اللهم صل على محمد وال محمد
الكاتبه نون حيدر 🖤.
لتنسون التصويت ومتابعه الحساب ، قراءه مُمتعه.
من كتلي باجر نلتقي
كاعد بقيت لصبحك ♥️
________________
اميليا ..
هل صوت مو غريب عليه سامعته قبل ..
حاولت اتذكر وين سامعه هذا الصوت بس الوشه الي براسي مداتخليني اتذكر اي شي ..
سحبتني هي وشمرت عليه العبايه الخليجيه والبوشيه
_لبسي بسرعه يلا كدامي
فتحت عيوني بصدمه شنو بوشيه بهل مكان شدتسوي هاي !!!
لبستهن ع سريع وكلبي يدك يدك بقوه ..
صعب من تكون عايش بنص وحوش ماتعرف هذا البشر شنو نيته وياك شعور الحيره صعب من ماتعرف تبقى لو اروح من تحير شلون تنقذ نفسك ..
العالم الخارجي مؤذي بشكل متعرف هذا الي يضحك كدامك باجر عكبه هم ينطي بيك لو يحفظ سرك ؟!
اني هواي افكر بحيث اقل شغله احللها بدماغي وانطي اكثر من احتمال الليل ماانامه خاف هذا هيج يسوي خاف ذاك ينطي بيه خاف هذا يغدرني
التفكير مُهلك ويخلص الطاقه بحيث اني حتى لو احاول ماافكر فَ اني راح احلم ..
طلعت وياهم سحبتني من ايدي نترتها منها ..
صبتلي الكهوه ولبستني حجل اشرتلي ادخل منا
دخلت واني خايفه من هل وحوش اباوع عليهم نظراتهم وصخه بالعبايه والبوشيه وعيونهم تاكلني!!
وكتها عرفت انُ الوصخ وصخ وماتصيرله جاره ظاهره التحرش الكل يحجي بيها ويكول السبب من المره لبسها كصير وبعباره ثانيه " المره المحترمه نفسها محد يدنالها "
مجتمع ذكوري دائماً يطلعون الصوج بينه يعني اني لابسه عبايه واكلوني اكل لو بدون عبايه شلون !
تقدمت بخطوات بطيئه وانطيته الكهوه..
باوع ع ايدي وغمزلي بكل صلافه ..
_شكراً سيدتي
عقجت ملامح وجهي باستهزاء وبينت عليه الضوجه
باوع عليه واحد بيهم وهمس بخفوت للثاني
حجه واحد منهم بكل كلب بارد واني احس احتركت روحي بكلمته
_نريد هاي اربع ليالي!
ضحكت هي بصوت عالي واشرتله انُ تريد فلوس
طلع محفظته وشمر فلوس هواي بالكاع بحياتي ماشايفه هيج شي احنه بحسرة اللكمه والعلاج وهذا يشمرهن ع شي ميسوى، يغضب الله!!
دنكت ع كاع ولمت الفلوس وحجت بصوت ناصي
_بعدها بالباكيت ينرادلها هواي فلوس
أنت تقرأ
الإسِوداد
Bí ẩn / Giật gânأَشياءٌ كَثِيرة صغيرة تتَهشم في دواخلِنا في كل مرة أَشياء لايمكن لنا أن نُسَميها أو نُحدِّد شكلها. لكن تَناثرها ما زال يجرح صميمُنا ولا أَخاله سيرحل عنّا في يوم من الأيام نقفُ ضائعينَ على عتبة الأيام، كُنا نحسّ إِمتلائنا بضَجيج داخلنا، و نَصبو بلهفة...
