البارت العاشر.
.
.
.
الكاتبه:سرسبيل
~•~•~•~~•~•~•~•~•~•~•~•~•~•~•~•~•~
انقبض گلبي حطيت ايدي على شعره
وايد على ضهره اهدي بي::-وتين بيها شي شبيك احجي؟.
حاط راسه على جتفي وبجه بصوت عالي اخذت نفس واني اشوفه هيج.
حطيت ايدي على وجها ورفعته واني ادحك
عليه هو يبجي.
وهج:شبيك احجي.
حط ايده على وجها هو ياخذ النفس كوه ...سحبت ايده وغمض عيونه.
وهج:واثق شبيك ليش هلبجي ؟ افتح عيوني ودحك علي.
رفع عيونه خلاها بعيوني مليانه دموع وحمر
لزمت وجها امسح دموعه.::-شبيك ؟
واثق:ريحان...
راد يكمل بس شهك ونزل عيونه هو يبجي، هزيت راسي اله بعنى كمل ::-اي ..
واثق:ماتت اليوم الصبح مالحكت تاكل الككو الي رادته مني .
دحكت عليه بجمود مامستوعبه موتها هو يبجي
لزمت ايده ودخلته الاستقبال كعدته وجبتله مي.
شرب كعدت يمه لازمه ايده افرك بيها هو يبجي
مثل الطفل دحكت عليه هو يشهك ويبجي بصوت عالي سحبته الي وحط راسه على جتفي.
وهج:هاي هيا انت تعرف بيها.
واثق:ماتخيلت هيج جانت دائماً تشكيلي من الوجع
واني اكول تحملي ربنه كريم بس راحت مني واني الجنت اضن اطيب وترجع بالسلامه.
يحجي ويبجي واني صافنه على كلامه واطبطب على
ايده::-يجوز ارتاحت من الوجع هسه.
واثق:واني ؟
،، شوكت ارتاح من وجع گلبي سنين من اني وصغير لحد هسه گلبي ملجوم اني حبيتها وكلت هيا الوحيده الي تخفف بس..
وهج:اششش كافي تقهر بنفسك ماتت وخلص
بدموعك ماتكدر ترجع شي خوش كافي .
تنهد وفرك وجها ودحك علي::-وهج تعبان.
رفعت رجلي وتربعت واشرت بيدي ابتسم بهدوء
وحط راسه على رجلي حطيت اصابعي بشعره.
رجعت راسي على الحايط هو نايم على رجلي
واسمع بس صوت انفاسه يبجي بسكوت .
وهج:جنت اتمنى ابجي مثلك واطلع شكو شي بگلبي
بس ماعندي مشاعري مكبوته ماتطلع اريد اجرب شعور البجي الي يريح بس مامرتاحه يجوز انت ترتاح
من تبجي بس اني لا باجيه ولا مرتاحه ماريدك اصير مثلي كون ترجع وتنسى...واثق!
ماله حس نزلت راسي شفته نايم حطيت ايدي
جوه راسه رفعته وخرت رجلي وجريت كوشه
حطيته جوه راسه.
جبتله بطانيه غطيته كعدت بلكاع ادحك عليه
مسحت وجها بهدوء واني اشوف ارموشه كلها دموع
وجها باهت..،، اخذت نفس قوي وزفره.
بسته من خده بهدوء واردفت بهمس::-مالنه نصيب بالحب ولا راح انحصله.
كمت شلت الكلاص وطلعت من الاستقبال سديت الباب ويا السده دخل صهيب من الباب.
أنت تقرأ
وهج نار الانتقام
Mystery / Thrillerفي كل منزل هناك شخص ليس له قلب ولا ضمير لديه التحكم والعنف لكن ماذا سينتج هذا العنف ؟؟... روايه تتكلم عن اثنين اخوات واخ التي ليس لديهم حظ يواجهون حياتهم المجهوله في بدايه عمرهم.
