الإسِوداد

السواد الثالث

اللهم صل على محمد وعلى آل محمد

الكاتبة نــون حيدر 🦅.

لتنسون التصويت و متابعه الحساب قراءه ممتعه.

لم روحك ترا يملوك لمن تشكي يوميه
لهيجي من يكولون اكول بخير مابيه
شويه خنكه بالانفاس شويه جروح عاديه.
_________________
مُلهم ..

وكفت السياره بالف ياعلي حيلي كله نهد

شكد الدنيا صغيره وشكد روحي عزيزه وغاليه جان متت واني بعدني اكول باجر ابدي اصلي

نزلت بكل عصبيه ابو السياره كبالي ..

لزمته من قميصه قوي وصرت اصرخ بوجهه

_ غير تنتبه جان رحت بيها شجاك يول ؟

_ اني لو انتَ لازم تلفونك تعلم بالسياقه لتضل تصور وهل سوالف التعبانه العالم رايده روحها !

هزيت راسي بالموافقه وتركته الحق عليه ..

ورثت الجكاره والدخان تارس المكان طلعت بوجهي للمكتب ..

بالازدحام صارت كبالي الحديقه غمضت عيوني بتعب ..

_ ضيعتج ضيعت انسانه جانت تحبني بدون مقابل اوف شلون نرجع شلون ؟!

اخذت نفس بحسره صفيت السياره ؏ صفحه ونزلت ..

اباوع ؏ زرع واتذكر حركاتها برائتها سوالفها ونكدها عليه كلهن فقدتهن!

كعدت ؏ المصطبه وشغلت هيثم يوسف ..

" بس انتَ وحدك ليه ، تغمرني بالحنيه "..

بويه صدري نشك من كد اشتياقي شكد حاولت اوصل منعت هل شي تخلت عن كلشي يخصنه وراحت ..

جاي ادفع ثمن كل وجع زرعته بروحج اولهن حسرتي عليج ..

طفيت الجكاره وكمت للسياره رجليه متعيني

_ كِل مايُمر طاريج ينهد حيلي .

صعدت وبوجهي للشركه مسطور وتعبان بس لازم اكمل شغلي ..

ندك باب المكتب ودخل ضرغام

_ اجتك مفاجأه جاهز تشوفها  ؟

فريت الكرسي بلا انتباه وهمست ..

_ سوالفك التعبانه بطلهن ..

_ بس اندار لك مُلهم وشوف منو جايك اليوم ؟

نداريت وهنا جانت صدمه حياتي ، وكعت النركيله من ايدي ..

همست بخفوت ورجفه صوتي وصلتها ..

_ انتِ ؟

_ استاذ مُلهم شلونك ؟

_______________________
ميا ..

المرايه قدامي  عباره عن حمره ومكتوب بيها

_ يابَعد جرح كلبي مسحي دموعج .