الإسِوداد

السواد التاسع و العشرون

اللهم صل على محمد وال محمد ..

الكاتبة نون حيدر 🤍.

لتنسون التصويت ومتابعه الحساب ، حساب الانستا وقناه التلي.

لم اكن يوماً ما امرأة عاديه كل الذين عرفوني اصبحوا شعراء ♥️.
___________________
ميّان ..

الدنيا كفختني من كل الجهات عقلي افتر من سمعت اسمها

_شراح تحصل من سوتله هل سحر ؟

_دخلتها سجن .

فتحت عيوني بصدمه وحيلي كله نهد وكعت ع جربايتي وايدي تشنجت جسمي ماكدر احركه وصرت اهتز

تقرب مُفدى بسرعه وحضني صار يدلك رجليه وايديه الى ان رخن خليت راسي ع صدره ودموعي تصب

_اول مره احس الحيل مهدود .

_ميّاني ..

_ها

_تخلين ايدج بايدي واوعدج اطلعج من الحاله الانت بيها ؟

_مُفدى شيرجع الراح ؟

_عسى ان تكرهوا شيئا وهو خير لكم

_استغفر الله ، هذا اختبار راح اكوم ع حيلي اني قويه ..

سندني وطلعنه بسيارته وصلنه يم بيت ريحته تجنن وعباره عن صور الامام علي

دخل مُفدى يم الرجال واني يم المره العلويه صارت تقرا ع راسي وروحي تطلع سلابيح ريحة التقيء كلش مطيبه

دخل مُفدى وحضني بقوه صرت اصرخ بس اريدها تسكت

دفعت مُفدى بقوه وركعت راسي بالحايط

_كافي كوللها كافي سكتها!!

ربطوني وصاروا يقرون ع راسي بهل لحظات الموت شفته بعيني روحي لابت اريد بس تسكت صارت عيوني تنكلب ومعدتي تنعصر عصر

اسبوع كامل ع هل حال رابطيني ويقرون عليه بعدها الصدمه من كالت

_وليدج مسويله بالممه مالته وماتحمل روحه ترفه ومات

شلت روحي وركعتها بالكاع الصدمات كلها صارت تتراود ع راسي رونق ، ريان ، علي ابني ، بنت عمي !!!

دراستي ، السحر ، موت ابني صرت اصرخ تهسترت اعصابي سحبني مُفدى منها

اردفت وهي تمسح ع راسي بحنيه ايدها دافيه

_يمه اخذها لشريفة بنت الحسن ونومها هناك .

اخذني مُفدى والطريق طويل غمضت عيوني بتعب وغفيت عقلي تعب بعد مابيه افكر

صحيت ع مُفدى يمسح ع خدودي بخفه ابتسملي

_صح النوم ابويه كومي يلا نزور .

_جيبلي مال صلاه ..

اشر ع عيونه السود ابتسمت بتعب ودخلنه للسيده شريفه بنت الامام الحسن