السواد السادس
اللهم صل ع محمد وال محمد .
الكاتبه نون حيدر
لتنسون التصويت ومتابعه الحساب ، قراءه ممتعه .
اليشبه اسمك كمت احاجي
حتى الفظ اسمك واستلذ بي
————————————————
ميّان ..
التفت علي عاكد حواجبه ويسالني عن الي واكف كبالي سبب دماري الاول ..
ابتسم كبالي بخباثه ومسح المرايه المقابيلنا ..
دغني مُفدى بچتفي وهمس بخفوت
-شجاي يصير شبيج متوتره ؟
-لا ممتوتره بس ..
-بس شنو تفاحة كلبي ؟
-ذكرني بشغله شبهت بي فَتوترت
-لتذكرين بابا حتى تعيشين
عدلت حجابي وطكطكت اصابعي
-محد يكدر ينسى اني دااقاوم حتى روحي ،صعبه ترجع للصفر شعور كُل يوم ينعاد صعب
-منطفيه مو نفس قبل ميّان ؟!
-اليتاذى يتغير كُلش اهتماماته تتغير اسلوبه وكلشي بي الغلط تدري وين ؟
-وين ؟
-انُ يصير اقسى مع انُ المفروض الي ياذيك يخليك احن وارق
-صايره دائماً متوتره ميّان ليش هيج
-اخاف من كُلشي اخاف اتقرب اخاف اتعلق اخاف اتعود اخاف احب من كُلشي خايفه !
-متكدرين تعيشين هيج راح تموتين هواي قبل ماتعيشين
-بس اني صار العكس عشت وبعدها متت
-سألتي نفسج بيوم ليش وصلتي لهل مرحله ؟
باوعت بالمرايه ع الهالات الجوه عيوني تلمستهن وهمست بصوت ناصي
-عمري مافهمت نفسي ولا عرفت اني ليش هيج ليش وصلت لهل مرحله
-لان مفضله اشياء ع نفسج ، اذا متخلين نفسج بالبدايه راح تخسرين هواي يابه
-اكو اكبر من خسارة النفس ، اليوم اني ضايعه ماعرف وين اروح وشسوي وهذا تعبي مايفاركني
-الحزن احتل روحج لدرجه نساج هل شي اختبار
-بس الاختبار طول حيل طول !
-نبي صبر ٤٠سنه انتِ ليش ماتصبرين
-مو قصه صبر بس مااتحمل اذيه بعد كلشي بيه مدمر منين مااشوفني غاديه تراب
حرك السياره وابتسم يباوعلي بتركيز وهذا اكثر شي احبه بي انُ يستمع بتركيز يترك كلشي بايده ويركز وياي حتى لو جان موضوعي اظفري المكسور ..
كسر الصمت الي بينه بكلماته الي تكون ضماد لجرحي بكل وكت
_تدرين شغله ؟
أنت تقرأ
الإسِوداد
غموض / إثارةأَشياءٌ كَثِيرة صغيرة تتَهشم في دواخلِنا في كل مرة أَشياء لايمكن لنا أن نُسَميها أو نُحدِّد شكلها. لكن تَناثرها ما زال يجرح صميمُنا ولا أَخاله سيرحل عنّا في يوم من الأيام نقفُ ضائعينَ على عتبة الأيام، كُنا نحسّ إِمتلائنا بضَجيج داخلنا، و نَصبو بلهفة...
