at akmang tatayo na ako ng pigilan niya ako.

"Ayoko, galit ka pa rin Kathlea. I can feel it." aniya niya dahilan para mas lalo akong mainis.

"Hindi ba't sinabi ko na hindi na ako galit? Hindi ka ba makaintindi?" inis na saad ko. Kita ko ang pagkagulat sa muka niya nang sigawan ko siya. Hindi ako galit pero pinipilit niyang galit ako kahit hindi naman. Akmang mag sasalita na sana siya nang may kumatok sa pintuan ng kwarto niya.

"Kathlea, Lancer nandito na kami. Lumabas na kayo at naka handa na ang dinner." aniya ni Tita Emily kaya agad akong tumayo at iniwan ko siya doon.

"Nasaan si Lancer ija?" tanong ni Tita Emily nang makarating ako sa dining room.

"Nasa kwarto pa po Tita. Baka sumunod na lang po siya mamaya." aniya ko bago naupo sa upuan. Kaharap ko si Ma'am Leanna at magka tapat si Tita at Tito. Habang isa isa nang inilalapag nung mga maid yung pagkain ay biglang bumukas ang pinto at iniluwa noon ang isang lalaki at may mga dala itong bagahe. Sino siya?

Gwapo din siya, matangos ang ilong, mapulang labi at nakakapag taka ay magka parehas sila ng kulay ng mata ni Lancer. Ang lakas ng dating niya dahil bumagay sa kaniya yung mullet haircut at may tatto siya sa leeg. Gwapo siya pero mas gwapo si Lancer.

"Leon." masayang sigaw ni Tita Emily bago siya tumayo at niyakap yung lalaki.

"It's been 2 years Mom, kamusta kayo dito?" tanong niya kay Tita Emily habang pino-proseso ko sa utak ko kung sino ba siya. Mom? May isa pang kapatid si Lancer?

"Okay naman kami anak, how's the business in Thailand?" tanong ni Tita sa anak bago lumapit ang mga maid sa kaniya at binati siya.

"Welcome home Master Leon." pag bati nila bago kinuha yung mga gamit nito. Agad niya naman itong binati pabalik bago nginitian.

"Oh i didn't see Lancer here, where is he? Is he still inlove with her ex girlfriend?" tanong niya.

"Nasa kwarto pa siya ngayon. Saka may bago na siyang girlfriend. Meet Kathlea, Lancer's girlfriend." pag papakilala ni Tita sa akin kay Leon.

"Nice to meet you Kathlea." nakangiting aniya niya bago ako nakipag shake hands sa kaniya.

"Tita pupuntahan ko na po si Lancer sa kwarto." pag papaalam ko bago tumayo at nag tungo sa kwarto niya. Kanina pa kase siya dapat lumabas, ano naman kayang ginagawa nung lalaking iyon?

Naabutan ko siyang naka higa sa kama.

"Lancer pinapalabas ka na nila Tita at najan na yung Kuya mo." aniya ko dahilan para mapatingin siya sa akin.

"Kuya? You mean si Kuya Leon?" tanong niya at agad naman akong tumango. His expression suddenly change. Kanina naman ay medyo maamo pa ang ekspresyon ng muka niya pero bigla itong napalitan ng galit.

"Why is he here?" tanong niya bago nag mamadaling tumayo mula sa hinihigaan niya at nag lakad papalabas ng kwarto niya. Base sa tono ng boses niya ay galit siya kaya agad ko siyang sinundan papalabas ng kwarto niya. Hindi ko na siya naabutan dahil sa bilis ng paglalakad niya. Nang makarating ako sa dining are ay naabutan kong pinipigilan ni Tito Lewis si Lancer at mukang galit na galit ito.