اللهم صل على محمد وال محمد.
الكاتبه نون حيدر 🤍.
لتنسون التصويت ومتابعه الحساب ، قراءة مُمتعه .
تنويه / لا احلل نشر القصه كاملة على اي حساب في قنوات التلي او الانستا او اليوتيوب او الواتباد نشر مقتطفات تمام بس القصه كامله ماابري الذمه ♥️
_______________
اميليا ..فزيت وتراجعت بخوف نضربت بالباب توضحت الرؤية وطلع دلير ..
حطيت ايدي ع كلبي ، للحظه حسيت كلبي راح يوكف من الخوف والتوتر ..
_تحجي صدك ؟
_شسوين هنا ؟
_ماسوي شي بس دااشوف البيت
رفع اصبعه بتحذير وحجه بفحيح ..
_الباب هاي اذا وصلتيلها اذبحج!
_شنو بصفتك هيج تحاجيني ؟
_زوجج
_ع نفسك مو عليه ، ومتايهتلك اني حتى تذبحني!
_ههه
ضحك بخفه وتمشى لبره وهو يصوفر فجاه اندار وصرخ بوجهي
_حضريلي حمام .
_وين جنت ؟
غمزلي وتقرب بخطوات سريعه لزم طرف شعري واشتمه
_جنت اخونج .
ابتعدت عنه وخزرته نزع القميص وشمره بالكاع وراح للحمام
_دلير ..
_نعم
_اني مو خدامه عند الخلفوك شيل القميص من الكاع يلا
بس جبت طاري اهله تخبل عليه تقرب وعصر فكي بايده
_اذا تجيبين اهلي بالطاري احركج وانتِ عايشه اميليا!
_اعلى مابخيلك اركبه .
فتح عيونه متفاجئ من كلمتي ماحس الا صوت رمي قوي
صرخت وسحبني جوه الدرج البيت تفلش من الطلق ضليت ارجف وهو حاضن وجهي بصدره مسح ع راسي وهمس بحنيه
_اش اني يمج ..
سكنت خف صوت الطلق سحب سلاحه واشرلي
_حركه متتحركين خوش !
_اي تمام
عافني وطلع ايدي ع كلبي هدأت نفسي وكمت انظف لميت الكزاز الواكع بالكاع شافني وركض سحب ايدي
_لتتعورين اني المهن
_روح اسبح كملت
خليت راسي بين ايديه وصفنت حياتي كلها مكلوبه تعبت فزيت ع ايدين صارت ع راسي
_كلشي يهون ميخالف ..
رفعت راسي شفت دلير ابتسمت بتعب ..
_دلير ..
أنت تقرأ
الإسِوداد
Misterio / Suspensoأَشياءٌ كَثِيرة صغيرة تتَهشم في دواخلِنا في كل مرة أَشياء لايمكن لنا أن نُسَميها أو نُحدِّد شكلها. لكن تَناثرها ما زال يجرح صميمُنا ولا أَخاله سيرحل عنّا في يوم من الأيام نقفُ ضائعينَ على عتبة الأيام، كُنا نحسّ إِمتلائنا بضَجيج داخلنا، و نَصبو بلهفة...