الإسِوداد

السواد الحادي عشر

اللهم صل على محمد وال محمد

الكاتبه نون حيدر 🖤.

لتنسون التصويت ومتابعه الحساب ، قراءه ممتعه .

العكد والحل باديه وانه راعي الراي
مامحتاج منكم واحد يحلي
انه ماصرت تابع واقرا التاريخ
انا الكل وكلكم جزء من كلي
اجداد اجدادكم جانوا لجدي اتباع
وهسه انتم واهلكم ضله من ضلي
انا معدل واعدل المايلات وياي
روح اعدل ربعكم لا تعدلي .
____________________
ميّان ..

قريت الرساله مكتوب بيها " باجر تجين للعراق بيبيتج بين الحياة والموت انتظرج" الوالد ..

نصدمت بيبيتي اعز شي عندي احبها اكثر من اهلي او بالاحرى هيَ اهلي كُلهم ..

طلعت بسرعه وخابرت ريّان جاوبني ببرود

_درب الچلب ع كصاب

_عوف الچلب هسه ريّان اني محتاجتك ؟

_كولي ميّان شبيج ؟!

_بيبيتي بين الحياة والموت لازم ارجع للعراق باسرع وقت.

_لحظه فهميني هسه تريدين حجز وهل سوالف

_بالضبط وماعندي وقت مااعرف احد غيرك

_تدللين ميّانه حضري جنطتج وباجر سفرتج

تنفست براحه وتشكرته نهيت المكالمه ضبطت اموري كلهن وبلشت اضم ملابسي بالجنطه رن تلفوني ضحكت

_اوووي ولك انتَ ماتمل؟

_منو گلك من محبتك راح امل انه احبك باجر وهسه وقبل!

_طلعت مجنون ميّان اقصد مجنون ليلى .

تنفس بهدوء فضيع اسلوبه بالحجي هادئ وصوته حنين يفزز الگلب

ضحكت بصوت ناصي ضحك ع ضحكتي

_اكُلك

_كولي

_راح ارجع لبلدي وافتقد رسائلك بصراحه

_حلوه هاي منج

_جد دااحجي

_ادري راح ترجعين العراق يجوز نلتقي صدفه

_صدفه يااا

_اي وداعة فهاوتج يجوز صدفه تلمنه و اخطبج

_مصدك نفسك كُلش عفيه ع كيفك لا يصعد ضغطك

نهيت المكالمه نزعجت منه نمت نوم عميق كعدت الصبح وكُلي طاقه ونشاط راح ارجع يمه مشتاقه

شعور الاشتياق يذبح ، تحس روحك تفرفح حتى تشُوف الي رايده لدرجه توصل مرحله تكول بكل حرگه كلب
_"بويه فرفحت ضل بالي رويحتي يمك "

لبست فستان اسود جوه الركبه بشويه وحطيت النظارات فوك راسي لبست خِلخالي الذهبي وساعتي السوده حطيت عُطر وسحبت الجنطه وياي ..