اللهم صل على محمد وال محمد .
الكاتبه نون حيدر 🤍.
لتنسون التصويت ومتابعه الحساب ، قراءه مُمتعه
______________
ميّان ..
اول مافتحت عيوني كمت بهدوء حضرت ملابسي حتى اروح لرونق واجيب ابر جدد منها
طلبت من مُفدى يوصلني لان ادوخ من اسوق وماكدر اركز
وصلنه يم بيتهم نزلت واشرت لمُفدى بمعنى باي ، دكيت الباب طلعتلي بس وجهها مايبشر بالخير
دخلت جوه وياها جابتلي العصير اباوع عليها ايدها ترجف مو طبيعيه اخذت العصير منها لزمت ايدها وكعدتها .
_شصاير وياج رونق ؟
_ مصاير شي بس اني هل فتره تعبانه ومالي خلك اي شي وضايجه حيل .
_اجيج كل يوم المهم لا تضوجين.
_اسولفلج ع شخص احبه وياريت ماتفهمين غلط .
_سولفي يول شصاير وياج .
_بالفتره الي انتِ سافرتي بيها بقيت وحدي وضايجه ليل نهار دخلت بكروبات وتعرفت ع ولد .
لطمت ع وجهي وحجيت بصدمه
_ عزه بعيني ، كملي بلا .
_حبيت الولد هواي وحيل تعلقت بي صار يجبرني اطلع ونلتقي بكل مره اضطر اجذب ع اهلي واطلع ويا .
اردفت بحسره
_صار يكلي من تشتاقيلي اخذي هاي الحبوب فعلاً جنت من اشتاق اخذهم وانسى روحي ماحس بشي بعد بس براحه واحس روحي طايره فرك الغيم احساس والشعور فدشي .
طول ماهي تحجي مبتسمه وتضحك عبالك بغير عالم لطمت ع صدري لزمت ايدها احاول افهمها .
_باوعيلي هاي مخدرات صح ؟
_لا لا مو مخدرات صدكي هاي هيج حبوب مهدئه .
سكتت ضليت صافنه عليها حايره ماعرف شسوي منو يكول مو صدك مخدرات معقوله !!
قطعت سلسله افكاري بكلمتها الي خلتني اتندم ع الساعه السوده الي قبلت بيها !!
رونق : تحبين تجربين ؟
بلحظه ضعف وزني الشيطان انعميت ع عيني خصوصاً من كالت تنسيج الدنيا احس روحي تعبانه محتاجه هل حبوب .
_ اي اريد اجرب .
راحت للغرفه جابت حبوب واجتي تضحك جنها طفله ماتعرف تصرف !!
رونق : هاج عيشي وطيري لا تبقين تعبانه !!
اخذتهن من ايدها وبلعتهن ايدي ترجف اجت ببالي عيون مفدى ماعرف ليش ترددت تالي اخذتهن .
ضلينه نسولف بعد ساعتين احس روحي خدرت ومابيه حيل اتحرك فقدت التركيز وعقلي فراغ ولا فكره بي .
أنت تقرأ
الإسِوداد
Mystery / Thrillerأَشياءٌ كَثِيرة صغيرة تتَهشم في دواخلِنا في كل مرة أَشياء لايمكن لنا أن نُسَميها أو نُحدِّد شكلها. لكن تَناثرها ما زال يجرح صميمُنا ولا أَخاله سيرحل عنّا في يوم من الأيام نقفُ ضائعينَ على عتبة الأيام، كُنا نحسّ إِمتلائنا بضَجيج داخلنا، و نَصبو بلهفة...
