بارت الثامن عشر.
.
.
.
الكاتبه: سرسبيل.
~•~•~•~•~•~•~•~•~•~•~•~•~•~•~•~•~•~.
سحب دولار وجر ايدي حطها بيدي هو يكول::- تريدين منهن هواي ؟؟..
ضليت صافنه عليه ماحجيت شي هو مبتسم ::- خليج براحتج انتي هنا موجوده دائماً؟
هزيت راسي وكال::- خوش لعد هاج .. طلع كارت من جيبه بي رقمه ، شوكت ماتحبين خابري علي.
ضليت صافنه عليه عافني وراح واني ادحك على الدولار وادحك على رقمه مامستوعبه ضميتهن بجيبي ورحت المحل.
ابو المحل شافني معصب::- وين جنتي وعايفه هذا طيف وحده.
ماهتميت اله وحجيت برود::- بشغله ماخربت الدنيا.
- هاي هيج تحجين ؟؟ ناقص من يوميتج .
وهج: يايوميه هنا 3 الف شتنقص منهن.
- حتى بعد تتعلمين تحجين .
ردت اكله اني اعرف احجي مو مثلك ماتعرف شتلخبط بس اجه طيف كاله::- عمو دكو عليك.
دحك عليه وراح فركت وجهي وطيف واكف كال::- عمو راح يروح شنو رئيج نشرب جاي وبسكت.
وهج: مالي خلكك انت الثاني.
طيف: بس هل مره فدوه.
تنافخت وكتله ميخالف هو فرح راح طلع بسكت ضامه حطه ماعون وصب كلاصين جاي كعدتنه برا يم الباب نشرب.
ادحك على الشارع وتفكيري يم الرجال الي انطاني الفلوس هو صح شارع مابي هواي سيارات بس عالم هواي تمشي بس الاكثر ولد .
طيف: عمو كال خلي وهج تقفل المحل واني اوديله المفتاح.
وهج: اي هسه تخلص اكلك.
طيف: انتي ليش عصبيه .
وهج: وانت ليش تلح بسالفه اكل واسكت بلا حجي زايد .
طيف: عبالي نكعد ناكل ونسوالف.
وهج: على شنو تسولف ستاذ طيف ؟
طيف: خلي انصير اصدقاء اني وياج .
وهج: طيف تعرف بنفسك شكد تحجي.
طيف: هههههههههههه امي تكلي هيج بس والله اني صح احجي هواي بس احب الك .
وهج: يعني هسه انت تحبني ؟
طيف: اي احبج .
ضحكت بستهزاء شربت جاي ورجعت راسي على الباب وكال::- ليش تضحكين ترا والله اعتبرج اختي واحبج .
وهج: اني محد يحبني محد يتحملني ويتحمل سلوبي.
طيف: زين ليش غيري سلوبج .
وهج: طيف الدنيا لاعبه بيه لعب وتريدني اغير سلوبي.
طيف: رب العالمين ماينسانه.
أنت تقرأ
وهج نار الانتقام
Mystery / Thrillerفي كل منزل هناك شخص ليس له قلب ولا ضمير لديه التحكم والعنف لكن ماذا سينتج هذا العنف ؟؟... روايه تتكلم عن اثنين اخوات واخ التي ليس لديهم حظ يواجهون حياتهم المجهوله في بدايه عمرهم.
