البارت السادس.
.
.
.
الكاتبه:سرسبيل
~•~•~~•~•~•~•~•~•~•~•~•~•~•~•~•~•~•
وهج::-
- ماصدكه هاي اني ! وهج انتي الي قويه وكلت النفسي اكدر اتخطى شراح يصير؟
ارجع الغرفه ابجي يوميه محد يشوفني ملازم أحد يعرف شكد انكسرت مثل مكال الي ::-لازم متخافين
وصيرين قويه وتسندين نفسج.
صح قويه اكبالهم بس مو اكبال روحي اني انكسرت انجرحت هوااااي منو يكدر يصلح كلبي بعد منو يكدر يرجعه مثل قبل ؟؟
طول فتره موته ولحد هسه مانسيت اذكر كلشي
كلشي لحضه مرت علي كل كلامه حجيه حبه
شقاه خوفه كلشيييي موجود يمي طيفه مافاركني.
حتى ملامحه اذكرهن عيونه السود حواجبه الي رافعهن لاراديه شواربه شعره شفته ملامحه اذكرهن بتفصيل لو اعرف ارسم جان رسمت صورته بلحايط الغرفه.
رچعت الغرفه بعد ماعرفت انو أهل منطقتي مقهورين علي اكره هذا الشعور اكرها ماحب أحد ينقهر علي
ماحب أحد يكلي خطيه .
اني مامتقبله موته أصلاً عندي امل يرجع ويشوفني
عندي امل احضنه داخلي شي يكلي يرجع ويهتم بيج
ويطلعج من ضلم ابوج صوته بأذني من يكلي::-ما اعوفج.
::-غصه بلعومي صايره خانكتني خنك مخنوكه
نفسي تلعب من هذا الشعور عيوني تريد تبجي
وماكدر اطلع الدموع ابجي بلا دموع؟...أو ايدي ماسيطر عليها.
نزعت ملابسي اشوف جسمي كدام المرايه
وين ذيج الجلدها نضيف وين هاي الي جلدها
مزورك وعليه اثر حروك وضرب .
غمضت عيوني اريد انزلت الدمعه تحركتني حرك
صوته باذني::- اكسر أيده الي تنمد عليج.
ابوي استغل موت ايهاب بضرب جان قبل يضربني بس
مايدماده هواي مجرد راشدي احصل اكوم ابجي
واشتكي الايهاب عليه.
هسه حزام صونده جكاير ماخله شي ماضربني
حتى مره كسر كرسي على ضهري لو الخيزرانه
يحتار بشنو يضربني بس مابجي !!
ايهاب جان ساندني هواي يتعارك ويا ابوي
اذا ضربني راشدي أو حتى لو صيح علي .
اخذت نفس قوي وزفرته لبست ملابس بيت
وفليت شعري رحت نمت على الجربايه .
وهج:اني اعلمك صهيب بسيطه.
سحبت التلفون وحطيت سماعه شغلت
"فأجبني بربك انقذني"
هواي اسمعها هواي هيا
"إن گنت مثلي الاحبه فاقد "
اضل اسويهن تكرار لما ماحس بنفسي وانام..
.....
واثق::-
الخنكه بيه يوم اتعاجز اخلص اختي من ضلم ابوي
حكم ابوي قوي .
ماكو شخص مثلي يحب اخواتي قطعه من گلبي .
وتين عاقله مالها حس تخاف من ابسط حاجه
او ام دميعه تبجي بلا سبب لهذا السبب اخاف
اجرحها بحجي بدون ماقصد .
أنت تقرأ
وهج نار الانتقام
Mystery / Thrillerفي كل منزل هناك شخص ليس له قلب ولا ضمير لديه التحكم والعنف لكن ماذا سينتج هذا العنف ؟؟... روايه تتكلم عن اثنين اخوات واخ التي ليس لديهم حظ يواجهون حياتهم المجهوله في بدايه عمرهم.
