اللهم صل على محمد وال محمد.
الكاتبة نون حيدر 🤍.
لتنسون التصويت ومتابعه الحساب ، قراءه مُمتعه .
هذا انه بعدني انحب
بعدني شما عتگ لوني ارد من اول اترتب
_________________
اميليا ..
شمرت نفسي علي وبجيت بكل قوتي ضل يمسح ع راسي بهدوء الى ان سكتت بس ضليت اناشغ
_باوعيلي ..
مارديت علي ابتعدت وعيوني ع جامة مهضومه حيل دموعي حركوا خدي
_حورية الجنة ..
التفتت علي وعيوني تلمع بالدموع ..
_ها ؟
_هضموج ونزلوا دموعج اذا ماطيحتلج حظهم مااتسمى زلمه وشاربي مو عليه .
_بعديش دلير تكدر تطيح حظهم بس ماتكدر تجبر خاطري هذا كلبي الي نكسر كُلي شلون ارجعه ؟
كلت اخر كلمه واختنكت بالعبرة درت وجهي وصرت ابجي بقوه
بس ربي يدري هل لحظات شكد صعبه عليه اني صح قويه بس ما اتحمل هيج اهلي ليش هيج سووا ووين راح انطي وجهي
مسحت دموعي وابتسمت بهدوء انتبه عليه واستفسر بنظرات خوف !!
_بيج شي ؟
_عسى ان تكرهوا شيئا وهو خير لكم .
_الي افهمه من كلامج شنو ؟
_اني بخير وراح اضل بخير مو اميليا الي تستسلم
_متأكدة ؟
_اي ، وين راح اعيش ؟
_ببيت خالتي ، عندج مشكله بهل موضوع ؟
_ليش انتَ ماعندك بيت ؟
قلص عيونه وبلش يدخن نفخ الدخان بشكل دوائر
_لا ماعندي ، تعيشين وياهم مو ؟
_تمام .
وصلنه يم بيت قديم داير مدايره اشجار البيت كُلش تَعبان بس دافي مجرد القاء نظره عليه تحس بالطمأنينة
_راح تعيشين هنا ، نزلي .
نزلت ويا دك الباب فتحه رجال جبير بالعُمر ابتسمت براحة
سلم عليه دلير ودخلنه تلكتنه مرة مشيبه وظفايرها طالعات من الشيله
كزكزت عليها ردت ارفسها بس الوضع مو مال رفس مترهم
انتبهت عليه وجتي تتمشى بخطوات بطيئه تقدمت حضنتها
_يابعد عيوني انتِ مرت ديلر مدري شسمه ؟
_ا ..
ماخلاني اكمل كلامي قاطعني وهو يكوللها ..
_زوجتي اميليا اعرفج عليها .
بوستني ودخلنه جوه واني اخزر بي الحجي والحجيه كُلش حبابين هيج لطافه وجمال وهدوء
همسلي دلير بصوت خافت
أنت تقرأ
الإسِوداد
Misterio / Suspensoأَشياءٌ كَثِيرة صغيرة تتَهشم في دواخلِنا في كل مرة أَشياء لايمكن لنا أن نُسَميها أو نُحدِّد شكلها. لكن تَناثرها ما زال يجرح صميمُنا ولا أَخاله سيرحل عنّا في يوم من الأيام نقفُ ضائعينَ على عتبة الأيام، كُنا نحسّ إِمتلائنا بضَجيج داخلنا، و نَصبو بلهفة...
