السواد السابع
اللهم صل على محمد وال محمد
الكاتبه نون حيدر
لتنسون التصويت ومتابعه الحساب ، قراءه ممتعه.
يلتمن عليه مشتتات البال
وانفضهن نفض فنهن يلاوني
_________________________
الماضي ..
فتحت عيوني الهوى يضرب بوجهي لحد الان مافتحولي الباب !!
عقجت وجهي ظهرت ع ملامحي كميه الاذيه الي تعرضتلها
رچفه ايدي ، صوتي المبحوح ، اثار الضرب ماينسن ع بال يجي يوم والله يطلعهن شهكه شهكه
اعتلى صوت الاذان غمضت عيوني براحه واني اسمع
"الله اكبر .. الله اكبر "
فعلاً الله اكبر هم كلشي مايسوون خليت ايدي ع كلبي وهمست بخفوت
_ولك انتَ بخير دام الله وياك .
وهاي جانت مواساتي لنفسي بوكت التعب ، جنت احضن كلبي بكل مره احس بروحي وحدي قوتي جانت عجيبه كل الي يشوف بنيه بهل عُمر وتحملت هل رعب يتفاجئ بيها
نجريت من شعري بقوه ونضربت راشدي رفعت عيوني اشوف نظراتها الي تحطمني بكل مره
_شسويتلج ؟
غلطت عليه وانواع الغلط ولا كأني بنتها من دمها ولحمها
سحبتني للمطبخ واني اصرخ من وجع راسي شعري تكطع بيدها
هدتني باوعت بعيونها خزرتني وصرخت بوجهي
_عيونج لا تخليهن بعيوني لا افكسهن
استمريت اباوعلها ولا نزلت عيني لحظه شالت كلاص المي وكبته بوجهي
اخذت نفس باستهزاء دفرتني بظهري ونيت بالم وهمست
_حسبي الله ونعم الوكيل ، الله ميعوفني
ضلت تسب وتغلط عليه اخر شي انتهت قوتي سحبتني للغرفه صرخت باعلى صوت
_لا ابوس ايدج لا تسويهاا اخاف الله عليج
قفلت الباب وطلعت نركع الباب بقوه لحظات اشبه بالجنون ، صوت صرخه باذني مثل كل مره ينعاد الشعور والوجع
المرايه صارت تتحرك وصوت خطوات يم الباب
غمضت عيوني بسرعه كلبي حسيته راح يوكف هلكد مادكاته سريعه
ايدي ترجف اريد بس ارجع للحايط اختبئ يمه احس اكو سند يمي
فشلت محاولتي وبده الوجع ينشاف بيه
_امن يجيب المضطر اذا دعاه ويكشف السوء
فجاه وصار بداخلي هدوء فضيع الشباك ينفتح وينسد الخوف جان جبير بس ذكر الله ، اكبر من هل خوف
هدأت بشكل مو طبيعي صرت اسبح باصابع ايدي وصوتي اليرجف يردد
_وايوب اذ نادى ربه اني مسني الضر وانت ارحم الراحمين
أنت تقرأ
الإسِوداد
Mystery / Thrillerأَشياءٌ كَثِيرة صغيرة تتَهشم في دواخلِنا في كل مرة أَشياء لايمكن لنا أن نُسَميها أو نُحدِّد شكلها. لكن تَناثرها ما زال يجرح صميمُنا ولا أَخاله سيرحل عنّا في يوم من الأيام نقفُ ضائعينَ على عتبة الأيام، كُنا نحسّ إِمتلائنا بضَجيج داخلنا، و نَصبو بلهفة...
