الإسِوداد

السواد الرابع

اللهم صل على محمد وعلى آل محمد.

الكاتبه نــون حيدر 🦅.

لتنسون التصويت و متابعه الحساب قراءه ممتعه .

من شفتك تغيَر موعد النومِ
بديت اسهر واحِن وشتاك
وابرد ؟
واغار وترجف ايدي وابچي
وانهار!
واشوفك وارتبك وابنيك وانهد
مُجرد حُب كسر كُل لقوانين
وخرج عن سيطرة كلبي
وتمرد !
وعَلئ حُكم المذاهب والتقاليد
احبك يالـ عيونك مالهن حد
أحبك أكثر من العني يحجون
واكثر من صراع الروچ ولسد
واكثر من حجم تقصيري
وياك
من تشتاقلي ويتأخر الرد
احبگ لكن شكد؟ ماادري
بس ها! مو حلوة من احبك
واعرف شكد
____________________
ميّان ..

صار جسمي يختض بطريقه عجيبه..

لزم ايدي عصرها وهمس بضعف ..

_ ابويه انتِ اش استرخي استرخي ميّان ..

صارت الدنيا تفتر بيه والسواد احتل عيوني

لزمته من جتفه اريد اسيطر ؏ حركتي ماكدرت ..

وكعت بالكاع جسمي كله تشنج والوجع اريد بس اسيطر وافك أصابع رجلي ..

مسح ؏ شعري بخفه كام ركض جاب مي وغسل وجهي باسني بخدي..

لزمت أصابع ايده الخوف تارسني..

_ مُفدى ؟

_ تفاحة كلبي.

_ اريد اريد ..

صوتي مكاعد يطلع هلكد ماخفت رجعت لحالتي القديمه ..

شال ايدي وباسهن اصبع اصبع يهمس بصوته الحنين ..

_ شتردين تفاحتي ؟

حضنته بقوه ضل يفرك برجليه إلى أن رخن شالني للمغسله..

غسل وجهي وايدي يعاملني مثل الطفله ..

اخذني للغرفه وفتح تدفئه ..

_ اقرالج قصه مثل قبل وتصيرين احسن ؟

_ تعبانه ..

_ ريت التعب بيه ولا بيج .

كعد بصفي وبلش يقرأ بالقصه مالته ..

_ كان يامكان في قديم الزمان ..

جان اكو ولد اسمه مُفدى قوي وسبع فد يوم شاف بنيه وحبها شلعت كلبه عناد وتعب ..

ضل يمسح ؏ اصابعي بخفه إلى أن غفيت وماحسيت بشي بعد ..

فزيت ظلمه وصوت صياح مُفدى بالبيت نهضت من السرير ؏ سريع .

شعري مفتوح وملابسي مال بيت طلعت للصاله اركض

صار بوجهي ابن عم مُفدى ضحك وتقرب ..

_ شلونج ميّان ؟

اندار مُفدى ؏ صوته وخزرني عيونه تجدح.

_ بخير انتَ شلونك ؟