الإسِوداد

السواد الخامس عشر

اللهم صل على محمد وال محمد

الكاتبه نون حيدر 🖤.

لتنسون التصويت ومتابعه الحساب ، قراءه ممتعه

اسير ع حافة الالم بداخلي مدينه كامله تحترق!!
_____________
ميّان ..

جواب مُفدى جان صدمه اليه بس الي صدمني اكثر هُمَ ماتفاجئوا !!

_محجوزه

ساد الصمت بيناتنا قطعت هل هدوء بكلمتي ..

_ماكو هيج شي لا تصير..

كبت العيطه ببيتنا ومااسمع بس البجي والون..

اعتلت صرخة " يمه لاااااا"

تجمدت بمكاني ايدي تشنجت طفروا ولد عمي ع صوت مخترعين

كلبي صار يدك حيل واذني صفرت اريد اكوم واوصل اريد اعرف شصار

بين انُ بداخلي اعرف شصار بس رافضه هل فكره!!

_مستحيل عفيه لا ماشبعت منها

نهضت بالكوه حيلي نهد مابقالي حيل واني اريد اوصل للباب بس اريد اشوف ليش ديصرخون

_ياعلي عيّني فدوه لاسمك

وصلت للباب وشفتها لو روحي طلعت عيونها مفتوحه وتضحك

وكع الشي من ايدي هو ماعرف شنو بس الي اذكره صوت صرخات امي

اباوع عليها تصرخ وتبجي عماتي شكن هدومهن ويلطمن الا اني مدااكدر دااحس نفسي احد مقيدني اريد ابجي مثلهن مدااكدر

كلبي هلكد مايدك بس اريد استوعب احسه يدك بعقلي
اريد اتقرب اريد احضنها مثلهم اني اريد اعيش هم اريد مشاعري تطلع بس ماكدرت

تصنمت بمكاني واني اسمع ابويه يصرخ ..

_يمه مو كلتي باجر اصلي باجر ابدي التزم يمه مالحكتي

هدئت كُلي وصفنت هي تريد تصلي رادت تبدي من باجر بس مالحكت ، الله انطاها فرص هواي بس هي مااستغلتهن ليش هيج البشر

شالوها وطلعوها البيت بس صوت الون يرجه رج واني صافنه وهادئه

جابوا التابوت للبيت بعد ساعات انتظار الكل لبس اسود الا اني صافنه بالفراغ وعقلي هوسه شي بداخلي يريد انطي ردة فعل بس مدااكدر

انتبه عليه مُفدى تقرب لزم ايدي بارده ثلج همس بحنيه

_ابجي بابا صيحي كسري صارت عندج صدمه

كل الي اعرفه حضنته سمعت دكات كلبه شلون تسارعت

شدد ع حضنتي وباس راسي ..

_ضعفي وابجي لا تضلين قويه

تركني وراح كمت بهدوء لبست اسود وبلشت انظف وياهم الفاتحه كلها اني مصدومه ومانطيت اي ردة فعل