اللهم صل على محمد وال محمد.
الكاتبه نون حيدر 🤍.
لتنسون التصويت ومتابعه الحساب ، قراءه مُمتعه .
وتشعر بانك تتقيء كل جثث الفراشات التي كانت بداخلك
_________________
اميليا ..
صرت ارافس بس اريد اتنفس ابتعد عني وحجه بفحيح
_حرف واحد يطلع اعتبري روحج ميته وراهم!
_وخر منا لا ادفرك .
جرني من شعري علي نفسه يضرب بوجهي
_المن تدفرين ولج ؟
_ادفرك انتَ ولك .
هد شعري وضحك بهدوء ، طلع جكايره وصار يدخن..
_تعجبني قوتج ياصلفه
_طالعه عليك .
خزرني ورمقني بنظره حاده .
_بس لا عبالك راح اخاف ؟
_منين تخافين ؟
_انتَ خاف عبالك اخاف من نظرتك الحاده ترى متخوفني!
_ادري بيج صلفه .
تركته ودخلت للبيت ، شعور الحيره بين انُ اخبره بهذا المتحرش بس المن اكول لواحد مجرم
اعتمدت ع نفسي وقررت اني احمي نفسي بنفسي خوف قلق توتر كلهن بيه ..
دخلت يم خالته وانقهرت هل مره الخلوقه زوجها هيج
اختفى دلير ورجعت معاناتي ويا هل رجال وصل مرحله صار يتلمس وكذا مره نتعارك اني ويا
فتت سبحت نشفت شعري ودخلت لغرفتي ماشوف الا الباب نسد ونحط شي ع حلكي
جبرت نفسي مااتنفس وغمضت عيوني بمعنى تخربطت
سحبني بسرعه واني ذابه نفسي وموته روحي من الاخير
شمرني ع فراش وشمر روحه عليه رفعت ايدي بحركه سريعه وطفيت عينه ببوكسي رفع وجهه من الوجع ضربته بعكسي ع خشمه دفرته ع مكان حساس وطفرت اركض
فتحت الباب وشردت ياروح مابعدج روح
كلبي صار يدك بقوه بس نقذت نفسي ضليت اركض واركض المكان يخوف جنه مهجور..
وكفت يم شجره وختلت يمها بدون حجاب بس شردت بروحي العزيزه اريد بس سياره واخلص من هل مكان ..
اخذت نفس وكعدت بالكاع صار الليل والدنيا بدت تظلم
سمعت صوت جلب احس روحي بعد ماكدر اوكف ع رجليه من الخوف والتوتر والظلام
الصوت صار يقترب مني بديت اهذي من الخوف والعرك يصب من كصتي
تقرب الجلب وصار يركض باتجاهي واني مابيه اكوم اشوف الا طلقه ووكع الجلب بالكاع والدم صار يجري ..
___________________
ميا ..
أنت تقرأ
الإسِوداد
Mystery / Thrillerأَشياءٌ كَثِيرة صغيرة تتَهشم في دواخلِنا في كل مرة أَشياء لايمكن لنا أن نُسَميها أو نُحدِّد شكلها. لكن تَناثرها ما زال يجرح صميمُنا ولا أَخاله سيرحل عنّا في يوم من الأيام نقفُ ضائعينَ على عتبة الأيام، كُنا نحسّ إِمتلائنا بضَجيج داخلنا، و نَصبو بلهفة...
