السواد الثامن
اللهم صل على محمد وال محمد
الكاتبه نون حيدر 🖤.
لتنسون التصويت ومتابعه الحساب ، قراءه ممتعه .
چا هاي تاليتي تبتعد عني بسبب حرصي وانانيتي!
————————————-
اميليا ..
حضرت نفسي ولبست عبايتي طبت بدون سابق انذار جرت ايدي بسرعه
_بس اوكفي راح اوكع
_بسرعه غسلي الملابس نريد نطلع
هزيت راسي وبلشت اغسلهن ايدي خشنت من كد المي كملتهن وشريتهن
صعدنه بالسياره واخويه بحضني بسته ضليت العب بشعره لحد ماسكت وغفه
اباوع ع شارع ، الحياه مستمره اصفن كل طفل متشرد بالشارع
العقد النفسيه والتعب والقساوه الي راح يطلعون بيها تقدم طفل ع سياره دينظفها
كمل شغله وباوع بعيون بريئه مليانه دموع
_عمو ساعدني امي مريضه
نتر وشمر الفلوس بوجهه عضيت شفتي غمض الطفل عيونه وتقرب اخذهن من الكاع وباسهن
مشه ابو السياره بسرعه وتطشر الطين والمي ع الطفل مسح وجهه ومشه يضحك
فرحة الفقره ، حمدهم لله ، ونظرات عيونهم بنص روحي .
الطريق طويل حيل لحد ماوصلنه للمقبره نقبض كلبي
اباوع ع كبور الموت مايعرف صغير ولا جبير ولا يرحم گلوبنا
نزلنه نمشي اباوع ع المره الي فرشت بصف گبر الولد ونامت صوتها وهي تردد
"دلول يايمه دلول " دموعي صارت تحرك خدودي
مشينه شويه واشوف مره جايبه اللعاب وحاطتهن بصف ابنها تضحك وتبجي بنص بجيها تكله
" اتفقنا نكمل سوه ليش بنص الدرب عفتني "
مشيت بسرعه منظر كلبي مايتحمله اباوع ع گبور الانسان شكد مايشيل خشمه ويتكبر وياذي يكسر ويدمر تاليته حفره ..
تاليته يرجع للتراب الي نخلق منه ، عود هم يكون جاهز للحساب وهو منوم العالم مكسوره خواطرهم!
صار مقابيلي قبة الامام علي يايمه كلبي يريد يطلع من مكانه ويوصله رجليه ثكلن وروحي فرفحت
دخلنه للتفتيش كملت ودخلت للحضره برودتها ردت روحي اشتميت هواك ياعلي
صرت اشهك النفس اريد اشبع من هل عطر
دخلت ازور ولزمت الشباك همست بصوت مهضوم
" يابويه بنيتك كسروها اهلها ياعلي اهلها جايتك تشكيلك بنيتك متعوبه "
بجيت من كل كلبي دموعي حركت وجهي اهلي اذوني هواي كسروني ودمروني
شديت العلگ ودموعي تصب نشده ونطلب حاجتنه نريدها من ابو الحسنين
أنت تقرأ
الإسِوداد
Mystery / Thrillerأَشياءٌ كَثِيرة صغيرة تتَهشم في دواخلِنا في كل مرة أَشياء لايمكن لنا أن نُسَميها أو نُحدِّد شكلها. لكن تَناثرها ما زال يجرح صميمُنا ولا أَخاله سيرحل عنّا في يوم من الأيام نقفُ ضائعينَ على عتبة الأيام، كُنا نحسّ إِمتلائنا بضَجيج داخلنا، و نَصبو بلهفة...
